Kɛkolu 24:12 - Ala Ya Salatikan Kula Kitabu

¹² Ai ma ǹ ye mɔɔlu sɔsɔla lɔhɔlɔmabonba la, niwotɛ ka ǹ ye jama lamulutula Aladalibon suu suu la, niwotɛ so fan dɔ.

Kɛkolu 24:12 Iomraidhean Croise

Malɛkɛ 9:14

Isa nu ka se a kɔbiladen tɔlu ma mingɛ, ai ka jama ba ye ai laminin nɔ. Wolu ni seliya kalanmɔɔ dɔlu tɛɛ i ɲɔɔ sɔsɔla.

Yohana 18:21

A yi di vɛ i yi ǹe maɲiningala? Mɔɔ minu na ǹ kumakan mɛnna, i yi wolu le maɲininga. Ài k'a lɔn ǹ na min fɔla.»

Kɛkolu 24:18

Ǹ ka to wo la, ai ka ǹ lasɛnɛyanin ye lɔhɔlɔmabonba la. Jama tɛɛ tɛ ǹ fɛ, kumatɛ wɔyɔkan ma.

Kɛkolu 24:5

Mɔ v'a ye ko kɛ́ min yi tiɲalikɛba le le, min yi Jahudiyalu lamulutula dunuɲa fan bɛ lɔ. Ai y'a fɔla diina kula min ma ko Nazalɛtikalu, wo kuntii dɔ le a le.

Kɛkolu 25:8

Wo kɔ, Pɔli k'a kumanɔbɔ, a vɛɛ: «M̀ ma koyon foi kɛ min yi kɛ Jahudiyalu ya seliya tiɲako le, ani min yi kɛ lɔhɔlɔmabonba lakɔsɔko le, niwotɛ ka kuma yon fɔ Lɔmu masakɛba ma.»

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.