Matiyu 8:4 - Ala Ya Salatikan Kula Kitabu

⁴ Isa do vɛɛ a yɛ: «I y'alama, i kà min fɔ mɔɔ suu suu yɛ. Kɛɛ fɔ yi taa i jɛlɛ jiya salakalaseba la ka niilifen bɔ iwo Nabi Musa k'a jamali teme. Wo le kɛtɔ a jiyala bɛ la ko i la vɛ sɛnɛya.»

Matiyu 8:4 Iomraidhean Croise

Matiyu 10:18

ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ ani siboloma gbɛlɛlu.

Matiyu 16:20

Wo fɔ Isa bolo, a k'a kɔbiladennu jamali, k'a magbeleya ko ai kà a fɔ mɔɔ suu suu yɛ ko ale le Masa Tɔɔmasenin ne.

Matiyu 17:9

Isa nu jiitɔla tini la, a k'ai jamali, a vɛɛ: «Ài na min yena, ài kà wo fɔ mɔɔ suu suu yɛ bene, fɔ Mɔɔnivin Tanin v'i wulila ka bɔ saya lɔ.»

Matiyu 3:15

Isa k'a javi, a vɛɛ: «I yi diɲa wo ma butu, kamasɔlɔn a bɛnnin m'i wo kɛ fɔsa Ala sawo ma yi fa teme.» Wo fɔ, Yaya ka diɲa wo ma.

Matiyu 5:17

«Ài k'ài mili ko ǹ nanin ka seliyalu bɔ ai nɔ lɔ, minu sɛvɛnin Nabi Musa ya Taulati lɔ, niwotɛ kela dɔgbɛlɛlu ya kitabulu lɔ. M̀ ma na ka wolu bɔ ai nɔ lɔ, mafɔ k'ai mafa.

Matiyu 6:1

«Ài kà àiya diinakolu kɛ mɔɔlu ɲakɔlɔ, fɔsa ai yi wolu kɛnin ye ài bolo. Ài vɛ wo kɛla, ài Fa min yi haijɛnɛ, wo tɛnala ài balayila feu.

Matiyu 9:30

Wo kɛ, ai ɲa la ka ka. Isa k'a fɔ ai yɛ k'a magbeleya, a vɛɛ: «Ài kà ko min fɔ mɔɔ suu suu yɛ.»

Malɛkɛ 13:9

«Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ.

Malɛkɛ 3:12

A do tɛɛ a fɔla ai yɛ k'a magbeleya ko ai kà a mangan lajɛzɛn.

Malɛkɛ 5:43

Isa k'a fɔ ai yɛ k'a magbeleya, ko ai kà ko wo fɔ mɔɔ suu suu yɛ. A do vɛɛ ko ai yi dɔnnifen dɔ di singbilini ma.

Malɛkɛ 6:11

Ni mɔɔlu k'i ban ài lɔminala tɛɛ o tɛɛ lɔ ani k'i ban ai tolomalɔla ài la, wo vɛ kɛla, ài yi bɔ je ka je gbangban bɔ ài sen ma, ka wo kɛ ai ban tɔɔmase le.»

Malɛkɛ 7:36

Wo lɔ, Isa k'a fɔ ai yɛ k'a magbeleya ko ai kà wo ko fɔ mɔɔ suu suu yɛ. Kɛɛ a tɛɛ vɛ wo fɔla ai yɛ kotan, ai tɛɛ wo ko lajɛzɛnna ka timin a kunfɔlɔ ta la.

Malɛkɛ 8:30

Isa do k'a fɔ ai yɛ k'a magbeleya ko ai kà wo fɔ mɔɔ suu suu yɛ.

Malɛkɛ 9:9

Isa nu jiitɔla tini la, a k'ai jamali, a vɛɛ: «Ài na min yena, ài kà wo fɔ mɔɔ suu suu yɛ bene, fɔɔ Mɔɔnivin Tanin v'i wulila ka bɔ saya lɔ.»

Luka 17:14

Isa k'ai ye mingɛ, a vɛɛ ai yɛ: «Ài yi taa ài jɛlɛ jiya salakalasebalu la.» Ai taatɔla, ai bɛ la ka sɛnɛya.

Luka 21:13

Wo le kɛtɔ sabu le ài kɛtɔ ǹa ko seleya dila ai ma.

Luka 4:41

Jinalu tɛɛ bɔla mɔɔ siyama lɔ fana. Ai bɔ waate, ai tɛɛ gbanɔla, ai vɛɛ: «Ala Denkɛ le i le le!» Kɛɛ Isa do tɛɛ ai majamanna ko ai yi jeden. A ma diɲa ai yi kuma, kamasɔlɔn ai tɛɛ k'a lɔn ko ale le Masa Tɔɔmasenin ne.

Luka 5:14

Isa do k'a jamali, a vɛɛ: «I kà min ko fɔ mɔɔ suu suu yɛ. Kɛɛ fɔ i yi taa i jɛlɛ jiya salakalaseba la, ka niilifen bɔ iwo Nabi Musa k'a jamali teme. Wo le kɛtɔ a jiyala bɛ la ko i la vɛ sɛnɛya.»

Luka 8:56

A fa ni a ba ka kawakoya, kɛɛ Isa k'ai jamali ko ai kà wo ko fɔ mɔɔ suu suu yɛ.

Luka 9:21

Isa do k'a fɔ ai yɛ k'a magbeleya ko ai kà wo ko fɔ mɔɔ suu suu yɛ.

Yohana 5:41

«Ǹ tɛ adamadennu ya magbiliyali ɲininna.

Yohana 7:18

Mɔɔ min yi kumala a jɛlɛkanu ya seetiiya lɔ, wo tii yi mɔɔlu ya buɲali le kɔ. Kɛɛ mɔɔ min y'a kelaba ya buɲali kɔ, wo tii le tuɲande le, a do tɛ faɲa suu suu fɔla.

Yohana 8:50

Ǹ tɛ magbiliyali ɲininna ǹ jɛlɛ yɛ, kɛɛ dɔ vɛ je min y'a ɲininna ǹ yɛ, a do yi kititɛɛba le le.