Kɛkolu 26:18 - Ala Ya Salatikan Kula Kitabu

¹⁸ ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

Kɛkolu 26:18 Iomraidhean Croise

Matiyu 4:10

Isa vɛɛ a yɛ: «Bɔ ǹ kɔ Soitana, kamasɔlɔn a sɛvɛnin kitabu kɔnɔ, ko: ‹I i Tii Ala le bato ka baale kɛ ale kelen yɛ dein.› »

Matiyu 4:16

Mɔɔ minu siinin tɛɛ divi lɔ je, wolu vɛ Ala ya kɛnɛya ye gbesekele. Mɔɔ minu siinin tɛɛ saya jamana divi lɔ, kɛnɛya vɛ bɔ wolu yɛ.»

Luka 1:77

fɔsa i y'aa mɔɔlu lalɔnni kisiko la, aiya julumbulu lɔkotoko sabu la.

Luka 1:79

fɔsa mɔɔ minu siinin divi lɔ saya duulen kɔlɔ, kɛnɛya yi bɔ wolu yɛ, ani mɔ sen yi bila josolajii siya kɔkan.»

Luka 2:32

Kɛnɛya le a le i sawonankolu lankɛnɛmayako lɔ siboloma bɛ yɛ, ani magbiliyali le a le Bani Isilankalu ma.»

Luka 24:45

A do k'ai hangili laka, fɔsa ai tɛɛ se kitabulu kɔlɔ ɲayena.

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Yohana 17:17

Ai bila ai ta fan i jɛlɛ yɛ ka bɛn tuɲandeya ma, kamasɔlɔn i kumakan yi tuɲa le le.

Yohana 3:19

Jobaliya wo kun ne min ne: Kɛnɛya vɛ na dunuɲa, kɛɛ divi le diyanin adamadennu yɛ ka timin kɛnɛya la, kamasɔlɔn ai kɛkolu le kɛwonyanin.

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 8:12

Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Yohana 9:39

Isa do vɛɛ: «Ǹ nanin dunuɲa kititɛɛko le lɔ, fɔsa ɲagbɛlu ɲa la yi ka ani yenikɛbalu ɲa yi gbɛ.»

Yohana 9:5

Damanda ǹ'i dunuɲa kɔnɔ yi ne, ǹe le dunuɲa kɛnɛya le.»

Kɛkolu 10:43

Seleya dinin ka bɛn a ma kelalu bɛ bolo, ko ni mɔɔ mɔɔ ka limaniya a ma, wo tii ya julumbulu lɔ yi kotole a tɔɔ sabu la.»

Kɛkolu 13:47

Kamasɔlɔn mɔ Tii na jamali min ne dila mɔ ma, ko: ‹M̀'ɛ i kɛ kɛnɛya le siboloma gbɛlɛlu yɛ, fɔsa i yi kisiko lase haan fɔɔ dunuɲa dan na.› »

Kɛkolu 15:9

Wo ma, Ala ma lafisayali kɛ ǹu ni ailu wotɛ, kamasɔlɔn a n'ai josokun lasɛnɛyala ka bɛn aiya limaniya le ma.

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Kɛkolu 26:19

«Wo lɔ saa, Masakɛ Agilipa, ko min la ka jɛlɛ ǹ ɲa ma ka bɔ haijɛnɛ, m̀ ma wo sɔsɔ feu.

Kɛkolu 26:23

Wolu vɛɛ ko Alimasihu kɛtɔ tɔlɔya masɔlɔnna ka kɛ mɔɔ kunfɔlɔ le k'a wuli ka bɔ saya lɔ. Ai do vɛɛ kɔtunun ko a kɛtɔ Ala ya kɛnɛya lasena maa mɔɔlu ma, ani siboloma gbɛlɛ mɔɔlu fana.»

Kɛkolu 3:19

Wo lɔ saa, ài y'ài dajoo mafalin, k'ài fannɔsei Ala ma, fɔsa àiya julumbulu yi bɔ ài ma.

Kɛkolu 5:31

Ala n'a kɔlɔtala k'a lasii a bolokini fannɔ, k'a kɛ Ɲamɔɔ ni Lakisilikɛba le, fɔsa Bani Isilankalu y'a ɲa sɔlɔn k'ai dajoo mafalin aiya julumbulu lɔkotoko lɔ.

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

2 Kolɛntikalu 6:14

Àilu ni limaniyabalilu kà ài kun sili jili kelen ma ka dɛn ko kelen na. Kamasɔlɔn kafonɲɔɔya suu mindɛ le yi telenmandeya ni kɔnɔlɔgbeya wotɛ? Diɲɔɔya suu mindɛ le yi kɛnɛya ni divi wotɛ?

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Galatiyakalu 3:14

A na mɔ kunmakala fɔsa Nabi Ibulahima balaka yi la siboloma gbɛlɛ mɔɔlu kɔkan Masa Tɔɔmasenin Isa sabu la, ani ǹu gbu yi Nii Sɛnɛyanin sɔlɔn limaniya fɛ, min lahedi tanin Ala bolo.

Galatiyakalu 3:2

Ǹ'a fɛ k'ài maɲininga ko kelen min na, wo le ne: Ài na Nii Sɛnɛyanin sɔlɔnna ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Ɛfɛsikalu 1:11

Ala yi ko bɛ kɛla ka bɛn aa jatesiili ni aa kolatɛɛninnu le ma. Wo lɔ, a na mɔ tala ka mɔ kɛ a jɛlɛkanu mɔɔ le Masa Tɔɔmasenin ya kafonɲɔɔya lɔ, iwo a n'a latɛɛla teme kɔlɔkɔlɔ le,

Ɛfɛsikalu 1:14

wo min kɛnin tɔima le mɔ yɛ, haan fɔɔ Ala v'a jɛlɛkanu mɔɔlu kunmakala lon min na, ka balayi di mɔ ma, a na min ladalola mɔ yɛ, fɔsa m'a tanu aa magbiliyali lɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 2:8

Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Ɛfɛsikalu 4:18

Aiya koɲaye lɔdiviyine, k'ai majaan Ala ya niimaya la, ka bɛn aiya kolɔnbaliya ni aiya josokunja ma.

Ɛfɛsikalu 5:11

Ko kolon minu yi kɛla divi lɔ, ài fɛ kà kɛ wo foi la, mafɔ ài yi wolu labɔ gbɛ la.

Ɛfɛsikalu 5:14

Ado ko ko la vɛ bɔla gbesekele, wo yi kɛnɛya le lɔ. Wo le y'a kɛla, ai y'a fɔla, ko: «Ile sunɔɔbatɔ, kunun! I wuli, i yi bɔ fulenilu tɛma, ado Masa Tɔɔmasenin kɛtɔ aa kɛnɛya labɔla i yɛ.»

Ɛfɛsikalu 5:8

Kamasɔlɔn waate lɔ, àilu tɛɛ divi le lɔ, kɛɛ tandainɔ ài yi mɔ Tii ya kɛnɛya le lɔ gbesekele. Wo le y'a ma, ài yi taama iwo kɛnɛyalɔ dennu.

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

2 Timote 2:26

Wo vɛ kɛla, ai kɛtɔ kɛla ai jɛlɛ kalama k'ai polokoso Soitana ya sɔɔ la, min n'ai minala a sawonankolu kɛko lɔ.

Hebululu 10:10

Mɔ la vɛ sɛnɛya ka bɛn Ala sawonanko wo ma, kamasɔlɔn Masa Tɔɔmasenin Isa k'a falikolo bɔ salaka le siɲa kelen ne le ka ban.

Hebululu 10:14

Salaka kelen wo na kɛla sabu le ka mɔɔlu ya ko dafa waate bɛ, a yi minu lasɛnɛyala.

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

1 Piyɛli 1:4

Wo ma, Ala yi balayi minu ladalola haijɛnɛ, minu tɛ se tiɲala, niwotɛ ka kɔsɔ, niwotɛ k'a dɔ bɔ ai dalaya la, wolu ladalonin àilu le yɛ,

1 Piyɛli 2:25

Kamasɔlɔn ài kɛyine tɛɛ iwo saa tununninu, kɛɛ ài la vɛ seikɔ yi ne saakunnasiiba ma, min y'ài nunakili kunmafɛlɛnba le.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Yohana 1:9

Kɛɛ ni mɔ ka mɔ dalabɔ maa julumbulu le, Ala min yi lanande ni telenmande le, ale le kɛtɔ maa julumbulu lɔkotola ka mɔ lasɛnɛya ka maa telenbaliyako bɛ bɔ mɔ ma.

1 Yohana 2:12

Dennilu, ǹ'i min sɛvɛla àilu le ma, kamasɔlɔn àiya julumbulu lɔ vɛ koto ka bɛn Isa tɔɔ ma.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.

Ko Lankɛnɛmayanin 21:27

Kɛɛ fen kɔsɔnin foi tɛnala donna je, kumatɛ kolakɔsɔninkɛbalu ni faɲafɔbalu ma. Mɔɔ minu do tɔɔ sɛvɛnin Saa Bolan ya niimaya kitabu kɔnɔ, wolu le kɛtɔ donna je dein.