Rm 10:2 - Ikan feg

² Mə kyèri gha mbɔb kɔ̀ŋ ni fàʼ abə Ŋwiye ane fìŋ ifibì, si ya gha, chəyi mbi taŋ kyèri inɔnjì nì fàʼ ibo.

Meta’

² Mə we tɨ̀ mə ben ni ɨ mbɨə zɨ̀ ətu nɨ faʼ əmbɨ ə Ŋwiə̀, àyɨə chəi mbɨ zɨ ətu yeʼ ɨgun ənû ze nɨ mbɨ kyerɨ ɨmbə̀ʼ ə Ŋwiə̀.

Rm 10:2 Iomraidhean Croise

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Ɨ̀fàʼì 21:20

Anyumə̀ ne mbi ya zughi inug mbe ne Pɔl ya gha inɔb, mbi ya ghumni Ŋwiye, si ghà abə Pɔl gha, “Ìwa ifi, àghò bàd icheg ne mə̀Ju ka chuʼ sə̀ʼə fə bḛ Kristo bə̀ zì atog ni nɔ̀ŋì mə̀nɔ̀ʼɔ̀ Muse.

Ɨ̀fàʼì 21:28

Mbi yaya se kyḛ tɔ̀ŋɔ bəd gha, “Mə̀Izre! Mbə̀ ziye abo wètì awa. Aŋa ya wə̀d we ne yḛ̀ nè chwìte inug abə bəd isiŋi ijìm gha, bəd se bà̰ mə̀Izre bə̀ bà̰ mə̀nɔ̀ʼɔ̀ Muse bə̀ bà̰ fɔrɔ mbàn Ŋwiye izo̰. Məd bə̀ ywìrì niŋ bəd ne kayi mə̀Ju nyi inga mbàn Ŋwiye, chìkì asiŋi ìzḛzḛ azo̰.”

Ɨ̀fàʼì 22:22

Bəd mbe ya zweri ìngam ìwi Pɔl ghò pè ane nyumə̀ ne wì ya gha gha Anɔŋisəg fə chà aməd gha wì ghò ghà ikən chɔm abə bəd ne kayi mə̀Ju. Ane, mbi ya ko se kyḛ ane gì ka ka gha, “Mbə̀ nimni mbaŋà ìzo̰ chì inga isəg! Chəyi wì koʼi ni ywìrì yaʼ izɔm!”

Ɨ̀fàʼì 22:3

“Mo ya Ju. Mbi ya gwi amə a Tasɔ̀s inga Sìlisìyà. Mə ya kweg aŋa a Jèrusalèm bə̀ kwèmbi àŋwàʼrì aton Gàmalìyè. Mə ya kwembi mə̀nɔ̀ʼɔ̀ mbe ne mbi ya nàʼi abə ìmba mə̀mbaʼ aneg. Mə yaya bə̀ zìyè atog ane àfàʼì Ŋwiye icheg ne mbə̰ məjìm mbe bə̀ zìyè.

Rm 10:1

Ìmbum məfi fɔrɔ ìtum njàbi, anug ne mə̀ taŋ kɔ̀ŋ, ya gha, Ŋwiye pumni mə̀Izre məjìm, ane, mə we bə̀ chàʼrà Ŋwiye inɔb.

Rm 10:3

Icheg ne chəyi mbi kyeri inɔnjì ne Ŋwiye we ghìyə̀ bəd təmə kòʼò ibo imbìghè, mbi ya se zɔ̀ŋɔ̀ ni tangi ìtɔb tikuchèg ni təm kòʼ. Ane, chəyi mbɔb ya bḛ icheg ne Ŋwiye we ghìyə̀ bəd təmə kòʼò.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 8:3

Mə gha tesiʼ gha mbɔb ya nàʼ ighi chè icheg ne mbi ya bèrì. Chəyi mbi ya paʼi awɔb paʼi gha mbe naʼa ighi. Mbɔb ya nàʼ ighi icheg ne mbɔb ya kɔ̀ŋi.

Gàlesìyà 1:14

Mə ya taŋ zì atog ane àza anug Ŋwiye mə̀Ju chè mə̀Ju nɔʼ nɔʼ ne yaʼi ìmbum bəd kàŋ. Mə ya bə̀ taŋ zì atog ni nɔ̀ŋì ikuchèg aben we ne ìmba mə̀mbaʼ ya chwiti ina.

Gàlesìyà 4:15

Mbə̰ yaya gyènde imbə̀ʼ amə. Ìwən igyendi imbə̀ʼ amə kə̀ si ghò aya amad anìŋ? Mo we tì mə gha, àkə aghi ne ze ya chwi gha mbə̀ chiye àzən aghə nàʼ inum, nji mbə̰ ya chì nàʼ.

Fìlipì 1:9

Mə ya chàʼrà Ŋwiye inən gha, mbə̀ che imbìghè ni kɔ̀ŋ ìmbən məfi fɔrɔ ìtən njàbi, bə̀ chè imbìghè ni kyeri tesiʼ imbə̀ʼ Ŋwiye. Mə ya bə̀ chàʼrà Ŋwiye inən gha, mbə̀ kyeri inug ne yaʼi inug chɔm bə̀ kyèri inug ne yaʼi inug tibɔ̀ŋ.

Fìlipì 3:6

Kə̀ àkə ane anug ni zì atog ane anug, mo yaya zìyè atog ni chɔʼ ibɔʼì ighog abə bəd Kristo. Kə̀ àkə ane anug ni təm kòʼ anjìm mə̀nɔ̀ʼɔ̀ Muse, mo ya wə̀d ne nɔ̀ŋɔ̀ mə̀nɔ̀ʼɔ̀ məjìm ne chəyi tì wə̀d zì isaʼi igun inum.

Kòlosè 4:13

Mo, mə bàd icheg ne məd we zìyè ika ni fàʼ inən fɔrɔ abə bəd Kristo mbe a Làwùdisìyà tì bəd Kristo mbe a Hìrapolìs.