Luka 10:3 - Ala Ya Salatikan Kula Kitabu

³ Ài yi taa vɛ! Ǹ'ài lataala iwo saa denni minu bilanin soofalilu tɛma.

Luka 10:3 Iomraidhean Croise

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Matiyu 10:22

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Matiyu 7:15

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le.

Luka 10:4

Ài kà taa wɔli le ài kun, niwotɛ taamabɔlɔ, niwotɛ samalalu, ani ài kà mɔɔ fo siya la.

Yohana 10:12

Mɔɔ min yi baalela wɔliko lɔ, wo tii tɛ saakunnasiiba bɛlɛ le, kumatɛ saalu tii. Ni a ka soofali dɔ natɔla ye, a yi saalu tola je ka bɔli. Soofali do yi saa dɔlu minale, k'a tɔlu lɔjɛzɛn.

Yohana 15:20

Ǹ na min fɔla ài yɛ kɔlɔkɔlɔ le, ài hangili yi to wo lɔ, ǹ ko: ‹Jɔn tɛ buɲa sɔlɔnna ka timin aa jɔnfa la.› Ni ai na ǹ jangatala, ai kɛtɔ àilu fana jangatala. Kɛɛ ni ai na ǹ kumakannu labatola, ai kɛtɔ ài kumakannu labatola fana.

Yohana 16:2

Ai kɛtɔ ài gbɛnna k'ài labɔ Aladalibonnu la. Ado lon dɔ sentɔ, ài faabalu kɛtɔ ai milila ko ai yi Ala ya baale le la wo le.

Kɛkolu 20:29

Ǹ k'a lɔn m̀'ɛ taala waate min nɔ, mɔɔ yonnu dontɔ ài tɛma iwo soofalilu, minu tɛnala saa kulu tola je.

Kɛkolu 9:16

A do kɛtɔ tɔlɔya minu masɔlɔnna ǹa ko lɔ, ǹe gbu le kɛtɔ wo jiyala a la.»

Kɛkolu 9:2

k'a maɲininga sɛvɛli dɔlu ma, fɔsa a yi taa wolu jiya Aladalibon ɲamɔɔlu la Damase so kɔnɔ. Wo lɔ saa, ni a tɛɛ ka kɛ́ ni moso dɔlu ye je, minu tɛɛ Isa ya siya kɔkan, a tɛɛ wolu minale ka na ai silinin ne Jelusalɛmu.