Amǝ Mishan 10:2 - Maləmce Məfele mala Ɓakuli: Kurcau Məbəshe

² Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.

Amǝ Mishan 10:2 Iomraidhean Croise

Matiu 25:17

Mǝturo-ɓala mǝnana ak luru mǝsǝboalo ɓari ka wari gbal kya kum mur luru ɓari amur amǝno.

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 2:25

A baku mǝno ka ɓeɓwa nakam nǝ do a Urǝshalima lullǝi ama Shimiyan. Yì ka, mǝ ɓealɓoarna, mǝ ɓanggi Ɓakuli na. Nda ban kundǝ amsǝban mala amǝ Isǝrayila, sǝ Bangŋo Mǝfele na amuri

Amǝ Mishan 10:22

À eare ama, “Ɓwamǝgule soje, yì Karnilus nǝ̀ tur sǝm. Ɓwa mǝɓafoe na, kǝ ɓanggi Ɓakuli. Aɓwana aɓa nzali mala amǝ Yahudi kat kǝ na mǝɓoarne amuri. Mǝturonjar mala Ɓakuli ne wi ama ɓǝ̀ no wu yiu a ɓala male, ace mǝnana ɓǝ̀ kya ok cau mǝnana a nǝ bang ngga.”

Amǝ Mishan 10:31

Na ama, “Karnilus, Ɓakuli ongŋǝna hiwi mo sǝ sǝnǝna aɓoro mǝnana a kǝ pe amǝtǝr ka.

Amǝ Mishan 10:35

A koya kun ngga, kǝ ak aɓwana mǝnana à kǝ peri abani, sǝ à kǝ pak gir mana kǝ pwasǝ bumi ka.

Amǝ Mishan 10:4

Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?” Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia.

Amǝ Mishan 10:7

Lang mǝturonjar mǝnana ne Karnilus cau umna ka, Karnilus tunǝ ata amǝturo ɓala male ɓari, sǝ ɓe soje mwashat mǝgusǝlǝ Ɓakuli, aɓalǝ amǝgya ate.

Amǝ Mishan 11:14

Yì nda ɓwa mǝnana nǝ̀ banggo cau mana nǝ̀ amsǝo andǝ amǝɓala mo kat ka.”

Amǝ Mishan 13:16

Bulǝs pǝlǝa lo came, loasǝ bui ama ban ɓǝ̀ pwal ka, sǝ na ama: Wun amǝ Isǝrayila andǝ aɓwana mala aɓea anzali, mana wu kǝ peri aban Ɓakuli ka, wu kwaki kir wun wu oem!

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 18:8

Kǝrispus, ɓwamǝgule ndakpapi ka, paɓamuri aban Mǝtalabangŋo, yì andǝ amǝɓala male kat. Sǝ aɓwana pas a Korinti, mǝnana à ok cau mala Bulǝs ka, à paɓamuria aban Mǝtalabangŋo, pǝlǝa à pakkia wia batisǝma.

Amǝ Mishan 2:5

A baku mǝno ka, amǝ Yahudi mǝnana amǝ ɓanggi Ɓakuli na, mǝnana à purkio arǝ anzali mala ɓanza kat sǝ à yiu ka, à ndakam nǝ do aɓa Urǝshalima.

Amǝ Mishan 22:12

Aɓa mǝno yì lamǝgule ka, ɓe kǝ ɓwabura na abanì à tunǝki ama, Hananiya; mǝ'ɓanggi Ɓakuli na, bwal nggurcau mala amǝ Yahudi nǝ paɓamuru tam-tam. Amǝ Yahudi mǝnana a Damaska kat ka, à kǝ pe wi gulo.

Amǝ Mishan 8:2

Aɓea amǝ'ɓanggi Ɓakuli na à yì tsǝkban Itǝfanu ka. À ɓua ace kǝrkǝr.

Amǝ Mishan 9:11

Pǝlǝa Mǝtalabangŋo ne wi ama, “Kyane a nreɓala mǝnana à tunǝki ama Pǝrapǝra ka, ɗice ɓeɓwa Tarsus nakam a ɓala mala Yahuda, lullǝi ama Sawul. Ndaban pak hiwi.

Amǝ Mishan 9:31

Anggo sǝ ikǝlisiya aɓa nzali Yahudi kat, andǝ Galili andǝ Samariya ka, dum nǝ rǝpwala. Nǝ́ pa gbasha mala Bangŋo Mǝfele, amǝkwaɗi kum rǝcandǝa, sǝ à kǝ lakki, à do nǝ ɓanggi Mǝtalabangŋo.

Amǝ Mishan 9:36

Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

Amǝ Kolosi 4:2

Wu pa ɓamur rǝ wun arǝ pak hiwi, sǝ aɓa pe ka wu dum nǝ parkiru andǝ ɓabum mala pak yàwá aban Ɓakuli.

1 Amǝ Tasalonika 5:17

wu came arǝ hiwi,

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.

Sǝna 15:4

Yana ɓwe na pà nǝ̀ ɓanggo raka? Yana ɓwe na nǝ̀ ginǝ pe lullǝo gulo, We Mǝtalabangŋo? We nǝmurǝo ɓǝrɓǝr, a nda Mǝfele. Aɓwana arǝ anzali kat, à nǝ̀ yia peri a ɓadǝmbǝo, acemǝnana aturo ɓealɓoarna mo ka, à pusǝna rǝia.”