Yohana 4:10 - Ala Ya Salatikan Kula Kitabu

¹⁰ Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Yohana 4:10 Iomraidhean Croise

Luka 11:13

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Yohana 16:3

Ai kɛtɔ ko wo suu kɛla ài la kamasɔlɔn ai ma ǹ Fa lɔn, kumatɛ ǹe ma.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 6:35

Isa do vɛɛ ai yɛ: «Ǹe le niimaya bulu le. Ni mɔɔ mɔɔ si ka na m̀ ma, kɔɔn tɛnala wo tii minala butu. Ni mɔɔ mɔɔ do ka limaniya m̀ ma, minkɛlɔɔ tɛnala wo tii minala butu.

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Kɛkolu 9:11

Mɔ Tii vɛɛ a yɛ: «I wuli, i yi taa siya dɔ la, ai y'a fɔla min ma ko Siya Telennin. I yi taa Judasi ya bon na, ka Taleseka kɛ́ dɔ maɲininga a la, min tɔɔ yi ko Sawuli. A yi Ala dalila yi ne.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 10:4

Ai bɛ ka ji kelen min, Ala ka min labɔ falakolo lɔ. Ado Masa Tɔɔmasenin taanin kɛla falakolo wo le le, min tɛɛ ai salanna.

2 Kolɛntikalu 9:15

Tanuli yi Ala yɛ aa niilifen ya ko lɔ, min ɲɔɔzii tɛ.

Ɛfɛsikalu 2:8

Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Hebululu 6:4

Ài m'i mindɛ fɔ ka bɛn mɔɔ suu wolu ma minu v'ai kɔsei ai kɛko kɔlɔlu ma kɔtunun? Mɔɔ minu vɛ bɔ divi lɔ, ka Ala ya sɔli diyaya lɔn, k'ai ta nii sɔlɔn Nii Sɛnɛyanin lɔ,

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

Ko Lankɛnɛmayanin 21:6

A k'a fɔ ǹ yɛ kɔtunun, a vɛɛ: «A vɛ dafa! Ǹe le Alifa ni Omɛga le, a damina ni a laban. Ni minkɛlɔɔ ka kɛ mɔɔ mɔɔ si la, ǹ kɛtɔ wo tii sɔla ka bɔ niimaya falakɔɔ lɔ, min tɛ sanna.

Ko Lankɛnɛmayanin 22:17

Nii Sɛnɛyanin ni kɔɲɛmoso vɛɛ: «Na!» Mɔɔ min vɛ kuma minu mɛnna, wo tii y'a fɔ, a vɛɛ: «Na!» Ni minkɛlɔɔ ka kɛ mɔɔ min na, wo tii yi na. Ni mɔɔ min ka kɛ niimaya ji fɛ, wo tii y'a dɔ min, a tɛ sanna.

Ko Lankɛnɛmayanin 7:17

Kamasɔlɔn Saa Bolan min yi masayasiifen tɛmala lɔ, wo le kɛtɔ kɛla ai kunmafɛlɛnba le. A kɛtɔ taala ai le falakɔɔlu lɔ, niimaya ji yi bɔla minu lɔ, ado Ala gbu le kɛtɔ ai ɲaji bɛ tɛla.»