Yohana 1:1 - Ala Ya Salatikan Kula Kitabu

¹ A damina lɔ, Kumakan tɛɛ je. Kumakan wo tɛɛ Ala fɛ, ado Kumakan wo yi Ala le le.

Yohana 1:1 Iomraidhean Croise

Matiyu 1:23

«Singbilini min ma kɛ́ ko lɔn ba bene, wo kɛtɔ kɔnɔ tala ka denkɛ sɔlɔn. Ai kɛtɔ a fɔla a ma ko Emanuwɛli.» Emanuwɛli kɔlɔ le ko: «Ala yi mɔ fɛ.»

Luka 24:53

Ai do tɛɛ taala lɔhɔlɔmabonba la ka Ala tanu waate bɛ.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 1:2

Kumakan do tɛɛ Ala fɛ a damina lɔ.

Yohana 16:28

M̀ bɔnin ǹ Fa le fɛlɔ ka na dunuɲa, ado m̀ bɔtɔle dunuɲa yi ne ka seikɔ ǹ Fa fɛlɔ.»

Yohana 17:5

Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.

Yohana 20:28

Tomasi k'a javi, a vɛɛ: «Ǹ Kuntii, ani ǹ Tii!»

Yohana 8:58

Isa vɛɛ ai yɛ: «Ǹ'i tuɲa fɔ ài yɛ, jani Ibulahima tɛɛ sɔlɔn, ǹe le wo le, Min yi je.»

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

Ɛfɛsikalu 3:9

Ado Dannimasa Ala tɛɛ vɛ jatesiili min doon ka ta waate jaan timinninu ma, ko ǹ'i gbonoko wo lankɛnɛmaya bɛ yɛ,

Filipikalu 2:6

Ala kɛɲa tɛɛ ale le lɔ, kɛɛ a m'a bolo la wo ma k'a mili ko ale ni Ala lɔkaannin yi to.

Kɔlɔsikalu 1:15

Ale le Ala yenbali sawula le, ani Denkɛ kunfɔlɔ dannifen bɛ kunna.

Kɔlɔsikalu 1:17

A tɛɛ je kɔlɔman ne fen bɛ ɲa, ado fen bɛ y'ai nɔ lɔ ale le sabu la.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 13:8

Masa Tɔɔmasenin Isa tɛɛ min ne kunun, a yi wo le le bi, a do totɔ ten ne habadan.

Hebululu 7:3

A fa lɔnnin tɛ, a ba lɔnnin tɛ, kumatɛ a jilijaalu ma, ado foi lɔnnin tɛ ka bɛn a sɔlɔnko ma, niwotɛ a sako. A kɛyine iwo Ala Denkɛ, kamasɔlɔn a toyine salakalasebaya la kudein.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

1 Yohana 5:7

Ado seleya sawa le yi je:

Ko Lankɛnɛmayanin 1:11

A do vɛɛ ǹ yɛ: «I natɔ ko minu yena, i yi wolu sɛvɛ kitabu kɔnɔ k'a lataa limaniyajama wolowulan ma minu yi Ɛfɛsi, Similina, Pɛlɛgamu, Tiyatila, Salidɛsi, Filadɛfiya, ani Layodiseya.»

Ko Lankɛnɛmayanin 1:17

Ǹ ka wo tii ye mingɛ, ǹ ka m̀ ben a sen kɔlɔ iwo m̀'ɛ sa. Kɛɛ a k'a bolokini la ǹ kan k'a fɔ ǹ yɛ, a vɛɛ: «I kà siyan. Ǹe le a damina ni a laban ne,

Ko Lankɛnɛmayanin 1:2

Ado ǹ'i seleya dila ka bɛn ǹa koyenin bɛ le ma, Ala kumakan koni, ani Masa Tɔɔmasenin Isa gbu ya seleya.

Ko Lankɛnɛmayanin 1:8

Mɔ Tii Ala vɛɛ ko: «Ǹe le Alifa ni Omɛga le, a damina ni a laban. Ǹe le Seebɛtii le, min yi je, ani min tɛɛ je, ani min natɔ kɛla je.»

Ko Lankɛnɛmayanin 19:13

A do masilinin pipɔ dɔ la, min tɛɛ vɛ sun jeli lɔ. A tɔɔ le Ala Kumakan.

Ko Lankɛnɛmayanin 2:8

«A sɛvɛ k'a lataa limaniyajama ya mɛlɛka ma min yi Similina so kɔnɔ, i vɛɛ: ‹A ye, min y'a damina ni a laban ne, min tɛɛ vɛ sa, kɛɛ a n'i wulila ka bɔ saya lɔ, wo kan ne min ne:

Ko Lankɛnɛmayanin 21:6

A k'a fɔ ǹ yɛ kɔtunun, a vɛɛ: «A vɛ dafa! Ǹe le Alifa ni Omɛga le, a damina ni a laban. Ni minkɛlɔɔ ka kɛ mɔɔ mɔɔ si la, ǹ kɛtɔ wo tii sɔla ka bɔ niimaya falakɔɔ lɔ, min tɛ sanna.

Ko Lankɛnɛmayanin 22:13

Ǹe le Alifa ni Omɛga le, a damina ni a laban, a jusii ni a dan.»

Ko Lankɛnɛmayanin 3:14

«A sɛvɛ k'a lataa limaniyajama ya mɛlɛka ma min yi Layodiseya so kɔnɔ, i vɛɛ: ‹A ye, min yi Amiina le le, min yi sele ɲuma bɛlɛbɛlɛ le, ani Ala ya dannifen bɛ jusii, wo kan ne min ne: