Amǝ Mishan 2:4 - Maləmce Məfele mala Ɓakuli: Kurcau Məbəshe

⁴ Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 2:4 Iomraidhean Croise

Matiu 10:19

Sǝ ɓǝ̀ à yì bwalkina wun ngga, ɓalǝ wun ɓǝ̀ kǝa kasǝkia arǝ cau mǝnana wu nǝ̀ na ko lang sǝ wu nǝ̀ na ce ka ɗang. Àkǝ̀ pwari mǝno Bangŋo mala Ɓakuli nǝ̀ pa wun cau mǝnana wu nǝ̀ na ka.

Markus 16:17

Aɓwana mǝnana à paɓamuria abanam ngga, amǝnia yia agir'lǝmndǝa ka à nǝ̀ kpatea: Aɓa lullǝam à nǝ̀ pusǝ akukwar, à nǝ̀ nakia cau nǝ abǝsa kun.

Luka 1:15

Mǝnia yì muna ka, nǝ̀ duk ɓwamǝgule a ɓadǝm Mǝtalabangŋo. Ɓǝ̀ kǝa nu mba ko ɓe kǝgir mǝnana nǝ̀ walban ngga ɗang. Yì ka, nǝ̀ lumsǝ nǝ Bangŋo mala Ɓakuli, a bum ngge.

Luka 1:41

Lang Alisabatu ok makkun mala Maryamu ka, muna mǝnana a bumi ka yàl hǝrkit, sǝ Alisabatu lumsǝ nǝ Bangŋo Mǝfele.

Luka 1:67

Zakariya, tar Yohana ka lumsǝ nǝ Bangŋo Mǝfele. Pǝlǝa ɓangnǝ ɓangna, bangcau mala Ɓakuli, ama:

Luka 12:12

Acemǝnana àkǝ̀ banì Bangŋo Mǝfele nǝ̀ kania wun cau mǝnana wu nǝ̀ na ka.

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Luka 4:1

Yesu lumsǝ nǝ Bangŋo Mǝfele, nyari Nggeasala Jodan ngga, Bangŋo mala Ɓakuli um nǝi a ɓabondo.

Yohana 14:26

Sǝ Mǝ pa wun gbasha, yì Bangŋo Mǝfele, mǝnana Tárram nǝ̀ tasǝi aɓa lullǝam ngga, nǝ̀ yia kania wun agirbunda kat, sǝ nǝ̀ kasǝ ɓalǝ wun arǝ agir mǝnana kat, ǝn bangga wun ngga.

Yohana 20:22

Pǝlǝa pyaupia wia lin'ueo amuria sǝ na ama, “Wu ak Bangŋo Mǝfele.

Amǝ Mishan 1:5

Yohana ka pakki aɓwana batisǝma nǝ múr, sǝ banì pà nǝ̀ sau ɗang aɓalǝ anonggeo bǝti ka, à nǝ̀ pakka wun batisǝma nǝ Bangŋo Mǝfele.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 10:46

Sǝ à oea aban naki acau nǝ aɓia kún sǝ à kǝ ɓwangsǝki Ɓakuli. Bitǝrus pǝlǝa na ama,

Amǝ Mishan 10:47

“Aɓwana mǝnia ka à kumǝna Bangŋo Mǝfele kǝla mana sǝm kum ngga, kǝɓwa nakam nǝ̀ gine ama ɓǝa kǝa pakkia wia batisǝma aɓa lullǝ Yesu raka le?”

Amǝ Mishan 11:15

Lang ǝn tinata na cau ka, kara Bangŋo Mǝfele sulǝo amuria, kǝla mǝnana sulǝo amur sǝm a dǝmbe ka.

Amǝ Mishan 11:24

Barnabas ka ɓwa mǝɓoarne na, lumsǝ nǝ Bangŋo Mǝfele andǝ paɓamuru. Aɓwana pas à ak Mǝtalabangŋo.

Amǝ Mishan 13:52

Amǝkpata Yesu mana a Antiyok ka, à lumsǝ nǝ banɓoarnado andǝ Bangŋo Mǝfele.

Amǝ Mishan 13:9

Sǝ Sawul, mana à tunǝki ama Bulǝs ka, lumsǝna nǝ Bangŋo Mǝfele, sǝn Elimas kyap-kyap, sǝ banggi wi ama,

Amǝ Mishan 15:8

Ɓakuli mana surǝ ɓabum koyan ngga, yi lǝmndǝna ama, yì ka, angŋǝnia, acemǝnana pea wia Bangŋo Mǝfele kǝla mana pa sǝm ngga.

Amǝ Mishan 19:6

Pǝlǝa Bulǝs tsǝk bui amuria, kara Bangŋo Mǝfele sulǝo amuria, à nacau nǝ akún-takuli, sǝ à hamnǝ cau mala Ɓakuli.

Amǝ Mishan 2:11

andǝ Kǝreti, andǝ Arabiya. Aɓea aɓwana ata sǝm ngga amǝ Yahudi na, sǝ acili sǝm ngga aɓwana na mǝnana à pǝlǝ amǝkpata peri mala amǝ Yahudi ka. Sǝm kat ka, sǝm ok aɓwana man aban na cau nǝ a kun la sǝm amur agir-ndǝlǝki mǝnana Ɓakuli pea ka!

Amǝ Mishan 2:3

Pǝlǝa à sǝn gir mǝnana nda kǝla alasǝ bǝsa, yi sulǝ amur koyan atea ka kat.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 4:8

Sǝ Bitǝrus ka, lumsǝ nǝ Bangŋo Mǝfele, pǝlǝa nea wia ama: Wun amǝtala la andǝ aɓwana-mǝgule ma'sǝm!

Amǝ Mishan 6:3

Ace mani ka, wun amǝ'eamrǝarǝu, wu tarki aɓwana tongno-nong-ɓari aɓalǝ wun, amǝnana à kǝ ɓwangsǝia, ɗǝm ngga à lumsǝ nǝ Bangŋo mala Ɓakuli, andǝ sǝlǝe, mǝnana sǝm nǝ̀ pea wia mǝnia yì turo ka.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Mishan 6:8

Itǝfanu ka, lumsǝ nǝ ɓwamuru andǝ rǝcandǝa mala Ɓakuli, kǝ pakki agir-gyambǝliban andǝ agir-ndali mǝgulke aɓalǝ aɓwana.

Amǝ Mishan 7:55

Sǝ Itǝfanu ka, lumsǝ nǝ Bangŋo Mǝfele, pǝlǝa loasǝ mǝsǝì a kuli, sǝn ɓoarɓwa mala Ɓakuli andǝ Yesu aban came a bu mǝli mala Ɓakuli.

Amǝ Mishan 8:17

Pǝlǝa Bitǝrus andǝ Yohana tsǝk buia amuria, sǝ à kum Bangŋo Mǝfele.

Amǝ Mishan 9:17

Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

Amǝ Roma 15:13

Ɓǝ̀ Ɓakuli mǝpà tsǝkɓalǝu lumsǝ wun nǝ banɓoarnado, andǝ dorǝpwala, aɓa paɓamuru ma'wun abani, ace mǝnana ɓǝ̀ wu lumsǝ nǝ tsǝkɓalǝu nǝ bu rǝcandǝa mala Bangŋo Mǝfele.

1 Amǝ Korinti 12:10

Ɓe ɓwa ka, Bangŋo pe wi rǝcandǝa mala pakki agir-ndǝlǝki; ɓeɓwa ka, pe wi na gi Ɓakuli. Ɓe ɓwa ka, pe wi sǝlǝe mala gau nre bangŋo mǝɓafoe andǝ mǝ'nyirì. Ɓe ɓwa ka, pe wi nacau nǝ aɓea a kun, sǝ ɓeɓwa ka, pe wi sǝlǝ mala mǝnggi ɓalǝ acau mǝnana à ne nǝ aɓea a kun ngga.

1 Amǝ Korinti 13:1

Ɓǝ̀ mǝ gandǝ na cau nǝ akún mǝnana a ɓanza kat andǝ akún mala amǝturonjar, sǝ ǝn panǝ earcearǝu raka, ǝn dumǝna gonggwang mǝ loasǝbani, ko ana raka, ǝn dumǝna kuli mala amǝ'ntul.

1 Amǝ Korinti 13:8

Earcearǝu ka masǝlǝate pà kàm ɗang, kǝ makban ɗang. Na ɓabum Ɓakuli ka nǝ̀ ngga came. Anakiacau nǝ akún-takuli ka à nǝ̀ ngga came. Ko sǝlǝe ka nǝ̀ ngga kutio.

1 Amǝ Korinti 14:18

Ən pakki Ɓakuli yàwá, acemǝnana ǝn kuti koyana ata wun ngga nǝ nacau nǝ akún-takuli.

1 Amǝ Korinti 14:5

Eare mem ngga, koyan ata wun ngga ɓǝ̀ na cau nǝ akún-takuli; sǝ gir mana ǝn earce kutibanì ka, nda mǝnana ama koyan ata wun ngga ɓǝ̀ na gi Ɓakuli. Acemǝnana na gi Ɓakuli ka, kuti nacau nǝ akún-takuli, she ko ɓǝ̀ do ama ɓeɓwa na abanì, mǝnana nǝ̀ bǝl ɓa cau mǝno à ne nǝ kún-takuli ka, ace ɓak ikǝlisiya.

Amǝ Afisu 3:19

Ən nggǝ zǝmbǝa ama ɓǝ̀ wu surǝ earcearǝu mala Kǝrǝsti, mǝnana gul kǝrkǝr, à pà nǝ̀ gandǝ bwalte kat raka, ace mǝnana ɓǝ̀ wu kum lumsǝo pepe nǝ pa mala Ɓakuli arǝ anjari kat.

Amǝ Afisu 5:18

Wu kǝa wal-walo mùr-anap ɗang, acemǝnana nǝ̀ ká nǝ wun a do kiɗìkì. Wu lumsǝ nǝ Bangŋo mala Ɓakuli akuni.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.

2 Bitǝrus 1:21

Acemǝnana na gi Ɓakuli ka, kǝ pur aɓa kani mala mǝɓangna ɗang. Amǝno yì amǝ'ɓangna ka, Bangŋo Mǝfele na gingnǝia sǝ à na cau mǝnana pur nǝban Ɓakuli ka.