Kɛkolu 3:23 - Ala Ya Salatikan Kula Kitabu

²³ Ni mɔɔ mɔɔ ma kela wo labato, wo tii bɔtɔle Ala ya mɔɔlu tɛma ka halaki.›

Kɛkolu 3:23 Iomraidhean Croise

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Yohana 12:48

Ni mɔɔ min k'i ban ǹ nɔ, a do m'a bolo sii ǹ kumakan kɔlɔ, ko yi je min kɛtɔ a kitila, wo le ǹ kumakan ne, ǹ na min fɔla. Wo gbugbu le kɛtɔ a kitila dunuɲa laban lon.

Yohana 8:24

Wo le n'a kɛla, ǹ n'a fɔla ài yɛ, ǹ ko, ài satɔle k'ài to àiya julumbulu lɔ. Ǹ ko, ni ài ma limaniya k'a fɔ ‹Ǹe le wo le, Min yi je›, wo vɛ kɛla, ài satɔle k'ài to àiya julumbulu lɔ.»

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Hebululu 10:39

Ǹu do fɛ tɛ mɔɔ wolu la minu yi seikɔla ai kɔma ka halaki, mafɔ minu yi tola limaniya siya kɔkan ka kisi.

Hebululu 12:25

Wo le y'a ma, ài y'alama, ài k'i ban wo lɔ min yi kumala yi ne. Mɔɔ minu k'i ban ai laliba lɔ dunuɲa, ni kolatɔn ma polo wolu ma, wo vɛ kɛla, ǹu do? Jalasa kolatɔn yi polole mɔ ma, ni mɔ k'i ban wo lɔ min yi mɔ lalila ka bɔ haijɛnɛ?

Hebululu 2:3

ǹu do kɛtɔ mɔ gbanna di vɛ kolatɔn kunna, ni mɔ ka jɔ kisiko makawanin min suu ma? Kisiko min la ka se mɔ Tii bolo kunfɔlɔ le, wo do lamɛnbalu k'a lasawati mɔ yɛ,

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 20:15

Ado mɔɔ mɔɔ tɔɔ sɛvɛnin tɛɛ ma talan niimaya kitabu kɔnɔ, wo tii la ka fili taa diɲa ba lɔ.