Amǝ Mishan 22:3 - Maləmce Məfele mala Ɓakuli: Kurcau Məbəshe

³ Mim ngga mǝ nda ɓwa Yahudi. À ɓǝlam a nggeala Tarsus aɓa bu-nzali Sǝlisiya, sǝa ma ǝn gulo, sǝ à kaniam gir akani a Urǝshalima aɓata Gamaliyel. À kaniam Nggurcau mala aká sǝm nǝ kwarkiru pepe, ɓǝn kpata anzongcau kat ko mǝye na ka. Ən pa ɓamuram gbal nǝ rǝɓǝla mǝgule ace pe Ɓakuli gulo aɓa ko mana ǝn pak ka, kǝla mǝnana wu pa, wun mǝnana ado kat akani ka.

Amǝ Mishan 22:3 Iomraidhean Croise

Luka 10:39

Marta ka ndanǝ mǝ'eambǝi muna-ɓwama lullǝi ama Maryamu, yi do a ɓadǝm Mǝtalabangŋo Yesu aban ok kanigir male.

Luka 2:46

Anzǝm nongŋo tārú ka à kya kumi a Ndàmǝgule mala Ɓakuli aban do ata amǝkanigir, nda rǝ kwaki kiri aban oea, sǝ kǝ ɗikia acau.

Luka 8:35

Ɓwabunda puro aban ká sǝn gir mǝnana kumban ngga. Lang à yina aban Yesu ka, à yì kum mǝnia yì ɓwa mǝnana akukwar purî rǝì ka, aban do a ɓadǝm Yesu nǝ agir-nggurǝu a rǝì, ɗenyicau male nyarǝna a rǝì, sǝ ɓangciu pakkia wia.

Amǝ Mishan 11:25

Pǝlǝa Barnabas wario a Tarsus a sǝn ban Sawul.

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:41

Pǝlǝa Bulǝs lidǝmbǝa nǝ gya a tarǝia andǝ Silas aɓalǝ abu-nzali Suriya andǝ Sǝlisiya, kǝ kwarkir amǝkwaɗi aban pea wia rǝcandǝa.

Amǝ Mishan 21:20

À nǝ̀ ok mǝnia yì cau ka, à ɓwangsǝki Ɓakuli. Pǝlǝa à ne Bulǝs ama: Mǝ'eam sǝm Bulǝs, a sǝlǝna ama amǝ Yahudi mǝnana à pànà ɓamuria à angŋǝna Yesu ka, lakki malea na á-pas. Sǝ aɓa lakki malea mǝno kat ka, à ndanǝ bumpina arǝ kpata Nggurcau mala Musa.

Amǝ Mishan 21:39

Bulǝs na ama, “Awo, Mim ngga mǝ nda ɓwa Yahudi, a ɓǝlam a Tarsus, nggeala aɓa bu-nzali Sǝlisiya. Mǝ nda muna nggeala mǝɓoarne. Ən nggǝ zǝmbǝo nyinggam njar mǝ nea aɓwana mǝnia ka cau.”

Amǝ Mishan 23:34

Nggwamna pǝlǝa ɓal cautera sǝ ɗi Bulǝs aya buban sǝ puro. Lang yì ka, ongŋǝna ama Bulǝs pur a bu-nzali Sǝlisiya ka,

Amǝ Mishan 23:6

Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 26:5

À surǝna rǝam ɗiɗyal, ɓǝà nǝ̀ na ama à nǝ̀ na mǝsǝcau ka, ama, a tite ɗiɗyal a do mem ngga, mǝ nda aɓa nggǝsanyi mala amǝ Farisi, aɓwana mǝnana à kǝ kpata akuncau andǝ anzongcau mala peri ma'sǝm kat, nǝ tsǝk kiru pepe ka.

Amǝ Mishan 26:9

Ɗiɗyal ka mim nǝ ɓamuram, ǝn nggǝ sǝni nǝma mǝ nǝ pak agir kat mǝnana nǝ̀ tamsǝ lidǝmbǝa mala lullǝ Yesu, ɓwa Nazarat ka.

Amǝ Mishan 5:34

Pǝlǝa ɓeɓwa nakam aɓalǝia, ɓwa Farisi, mǝnana à tunǝki ama Gamaliyel, malǝm Nggurcau mala Musa, mǝnana ɓwapǝndǝa kat kǝ pe wi gulo ka. Lo came aɓalǝia, sǝ tsǝa ɓe amǝ'mishan pur a nza bǝti.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 9:1

Aɓa mǝno anggo ka, Sawul na arǝ lidǝmbǝa nǝ nabura arǝ amǝkpata Mǝtalabangŋo, kǝ earce ama nǝ̀ wal-luia. Wario aban Pǝris Mǝgule,

Amǝ Mishan 9:11

Pǝlǝa Mǝtalabangŋo ne wi ama, “Kyane a nreɓala mǝnana à tunǝki ama Pǝrapǝra ka, ɗice ɓeɓwa Tarsus nakam a ɓala mala Yahuda, lullǝi ama Sawul. Ndaban pak hiwi.

Amǝ Mishan 9:30

Lang ce nǝ̀ kpa kir amǝ'eamrǝarǝu ka, kara à ɓang nǝ Sawul à um nǝi a Kaisariya, à kya tasǝ te aban ká Tarsus, a la malea.

Amǝ Roma 11:1

Ən ɗiban ama, nggearǝì ka, Ɓakuli ginǝna aɓwana male lè? Awo, ginǝia ɗang! Nggearǝ mim nǝ ɓamuram ngga, mǝ nda ɓwa Isǝrayila, Mǝkà Ibǝrayim, a tau mala Benjami.

2 Amǝ Korinti 11:22

Ɓǝ̀ yia ka, amǝ Ibǝru na ka, mim gbal ka mǝ nda ɓwa Ibǝru. Ɓǝ̀ yia ka, amǝ Isǝrayila na ka, mim gbal ka mǝ nda ɓwa Isǝrayila. Ɓǝa nda ka amǝkau mala Ibǝrayim ngga, anggo gbal sǝ ǝn pa.

Amǝ Galati 1:14

Ən kutì aɓeam amǝlo kat aɓa peri mala amǝ Yahudi, sǝ mǝ ndanǝ ɓabumpina kǝrkǝr arǝ kuncau mala aká sǝm.

Amǝ Galati 1:21

Anzǝm mǝno ka ǝn wario arǝ aɓea ban aɓalǝ abu-nzali Suriya andǝ Sǝlisiya.