Amǝ Mishan 2:3 - Maləmce Məfele mala Ɓakuli: Kurcau Məbəshe

³ Pǝlǝa à sǝn gir mǝnana nda kǝla alasǝ bǝsa, yi sulǝ amur koyan atea ka kat.

Amǝ Mishan 2:3 Iomraidhean Croise

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 3:15

Sǝ Yesu pa eare ka ne wi ama, “Ɗeki ɓǝ̀ pa ana adyan. Anggo ka sǝ sǝm nǝ̀ lumsǝ agir kat mǝnana Ɓakuli earkicea ka.” Pǝlǝa Yohana eare pakki wi batisǝma.

Luka 24:32

Sǝ à ɗi rǝarǝia ama, “Ashe pa ɓa sǝ ɓabum sǝm kǝ pi mǝnana nda ban na sǝm acau a tanjargula, sǝ kǝ bǝlkia sǝm ɓalǝ Amalǝmce mala Ɓakuli ka ɗang.”

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 2:11

andǝ Kǝreti, andǝ Arabiya. Aɓea aɓwana ata sǝm ngga amǝ Yahudi na, sǝ acili sǝm ngga aɓwana na mǝnana à pǝlǝ amǝkpata peri mala amǝ Yahudi ka. Sǝm kat ka, sǝm ok aɓwana man aban na cau nǝ a kun la sǝm amur agir-ndǝlǝki mǝnana Ɓakuli pea ka!

Amǝ Mishan 2:2

Zuku ka, kara à ok gǝshi gir pur a kuli kǝla gǝshi gung-mbulo mǝcande aban ɓua. Yi lumsǝ ɓala mǝnana à ndakam aban do ka.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

1 Amǝ Korinti 12:10

Ɓe ɓwa ka, Bangŋo pe wi rǝcandǝa mala pakki agir-ndǝlǝki; ɓeɓwa ka, pe wi na gi Ɓakuli. Ɓe ɓwa ka, pe wi sǝlǝe mala gau nre bangŋo mǝɓafoe andǝ mǝ'nyirì. Ɓe ɓwa ka, pe wi nacau nǝ aɓea a kun, sǝ ɓeɓwa ka, pe wi sǝlǝ mala mǝnggi ɓalǝ acau mǝnana à ne nǝ aɓea a kun ngga.

Jemis 3:6

Nggearǝ lasǝ ɓwapǝndǝa gbal ka lasǝ bǝsa na, ɓanza mala ɓealɓikea na aɓa nggurǝ sǝm, nyar ɗǝm ngga kǝ kiɗiki ɓwa kǝring. Lasǝu ɗǝm ngga kǝ kiɗiki ɓwa aɓa do male kat, sǝ yì ka, bǝsa ɓa tuli-lú na kǝ earki nǝi ka.

Sǝna 11:3

Sǝ mǝ nǝ pè amǝnakun mem ɓari rǝcandǝa, à nǝ̀ twal anonggeo mǝno á-mwashat nǝ gbǝman-ɓari nǝ́ lumi-tongno-nong-mwashat ka, à nǝ̀ nggǝ hamnǝ cau mala Ɓakuli, nǝ́ anggurbyau gwado a rǝia.”

Sǝna 14:6

Pǝlǝa ǝn sǝn ɓe mǝturonjar mala Ɓakuli aban yale ɓong-ɓong a bumkuli. Ndarǝ yiu nǝ Cau Amsǝban mǝnana masǝlǝate pà kàm raka, ace mǝnana nǝ̀ yia hamnǝi aban aɓwana a ɓanza, aban koya nzali, andǝ tau, andǝ kun, andǝ ɓwapǝndǝa ka.