Yohana 21:2 - Ala Ya Salatikan Kula Kitabu

² A kɔbiladen dɔlu ladɛnnin tɛɛ dingila kelen nɔ. Ado minu tɛɛ je, wolu le ne: Simɔn Piyɛli, Tomasi (ai y'a fɔla min ma ko Mɔɔfila), Nataniyɛli min tɛɛ bɔla Kana so kɔnɔ Galile koovi lɔ, Zebede denkɛ fila, ani kɔbiladen mɔɔ fila gbɛlɛ.

Yohana 21:2 Iomraidhean Croise

Matiyu 10:3

ani Filipe ni Batolomu, ani Tomasi ni Matiyu min tɛɛ niisɔɔnminaba le, ani Alife denkɛ Janguba, ani Tade,

Malɛkɛ 1:19

Isa timinnin woja la dɔni ne, a ka Zebede denkɛ fila ye, minu tɛɛ Janguba ni a dɔɔni Yohana le. Ai siinin tɛɛ jɔlu lɔbɛnna aiya kulun kɔnɔ.

Luka 5:10

A baalekɛɲɔɔ minu tɛɛ Zebede denkɛlu le, Janguba ni Yohana, wolu fana ka kawakoya. Wo lɔ, Isa vɛɛ Simɔn yɛ: «I kà siyan. Ka ta bi ma, i yi jɛɛ ɲininna teme, ǹ kɛtɔ i kɛla mɔɔɲininba le ten ne.»

Yohana 1:45

Filipe ka Nataniyɛli ye mingɛ, a do vɛɛ a yɛ: «Mɔɔ min ya ko sɛvɛnin Nabi Musa ya Taulati ni kela dɔgbɛlɛlu ya kitabulu kɔnɔ, mɔ na wo tii yena. Nazalɛtika Isa le, Jusufu denkɛ.»

Yohana 11:16

A kɔbiladen min tɔɔ tɛɛ ko Tomasi, ai y'a fɔla min ma ko Mɔɔfila, wo vɛɛ a kɔbilaɲɔɔlu yɛ: «Ài m'i taa kalanmɔɔ malɔ, fɔsa m'i sa a fɛ.»

Yohana 2:1

Tele fila a sawana, kɔɲɛmalɔ tolon dɔ ka kɛ Kana so kɔnɔ, Galile koovi lɔ. Ado Isa ba tɛɛ je.

Yohana 2:11

Isa ka aa kawananko kunfɔlɔ min kɛ Kana so le kɔnɔ, Galile koovi lɔ, ka aa magbiliyali lankɛnɛmaya boloɲa min ma. A do kɔbiladennu ka limaniya a ma.

Yohana 20:28

Tomasi k'a javi, a vɛɛ: «Ǹ Kuntii, ani ǹ Tii!»

Yohana 4:46

Isa k'a kɔsei Kana so kɔnɔ, Galile koovi lɔ, a na ji jɛlɛmana ka kɛ lɛzɛnji le tɛɛminja. Jamana ɲamɔɔ dɔ tɛɛ Kapɛlɛnamu so kɔnɔ min denkɛ tɛɛ man kɛnɛ.