Lɔmukalu 15:2 - Ala Ya Salatikan Kula Kitabu

² Fɔ mɔ kelenkelenna bɛ y'a siiɲɔɔ ladiyanankolu kɛ a nafako kanma k'a lasawati limaniya lɔ.

Lɔmukalu 15:2 Iomraidhean Croise

1 Kolɛntikalu 10:24

Mɔɔ suu suu kà nafa ɲinin a jɛlɛ yɛ dein, mafɔ a mɔɔɲɔɔ fana.

Lɔmukalu 14:19

Wo le y'a ma, ko minu yi nala josolajii ni ɲɔɔ lasawati le, ài m'i wolu le ɲinin.

1 Kolɛntikalu 10:33

iwo ǹ'i ǹ lɔjala teme ka mɔɔ bɛ diyananko kɛ ǹa ko bɛ lɔ. Ǹ tɛ nafa ɲininna ǹ jɛlɛ yɛ, mafɔ dɔlu yɛ, fɔsa ai siyama yi kisi.

1 Kolɛntikalu 13:5

A tɛ malobaliyakolu kɛla, a tɛ gbalala a jɛlɛ le dein, a tɛ mɔnɛla jona. A tɛ ko lɔkilila.

1 Kolɛntikalu 10:23

Ài y'a fɔla, ài vɛɛ: «Ko bɛ ladaanyine mɔ ma.» Tuɲa le, kɛɛ nafa tɛ ko bɛ la. «Ko bɛ ladaanyine mɔ ma,» kɛɛ do, ko bɛ tɛ mɔ sɛmɛdonna limaniya lɔ.

1 Kolɛntikalu 14:3

Kɛɛ mɔɔ min yi kelayakuma lasena, wo tii yi kumala mɔɔlu le yɛ k'ai lasawati, k'ai sɛmɛdon, ani k'ai josolajii.

1 Kolɛntikalu 14:26

M̀ badenmalu, ài ka kan k'a kɛ di wo lɔ? Ni ài vɛ ladɛn kɛla waate min nɔ, ni mɔɔ dɔ y'a fɛ ka baiti la, a a la. Ni kalan y'a dɔgbɛlɛ fɛ, a yi mɔɔlu kalan. Ni ko lankɛnɛmayanin dɔ ka kɛ a dɔgbɛlɛ fɛ ka bɔ Ala fɛ, wo tii y'a fɔ. Ni dɔ y'a fɛ ka kuma kan gbɛlɛ lɔ, a yi kuma. Ni a see yi mɔɔ dɔ yɛ ka kan gbɛlɛ wo latimin, a a latimin. Kɛɛ ko bɛ yi kɛ ka bɛn limaniyajama lasawatiko le ma.

2 Kolɛntikalu 12:19

Tumadɔ ài y'ài milila ko m'i mɔ lɔjala waate min bɛ lɔ ka mɔ kumanɔbɔ ài yɛ. Wo tɛ dɛ! Tuɲa le, mɔ na kuma min bɛ fɔla Ala gbu ɲakɔlɔ, iwo mɔɔ minu yi Masa Tɔɔmasenin ya kafonɲɔɔya lɔ. Mɔ diyananmɔɔlu, m'i ko bɛ kɛla yi ne ka bɛn ài lasawatiko le ma limaniya lɔ.

2 Kolɛntikalu 13:9

Ni fanga ma kɛ mɔ la waate min nɔ, k'a talan ài fanga walanin, m'i sawale wo lɔ. Mɔ do yi Ala dalila fɔsa àiya ko bɛ yi dafa.

Ɛfɛsikalu 4:12

A na wo kɛla fɔsa a yi mumininnu lɔbɛn Ala ya baaleko lɔ ani ka limaniyajama lasawati, min taanin kɛla Masa Tɔɔmasenin falikolo le.

Ɛfɛsikalu 4:29

Ado ài kà diɲa kuma kɛwonnu yi bɔ ài da, mafɔ kuma minu yi se mɔɔlu lasawatila ani k'ai mako laɲia boloɲa dɔ ma, fɔsa ài lamɛnbalu yi nafa sɔlɔn.