Ɨ̀fàʼì 6:4 - Ikan feg

⁴ Àsi mba, tì biri niŋ ìwa nyùmə̀ ijìm ane anug ni ya chàʼrà Ŋwiye bə̀ chwìte Ìngam Ŋwiye.”

Meta’

⁴ Əne mbǎ ənɨ wa rɨghəm, tɨ̀ bɨrɨ ten nɨ kɔŋgɨ ə Ŋwiə̀ bə̀ ten nɨ ghà ɨŋgam Ŋwiə̀.”

Ɨ̀fàʼì 6:4 Iomraidhean Croise

Ɨ̀fàʼì 1:14

Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Kòlosè 4:17

Mbə̀ gha abə Akipùs gha wì kirə ika ni mànì àfàʼì ze ne Anɔŋisəg zi ibo ikye abo.

Kòlosè 2:1

Mə kə̀b gha mbə̀ kyeri icheg ne mə kìrə ika fàʼà imbə̀ʼ awən bə̀ fɔrɔ imbə̀ʼ bəd Kristo mbe a Làwùdisìyà fɔrɔ imbə̀ʼ bəd məjìm ne chəyi mbi bi kiri bari amə.

Fìlipì 1:4

Mà nyumə̀ ijìm ne mə chàʼrà Ŋwiye inən mbə̰ məjìm, mə ya chàʼrà tì igyendi inum inga fìŋ.

1 Kɔrèn 9:16

Tesiʼ ya gha, chəyi tì mə kɔ̀m igo imbə̀ʼ icheg ne à ya àfàʼì ne mə mə̀nyiʼ fàʼ. Àmə chəyi mə̀ chètì ikən chɔm imbə̀ʼ Kristo, ngəʼ kyen biri nyi igun inum.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

Lk 1:23

Ane nyùmə̀ àfàʼì məd inga mbàn Ŋwiye ya mèghi, wì ya kurə ghò a achan.