Kɛkolu 21:8 - Ala Ya Salatikan Kula Kitabu

⁸ Wo kɛnɛbɔlon, mɔ ka bɔ je ka taa se Sezale so ma, ka mɔ jiya Filipe ya bon na, min tɛɛ Samakan Kein lasenba le. Jelusalɛmu limaniyamɔɔlu ka kɛ́ wolowulan minu ta k'ai kɛ keladennu madɛmɛnba le, Filipe tɛɛ wolu dɔ le le.

Kɛkolu 21:8 Iomraidhean Croise

Kɛkolu 10:1

Wo k'a talan, kɛ́ dɔ tɛɛ Sezale so kɔnɔ, min tɔɔ tɛɛ ko Kɔɔnɛli. Lɔmu sɔdasi kuntii dɔ le tɛɛ a le, min siinin tɛɛ sɔdasi kɛmɛ (100) jate kunna, minu fɛ tɛɛ sɔdasi jama dɔ la, ai tɛɛ a fɔla min ma ko Itali kɛlɛkɛjama.

Kɛkolu 16:10

Ko wo la ka jɛlɛ Pɔli ɲa ma mingɛ, mɔ ka mɔ lɔbɛn telemanin ka Maseduwani siya mina, kamasɔlɔn mɔ ka la a la k'a fɔ ko Ala vɛ mɔ kela ko m'i Samakan Kein lase je mɔɔlu ma.

Kɛkolu 16:13

Nɔningɛlon senin, mɔ ka taa kɔɔ dala so kɔma, a tɛɛ mɔ jii ma k'a fɔ ko mɔ kɛtɔ Jahudiyalu ya Aladaliya dɔ yena je. Wo kɛ, mɔ k'i sii ka kuma damina moso dɔlu yɛ, minu ladɛnnin tɛɛ je.

Kɛkolu 16:16

Lon dɔ, mɔ taatɔla Aladaliya lɔ, jɔnsingbili dɔ ka mɔ labɛn. Jina dɔ tɛɛ a lɔ, min tɛɛ fɛlɛnnikɛ see dila a ma. Aa jɔnfalu tɛɛ tɔnɔ ba le sɔlɔnna ka bɛn a ma.

Kɛkolu 18:22

Kulun senin Sezale so kɔnɔ, Pɔli ka bɔ ka taa limaniyajama fo Jelusalɛmu, ka ban ka taa Antiyɔsi.

Kɛkolu 20:13

Mɔ ka don kulunba kɔnɔ ka taa Pɔli ɲa Asɔsi so kɔnɔ, kamasɔlɔn Pɔli vɛɛ ko a taatɔ a sen ne ma je, ko mɔ v'i ɲɔɔ yena je, a kɛtɔ donna kulun kɔnɔ.

Kɛkolu 20:6

Bulufununbali Selilon bannin, mɔ ka bɔ Filipi so kɔnɔ kulun kɔnɔ. Mɔ ka tele loolu kɛ kɔɔji kɔkan ka na ai fɛlɔ Tolohasi, ka lɔɔtɛ kelen kɛ je.

Kɛkolu 21:16

Isa kɔbiladen dɔlu ka bɔ Sezale, wolu ka mɔ malɔ ka na mɔ jiya kɛ́ dɔ ya bon na, min tɔɔ tɛɛ ko Minasɔn ka bɔ Sipele, min tɛɛ Isa kɔbiladen dɔ le kɔlɔkɔlɔ le.

Kɛkolu 23:23

Wo kɛ, kuntiiba wo ka sɔdasi kuntii fila kili k'a fɔ ai yɛ, a vɛɛ: «Ài yi sɔdasi mɔɔ kɛmɛ fila (200) lɔbɛn ani sootii biwolowulan (70) ni tamatii kɛmɛ fila (200). Su vɛ kola, ài bɛ yi taa Sezale so kɔnɔ.

Kɛkolu 27:1

Ai k'a latɛɛ mingɛ ko m'i taa Itali jamana lɔ kulunba kɔnɔ, ai ka Pɔli ni kasoden gbɛlɛlu don sɔdasi kuntii dɔ bolo, min tɔɔ tɛɛ ko Juliyusi. A fɛ tɛɛ sɔdasi kulu ba dɔ le la, ai tɛɛ a fɔla min ma ko masakɛba ya sɔdasi kulu.

Kɛkolu 28:11

Kalo sawa timin kɔ, mɔ ka don kulunba dɔ kɔnɔ ka taa, ai tɛɛ a fɔla min ma ko Filanin Joolu. Wo bɔnin tɛɛ Alɛzandele so le la, kɛɛ a tɛɛ vɛ nɛnɛbɔ waate bɛ kɛ kɔɔtɛmaduu wo lɔ.

Kɛkolu 28:16

Mɔ senin Lɔmu, ai ka diɲa ka Pɔli to a jɛlɛ ma bon dɔ la, ka sɔdasi kelen to a fɛ, wo v'a lakanala.

Kɛkolu 6:5

Ai ka jatesiili min kɛ, wo ka diya jama bɛ yɛ. Wo lɔ, ai ka Etiyɛn ta, min ya limaniya walanin tɛɛ kosɛvɛ, a do joso lafanin tɛɛ Nii Sɛnɛyanin la. Ai ka Filipe fana ta, ani Polokolu, Nikanɔ, Timon, Palimɛnasi, ani Nikola ka bɔ Antiyɔsi min tɛɛ vɛ don Jahudiyalu ya diina lɔ.

Kɛkolu 9:30

Limaniyamɔɔlu ka wo mɛn mingɛ, ai ka taa Sawuli le Sezale so kɔnɔ ka ban k'a lataa Talese.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.