Kɛkolu 3:25 - Ala Ya Salatikan Kula Kitabu

²⁵ Ala na ko ko jiyala kelalu la, ani a na salatikan min tala ài bemanu yɛ, ài ta le wo bɛ le. A n'a fɔla Nabi Ibulahima yɛ, a vɛɛ: ‹Dunuɲa kabila bɛ kɛtɔ balaka sɔlɔnna i bɔzɔnnu le fɛ.›

Kɛkolu 3:25 Iomraidhean Croise

Luka 1:72

Wo boloɲa le ma, a aa henandeya jiyala mɔ bemanu la, k'a hangili to aa lɔhɔlɔma salatikan nɔ,

Kɛkolu 13:26

«M̀ badenmalu, Ibulahima bɔzɔnnu ni Alaɲasiyanɲɛmɔɔlu bɛ, Ala na kisiko kuma min lanala ǹu le ma.

Kɛkolu 2:39

A na wo le lahedi tala àilu ni ài dennu yɛ, ani mɔɔ minu yi dingila majaannu lɔ, mɔ Tii Ala kɛtɔ minu bɛ kilila ka na a ma.»

Lɔmukalu 15:8

Ǹ'a fɔ ài yɛ, Masa Tɔɔmasenin na kɛla Jahudiyalu ya bɔiden ne Ala ya lahedilu dafako le lɔ, a na minu tala ai bemanu yɛ, fɔsa a a jiya ko Ala yi tuɲande le le.

Lɔmukalu 4:13

Ala na lahedi min tala Ibulahima ni a bɔzɔnnu yɛ k'a fɔ ko duukolo kɛtɔ kɛla ai ta le le, wo ma kɛ ka bɛn seliya latelenko ma, mafɔ telenmandeya min yi nala limaniya fɛ.

Galatiyakalu 3:16

Ado Ala ka lahedi ta Nabi Ibulahima ni a bɔzɔn ne yɛ. Wo lɔ, a sɛvɛnin tɛ kitabu kɔnɔ ko: «a bɔzɔnnu,» ka kɛ iwo mɔɔ siyama, mafɔ a sɛvɛnin ko: «a bɔzɔn,» min taanin kɛla Masa Tɔɔmasenin ne.

Galatiyakalu 3:29

Ni ài ka kɛ Masa Tɔɔmasenin ta le, wo vɛ kɛla, Ibulahima bɔzɔn ne ài le. Ado Ala na lahedi min tala Ibulahima yɛ, ài y'ài ta sɔlɔnne lahedi wo lɔ.

Galatiyakalu 3:8

A sɛvɛyine kitabu kɔnɔ kɔlɔkɔlɔ le ko Ala kɛtɔ siboloma gbɛlɛ mɔɔlu jatela telenmande le ka bɛn limaniya le ma. Wo lɔ, Samakan Kein la ka se Ibulahima ma jani wo waate tɛɛ se, ko: «Siboloma bɛ kɛtɔ balaka sɔlɔnna ile le fɛ.»

Ko Lankɛnɛmayanin 14:6

Wo kɔ, ǹ ka mɛlɛka dɔgbɛlɛ ndiintɔla ye sanma, habadan Samakan Kein tɛɛ a bolo k'a lase dunuɲamɔɔlu bɛ ma, siboloma ni kabila ni kan ni jamanalu bɛ.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.

Ko Lankɛnɛmayanin 7:9

Wo timin kɔ, ǹ ka to kolasaala ka jama siyama ba ye, minu walanin tɛɛ haan fɔɔ mɔɔ tɛɛ tɛ se ai kɔndɛ jate lɔnna. Mɔɔ wolu bɔnin tɛɛ siboloma bɛ le lɔ, ani kabila bɛ, ani jamana bɛ, ani minu tɛɛ kan suu bɛ dɔ fɔla. Ai tɛɛ lɔnin masayasiifen ni Saa Bolan ɲafɛla lɔ, pipɔ gbɛ vɛ ai kanna, ani ten bululu vɛ ai bolo.