Lɔmukalu 12:3 - Ala Ya Salatikan Kula Kitabu

³ Ka bɛn Ala ya nɛɛma ma min dinin m̀ ma, ǹ'a fɔla ài kelenkelenna bɛ yɛ, ǹ ko, ài k'ài jɛlɛ jate mɔɔ le ài tɛ min ne. Mafɔ, ài yi mili ài jɛlɛ ma hangilimaya boloma ka bɛn limaniya jate ma min dinin ài ma Ala bolo.

Lɔmukalu 12:3 Iomraidhean Croise

Luka 18:11

Falisi kɛ́ k'i lɔ a ta fan, a vɛ Ala madalila, a vɛɛ: ‹Ala, ǹ'i balika bɔla i yɛ kamasɔlɔn ǹe tɛ iwo mɔɔ dɔlu, minu yi gbanayakolu kɛla ani ka telenbaliyakolu kɛ, ani ka jalonya kɛ, ǹe do kɛnin tɛ iwo niisɔɔnminaba min ve.

Yohana 3:34

Ala na mɔɔ min kelayala, wo le yi Ala kumakannu lasena, kamasɔlɔn Ala yi Nii Sɛnɛyanin dila a ma bɛlɛbɛlɛ kɛ.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 11:20

Tuɲa le wo le. Wolu tɛɛnin a la ka bɛn aiya limaniyabaliya le ma, ile do i nɔ lɔ ka bɛn iya limaniya le ma. Wo ma, i k'i fannɔbuɲa, mafɔ i yi siyan.

Lɔmukalu 11:25

M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 12:16

Bɛn yi kɛ ài wotɛ. Ài k'ài fannɔbuɲa, mafɔ diɲɔɔya yi kɛ àilu ni bolomadɔɔlu wotɛ. Ài k'ài jɛlɛ jate hangilima le feu.

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

1 Kolɛntikalu 3:10

Ka bɛn Ala ya nɛɛma ma min dinin m̀ ma, ǹ na bon jusiila iwo bonlɔba ɲuma. Ado mɔɔ gbɛlɛ le yi bonlɔ kɛla bonjusii wo kɔkan. Kɛɛ fɔ mɔɔ kelenkelenna bɛ y'a jando aa bonlɔɲa lɔ.

1 Kolɛntikalu 7:17

Mɔ Tii na ko min latɛɛla mɔɔ kelenkelenna bɛ ma, ani Ala n'ài kilila ko min kanma, ài yi to wo boloɲa kelen ma. Ǹa jamali le wo le limaniyajamalu bɛ yɛ.

2 Kolɛntikalu 10:13

Ǹu koni, mɔ tɛ mɔ wasola ka timin mɔ dan na. Kɛɛ Ala na baale min kalifala mɔ la, min taanin kɛla sabu le mɔ na sena ài fɛlɔ, m'i mɔ wasola ka bɛn wo le ma.

2 Kolɛntikalu 12:13

Ǹ na limaniyajama tɔlu lafisayala ài le boloɲa mindɛ ma? Fɔ ko kelenpesa min, m̀ ma ǹ doni la ài kun. Ài jon jaani, ài yi hakɛ to ǹ yɛ ka bɛn wo ma!

2 Kolɛntikalu 12:7

Kɛɛ jani ǹ'i ǹ fannɔbuɲa ka bɛn ko babalu ma minu lajɛlɛnin ǹ ɲa ma, dimin dɔ ka sii ǹ na iwo wonin min donnin ǹ fali lɔ, ka kɛ Soitana ya keladen ne, fɔsa ɲagba yi se m̀ ma ka m̀ mataa fannɔbaya la.

Galatiyakalu 6:3

Ni mɔɔ min k'a jɛlɛ ye mɔɔba le k'a talan a tɛ foi le, wo tii y'a jɛlɛ le manɛɛla.

Ɛfɛsikalu 3:2

Ǹ lanin a la ài v'a mɛn Ala na baale min kalifala ǹ na teme aa nɛɛma lɔ ka bɛn ài ma.

Ɛfɛsikalu 3:4

Ni ài ka wo kalan, ǹ na lɔnni min sɔlɔnna ka bɛn Masa Tɔɔmasenin ya gbonoko ma, ài yi wo ɲayene.

Ɛfɛsikalu 4:16

Aa kuntiiya lɔ, falikolo fan bɛ la yi dɛnna k'ai tuun i ɲɔɔ na a tuunɲa bɛ le. Wo lɔ, falikolo fan kelenkelenna bɛ vɛ kɛla a ta baale kɛla a ɲa ma, falikolo lakunnin la yi sawatile kanundeya boloma.

Filipikalu 2:13

Kamasɔlɔn Ala gbu yi baalela ài josokun nɔ waate bɛ k'ài ladiɲa a diyanankolu ma, ani ka wolu kɛ see di ài ma.

Kɔlɔsikalu 1:29

Wo ma yi ne, ǹ'i baalela, m'ɛ sɛɛ kɛla ka bɛn Masa Tɔɔmasenin ya fanga bɛ ma, a yi min labaalela ǹ nɔ bɛlɛbɛlɛ kɛ.

Kɔlɔsikalu 2:13

Waate lɔ, ài sayine tɛɛ ka bɛn àiya julumbulu ma, ani ài dajoo kɔlɔlu, ài tɛɛ minu la àiya kɛnɛkɛbaliya waate lɔ. Kɛɛ tandainɔ, Ala vɛ niimaya di àilu ni Masa Tɔɔmasenin ma kelen ne, ka maa julumbulu lɔkoto.

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

1 Timote 2:15

Wo bɛ n'a kɛ, moso kɛtɔ kisila ka bɛn densɔlɔnko le ma, ni a ka to taamana limaniya, ni kanundeya, ni sɛnɛyali, ani jɛlɛlɔmina boloma.

1 Timote 2:9

Wo boloɲa kelen ma, mosolu y'ai masili boloɲa bɛlɛ ma, jɛlɛlɔmina ni buɲali boloma. Ai do kà ai jɛlɛ lakeinya kundan daagbɛlɛn ne, k'ai masili sanu ni lulu ni faani daagbɛlɛnnu le,

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Tite 2:2

A fɔ kɛmɔbalu yɛ ko ai yi kɛ mɔɔ sɔvɛ le, k'ai jɛlɛ buɲa, ani k'ai jɛlɛ lɔmina, ani ka sawati limaniya ni kanundeya ni sawali lɔ.

Tite 2:4

fɔsa ai yi singbililu makalan ai kɛ́nu ni ai dennu kanuɲa la,

Tite 2:6

Wo boloɲa kelen ma, i yi kavelennu lali ko ai yi kɛ jɛlɛlɔminamɔɔlu le.

Janguba 4:6

Wo bɛ n'a kɛ, Ala yi nɛɛma min dila mɔ ma, wo buɲayine. Wo le y'a ma, a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a aa nɛɛma dila mɔɔ fanmajiininnu le ma.»

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

1 Piyɛli 4:7

Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.

1 Piyɛli 5:5

Wo boloɲa kelen ma, àilu fɔningelu y'ài fanmajii kɛmɔbalu yɛ. Ài bɛ i ɲɔɔ madɛmɛn fanmajii boloma, kamasɔlɔn a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a yi nɛɛma le dila mɔɔ fanmajiininnu ma.»

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

3 Yohana 1:9

Ǹ na sɛvɛ dɔ lataala limaniyajama ma, kɛɛ do, Diyotɛlɛfu min yi ɲamɔɔya ɲaɲininna, wo mako pa tɛ mɔ la.