Matiyu 26:18 - Ala Ya Salatikan Kula Kitabu

¹⁸ Isa vɛɛ ai yɛ: «Ài yi taa kɛ́ dɔ fɛlɔ so kɔnɔ, ài y'a fɔ a yɛ, ài vɛɛ: ‹Kalanmɔɔ bolo ko aa waate ma vɛ sulunya. Ko ale ni a kɔbiladennu kɛtɔ Timinkunna Selilon dɔnni kɛla i fɛ le lɔ.› »

Matiyu 26:18 Iomraidhean Croise

Yohana 7:6

Isa do k'ai javi, a vɛɛ: «Ǹa waate ma se ba bene. Kɛɛ àilu koni, waate suu suu bɛnyine ài ma.

Yohana 17:1

Isa wɔlinin kuma wolu fɔla, a k'a ɲa lajɛlɛ sanma k'a fɔ, a vɛɛ: «Ǹ Fa, waate vɛ se. Magbiliyali di i Denkɛ ma, fɔsa i Denkɛ fana yi magbiliyali di i ma.

Yohana 13:1

Jani Timinkunna Selilon tɛɛ se, Isa tɛɛ k'a lɔn ko a taa waate ma vɛ sulunya ka bɔ dunuɲa ka taa a Fa fɛlɔ. Aa mɔɔ minu tɛɛ dunuɲa, a tɛɛ wolu le kanula kudein. A do ka to ai kanula haan fɔɔ a laban nɔ.

Yohana 7:30

Wo fɔ Isa bolo, ai tɛɛ a fɛ ka a mina, kɛɛ mɔɔ suu suu bolo ma se a ma, kamasɔlɔn aa waate tɛɛ ma se ba.

Yohana 7:8

Wo le y'a ma, àilu yi taa selibɔya lɔ, kɛɛ ǹe do tɛ taala, kamasɔlɔn ǹa waate ma se ba.»

Yohana 12:23

Wo lɔ, Isa k'ai javi, a vɛɛ: «Mɔɔnivin Tanin ya magbiliyali waate vɛ se.

Luka 22:53

Lon bɛ, ǹ tɛɛ ài fɛ lɔhɔlɔmabonba la, kɛɛ do, ài m'i lɔja ka m̀ mina je. Kɛɛ àiya waate le ne, ani divi ya seesɔlɔn waate.»

Yohana 11:28

Maata wɔlinin wo fɔla, a ka bɔ je ka taa a fɔ a dɔɔmoso Mɔyamu yɛ doon nɔ, a vɛɛ: «Kalanmɔɔ vɛ na, a y'i kilila.»

Malɛkɛ 5:35

Isa ka to kumala, mɔɔ dɔlu ka na ka bɔ ɲamɔɔ wo ya bon na k'a fɔ a yɛ, ai vɛɛ: «I denmoso vɛ sa. I kà kalanmɔɔ ɲagba butu.»

Matiyu 26:2

«Ài k'a lɔn, a vɛ to tele fila, Timinkunna Selilon yi se. Wo vɛ kɛla, ai kɛtɔ Mɔɔnivin Tanin minala ka a don a juulu bolo a gbaanko lɔ kɔlɔman ma.»

Matiyu 23:10

Ài kà diɲa mɔɔlu y'a fɔ ài ma ko ‹Kuntii›, kamasɔlɔn Kuntii kelen ne ài bolo, min taanin kɛla Masa Tɔɔmasenin ne.

Matiyu 23:8

Kɛɛ ài kà diɲa mɔɔlu y'a fɔ ài ma ko ‹Kalanmɔɔ›, kamasɔlɔn Kalanmɔɔ kelen ne ài bolo. Ài tɔ bɛ yi badenma le le.

Matiyu 21:3

Ni mɔɔ dɔ k'ài maɲininga, ài vɛɛ wo tii yɛ: ‹Mɔ Kuntii le mako y'ai la.› Wo vɛ kɛla, a kɛtɔ sofalinilu tola ài bolo telemanin.»

Yohana 20:16

Isa do vɛɛ a yɛ: «Mɔyamu!» Wo fɔ Isa bolo, Mɔyamu k'i ɲa tilimin k'a fɔ a yɛ Hebulukan nɔ, a vɛɛ: «Laboni!» (Wo kɔlɔ le ko Kalanmɔɔ.)

Matiyu 26:49

Judasi k'i madon Isa la telemanin k'a fɔ a yɛ, a vɛɛ: «Kalanmɔɔ, i ni wula!» A do vɛ Isa sumuna a tama lɔ.

Matiyu 26:19

Isa kɔbiladennu k'a kɛ iwo a k'a fɔ ai yɛ teme. Ai ka taa Timinkunna Selilon dɔnnifen lɔbɛn je.