Kɛkolu 26:10 - Ala Ya Salatikan Kula Kitabu

¹⁰ Ǹ tɛɛ wo le la Jelusalɛmu. Ǹe do ka seetiiya sɔlɔn salakalase kuntiibalu bolo ka muminin siyama mina, k'ai bila kaso la. Ai faako ka fɔ waate min nɔ, ǹe gbu ka diɲa wo ma.

Kɛkolu 26:10 Iomraidhean Croise

Kɛkolu 7:58

Ai do k'a fɔnfɔn ka taa a le so kɔɔkan, k'a mabon damina kawakulunnu la. Seleyadibalu k'aiya faanibalu kɛ kavelen dɔ sen kɔlɔ, min tɔɔ tɛɛ ko Sawuli.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

Kɛkolu 8:3

Kɛɛ Sawuli tɛɛ a lɔjala ka limaniyajama lɔtiɲa, a vɛ taala bon ni bonnu la ka kɛ́ ni mosolu fɔnfɔn k'ai bila kaso la.

Kɛkolu 9:21

A lamɛnbalu bɛ dala ka ja, ai vɛɛ: «Kɛ́ min ne tɛɛ tɛ mɔɔlu halakila Jelusalɛmu, minu yi Ala dalila Isa tɔɔ lɔ? Jalasa a nanin tɛ jan dailu kelen wo le la, ka mɔɔ wolu mina ka taa ai le salakalase kuntiibalu fɛ?»

Kɛkolu 9:26

Sawuli senin Jelusalɛmu, a k'a bilako lɔsuma Isa kɔbiladennu fɛ, kɛɛ ai bɛ tɛɛ siyanna a ɲa. Ai do tɛɛ ma la a la k'a fɔ ko Isa kɔbiladen bɛlɛbɛlɛ le a le.

Kɛkolu 9:32

Piyɛli ka to koovi wo fan bɛ lɔtaamana, lon dɔ, a ka taa bɔ mumininnu ma Lida so kɔnɔ.

Kɛkolu 9:41

Piyɛli k'a mina a bolo ma, k'a lalɔ. Wo kɛ, a ka mumininnu ni kɛsamosolu kili, ka Tabita ɲɛnɛma jiya ai la.

1 Kolɛntikalu 15:9

Kamasɔlɔn ǹe le keladen bɛ lɔ dɔɔmanda le. Hali k'a fɔ m̀ ma ko keladen, ǹe ni wo kaannin tɛ, kamasɔlɔn ǹ na Ala ya limaniyajama jangatala.

Galatiyakalu 1:13

Ài ka m̀ mangan mɛn ǹ tɛɛ taamana teme Jahudiya diina siya kɔkan, m̀'ɛ Ala ya limaniyajama jangatala henabaliya boloma, ka ǹ lɔja ai halakiko lɔ.

Ɛfɛsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹ'i lɛtɛlɛ min sɛvɛla mumininnu ma Ɛfɛsi so kɔnɔ, minu yi lanande le Masa Tɔɔmasenin Isa ya kafonɲɔɔya lɔ.

Ko Lankɛnɛmayanin 17:6

Ǹ k'a ye ko moso wo tɛɛ vɛ mumininnu jeli min, ani Isa ya selelu jeli, haan fɔɔ jeli k'a mina. Ǹ ka moso wo ye mingɛ, ǹ ka kawakoya bubale.