Kɛkolu 7:8 - Ala Ya Salatikan Kula Kitabu

⁸ Wo kɛ, Ala ka salatikan ta Ibulahima yɛ, ka kɛnɛkɛko kɛ wo tɔɔmase le. Wo le k'a kɛ, Ibulahima ka Isiyaka sɔlɔn mingɛ, a ka a makɛnɛkɛ a sɔlɔn tele seinna ma. Isiyaka ka Janguba sɔlɔn, ado Janguba ka mɔ bema malɔnnin tan ni fila (12) sɔlɔn.

Kɛkolu 7:8 Iomraidhean Croise

Matiyu 1:2

Ibulahima ka Isiyaka sɔlɔn. Isiyaka ka Janguba sɔlɔn. Janguba ka Juda sɔlɔn ani a badenmakɛ tɔlu.

Yohana 7:22

Nabi Musa na kɛnɛkɛko jamali dila ài ma, k'a talan mɔ bemanu le na kɛnɛkɛko daminala, Nabi Musa tɛ. Wo le n'a kɛla, hali Nɔningɛlon gbu, ài y'ài denkɛlu makɛnɛkɛla.

Kɛkolu 2:29

Piyɛli vɛɛ kɔtunun: «M̀ badenmalu, fɔ ǹ'i mɔ bema Dawuda ya ko fɔ ài yɛ k'a lagbɛ. Ǹ ko, a na sala, ai do na a su doonna. Hali bi a kabulu yi mɔ fɛlɔ jan.

Lɔmukalu 4:10

Wo kɛnin waate mindɛ? Wo kɛnin jani Ibulahima makɛnɛ tɛɛ kɛ, baa wo kɔla? Tuɲa le, a ma kɛ aa kɛnɛkɛko kɔla, mafɔ aa kɛnɛkɛbaliya waate lɔ.

Galatiyakalu 3:15

M̀ badenmalu, ǹ'a fɛ ka misali di ka bɛn maa laanalu le ma. Ni mɔɔ dɔ ka salatikan sɛvɛ ladan k'a to a kɔ, mɔɔ gbɛlɛ tɛ se wo tiɲala, kumatɛ k'a dɔ la wo kɔkan.

Galatiyakalu 3:17

Ǹa kuma kɔlɔ le min ne: Nabi Musa ya seliya min dinin tɛɛ sanji kɛmɛ naani ni sanji bisawa (430) le Ala ya lahedi ta kɔ Ibulahima yɛ, wo ma se salatikan kunfɔlɔ wo tiɲala, kumatɛ ka Ala ya lahedi tanin lɔsa.

Hebululu 7:4

Ài y'a ye kɛ́ min tɛɛ mɔɔba le le, kamasɔlɔn mɔ bema Ibulahima gbu ka aa kɛlɛkɔlɔfennu jaa bɔ k'a di a ma!