Kɛkolu 21:3 - Ala Ya Salatikan Kula Kitabu

³ Mɔ masulunyanin kɔɔtɛmaduu dɔ la, min tɔɔ yi ko Sipele, mɔ ka timin a la bolokini fannɔ. Wo kɔ, mɔ ka se Siliya koovi lɔ k'i lɔ Tili so kɔnɔ, kulunkɔnɔ donilu la tɛɛ ka kan ka jii tɛɛminja.

Kɛkolu 21:3 Iomraidhean Croise

Matiyu 11:21

«Kolazinkalu, gbalo yi ài yɛ! Betisaidakalu, gbalo yi àilu fana yɛ! Kamasɔlɔn kawananko minu kɛnin ài fɛlɔ, ni wolu tɛɛ ka kɛ Tili ni Sidɔn solu kɔnɔ, je mɔɔlu tɛɛ ai dajoo mafalinne jona. Ai tɛɛ ai siile buuli lɔ ka sayakasifaanilu bila ai kanna, ka wo kɛ ai dajoo mafalin tɔɔmase le.

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Luka 10:13

«Kolazinkalu, gbalo yi ài yɛ! Betisaidakalu, gbalo yi àilu fana yɛ! Kamasɔlɔn kawananko minu kɛnin ài fɛlɔ, ni wolu tɛɛ ka kɛ Tili ni Sidɔn solu kɔnɔ, je mɔɔlu tɛɛ ai dajoo mafalinne jona. Ai tɛɛ ai siile buuli lɔ, ka sayakasifaanilu bila ai kanna, ka wo kɛ ai dajoo mafalin tɔɔmase le.

Luka 2:2

Tɔɔsɛvɛli kunfɔlɔ wo ka bɛn Kiliniyɔ ya jamanatiiya ma Siliya jamana kunna.

Kɛkolu 11:19

Limaniyajama ka jangata min masɔlɔn Etiyɛn faa kɔ, wo le ka kɛ sabu le, ai ka jɛzɛn haan fɔɔ Fenisi gbɛkɛnɛ lɔ, ni Sipele kɔɔtɛmaduu lɔ, ani Antiyɔsi so kɔnɔ. Ai do tɛɛ tɛ Ala kumakan lasena mɔɔ suu suu ma, mafɔ Jahudiyalu dein.

Kɛkolu 12:20

Wo k'a talan, Helodi mɔnɛnin tɛɛ bubale Tili ni Sidɔnkalu kanma. A lɔɔ tɛɛ ai la k'a josolajii, kamasɔlɔn ai balo tɛɛ bɔla Helodi ya jamana le lɔ. Wo lɔ, ai k'i kun bilin i ɲɔɔ ma ka mɔɔ dɔlu lɔ Helodi majo dila. Mɔɔ wolu ka kuma masakɛ ya bonkunnasiiba Bilasitusi fɛ haan fɔɔ a ka diɲa k'ai madɛmɛn. Wo kɔ, ai ka taa masakɛ fɛlɔ k'a madiya ko ai yi bɛn a lɔ.

Kɛkolu 13:4

Nii Sɛnɛyanin ka Baanabasi ni Sawuli kelaya mingɛ, ai ka taa Selusi so kɔnɔ. Ai se je, ai ka don kulunba kɔnɔ ka taa Sipele, min yi kɔɔtɛmaduu le.

Kɛkolu 15:23

Ai ka sɛvɛ don wolu bolo ko ai yi taa a le. A sɛvɛnin tɛɛ ko: «Ǹu keladennu ni ɲamɔɔlu, ài badenmalu koni, m'i lɛtɛlɛ min lataala siboloma gbɛlɛ limaniyamɔɔlu ma Antiyɔsi so kɔnɔ ni Siliya ni Silisiya jamanalu lɔ. M'ài fola.

Kɛkolu 15:39

Wo ko ka kɛ sɔsɔyali ba le Pɔli ni Baanabasi wotɛ, haan fɔɔ ai ka falan a ma. Ado Baanabasi ka Malɛkɛ ta ka taa a le Sipele kɔɔtɛmaduu lɔ kulun kɔnɔ.

Kɛkolu 15:41

Wo lɔ, ai ka Siliya ni Silisiya koovilu lɔtimin, ai vɛ limaniyajamalu sɛmɛdonna fan bɛ lɔ.

Kɛkolu 18:18

Pɔli wɔlinin tele siyama kɛla Kolɛnti, a ka diɲa ɲinin limaniyamɔɔlu fɛ ka taa. A senin Sengele so kɔnɔ, a k'a kun li, kamasɔlɔn a tɛɛ vɛ dalakan ne ta Ala yɛ. Wo kɔ, a ka don kulunba kɔnɔ ka taa Siliya koovi lɔ, ado Pisila ni a kɛ́ Akuila ka taa a fɛ.

Kɛkolu 21:16

Isa kɔbiladen dɔlu ka bɔ Sezale, wolu ka mɔ malɔ ka na mɔ jiya kɛ́ dɔ ya bon na, min tɔɔ tɛɛ ko Minasɔn ka bɔ Sipele, min tɛɛ Isa kɔbiladen dɔ le kɔlɔkɔlɔ le.

Kɛkolu 21:2

Mɔ do ka kulunba dɔ talan je, min tɛɛ taala Fenisi jamana lɔ. Wo lɔ, mɔ ka don wo kɔnɔ ka taa.

Kɛkolu 21:7

Mɔ ka to taala kulun kɔnɔ ka bɔ Tili ka taa se Pitolemai so ma. Mɔ senin je, mɔ ka taa limaniyamɔɔlu foya lɔ ka tele kelen kɛ ai fɛ.

Kɛkolu 27:4

Mɔ bɔ je, komi mɔ ɲatiliminnin tɛɛ fɔɲɛ la, wo le k'a kɛ, mɔ ka timin Sipele kɔɔtɛmaduu fan dɔ lɔ, fɔɲɛ tɛɛ tɛ bɔla fan min nɔ.

Kɛkolu 4:36

Kɛ́ dɔ tɛɛ ai tɛma je, min tɛɛ Levi kabiladen ne ka bɔ Sipele. A tɔɔ le tɛɛ Jusufu, kɛɛ keladennu tɛɛ a fɔla a ma ko Baanabasi, min kɔlɔ le ko Mɔɔ Sɛmɛdonba. Wo ka aa duu dɔ fele ka na wo wɔli le, k'a don keladennu bolo.