Yohana 3:4 - Ala Ya Salatikan Kula Kitabu

⁴ Nikodɛmu vɛɛ: «Mɔɔ vɛ kɔlɔyala, a yi se sɔlɔnna kula kɛ di? Jalasa a yi sene seikɔla a ba kɔnɔlɔ ka sɔlɔn kula kɛ?»

Yohana 3:4 Iomraidhean Croise

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

Yohana 6:53

Wo kɛ, Isa vɛɛ ai yɛ: «Ǹ'i tuɲa fɔ ài yɛ, ni ài ma ǹe Mɔɔnivin Tanin falikolo dɔn ani ka ǹ jeli min, ài tɛnala niimaya sɔlɔnna.

Yohana 6:60

A kɔbiladen siyama ka ko wolu mɛn mingɛ, ai vɛɛ: «Kuma min gbeleyayine! Jene yi se diɲala wo ma?»

1 Kolɛntikalu 1:18

Samakan ka bɛn Isa gbaanko ma kɔlɔman ma, mɔɔ minu yi halaki siya kɔkan, wolu yi wo yena ko kundan ne le. Kɛɛ do, ǹu minu yi lakisili siya kɔkan, wo yi mɔ bolo Ala ya seetiiya le le.

1 Kolɛntikalu 2:14

Kɛɛ adamaden jɛlɛla tɛ a bolo siila Ala Nii Sɛnɛyanin kolu kɔlɔ, kamasɔlɔn wolu y'a ɲana ko kundan ne le. A do tɛ ai ɲayena, kamasɔlɔn wolu wotɛbɔ yi lɔnna Nii Sɛnɛyanin ne fɛ dein.