Kɛkolu 20:3 - Ala Ya Salatikan Kula Kitabu

³ ka kalo sawa kɛ je. A tɛɛ taa boloma mingɛ Siliya koovi lɔ kulun kɔnɔ, a k'a mɛn ko Jahudiya dɔlu vɛ janva lasii a ma. Wo le k'a kɛ, a k'a latɛɛ ko a yi seikɔ Maseduwani siya fɛ.

Kɛkolu 20:3 Iomraidhean Croise

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Kɛkolu 16:12

Mɔ ka bɔ je ka taa Lɔmukalu ya so dɔ la, min tɔɔ yi ko Filipi, min yi Maseduwani koovi fan kelen so ba dɔ le. Mɔ ka tele dana kɛ je.

Kɛkolu 16:9

Wo lon su lɔ, Ala ka ko dɔ lajɛlɛ Pɔli ɲa ma. A do ka Maseduwanika kɛ́ dɔ lɔnin ye, wo v'a madiyala, a vɛɛ: «Na i yi mɔ madɛmɛn Maseduwani koovi lɔ.»

Kɛkolu 18:18

Pɔli wɔlinin tele siyama kɛla Kolɛnti, a ka diɲa ɲinin limaniyamɔɔlu fɛ ka taa. A senin Sengele so kɔnɔ, a k'a kun li, kamasɔlɔn a tɛɛ vɛ dalakan ne ta Ala yɛ. Wo kɔ, a ka don kulunba kɔnɔ ka taa Siliya koovi lɔ, ado Pisila ni a kɛ́ Akuila ka taa a fɛ.

Kɛkolu 19:21

Ko wolu bɛ timinnin, Pɔli k'a latɛɛ ko a yi Maseduwani ni Akayi koovilu lɔtimin ka taa Jelusalɛmu. A do vɛɛ: «M̀'ɛ sena Jelusalɛmu, wo kɔ, fɔ ǹ'i se Lɔmu fana.»

Kɛkolu 20:1

Wɔyɔkan majiinin, Pɔli ka Isa kɔbiladennu kili ladɛn nɔ. A wɔlinin ai sɛmɛdonna, ani k'ai lasalana, a ka Maseduwani siya mina.

Kɛkolu 20:19

Ǹ na baale kɛla mɔ Tii yɛ fanmajii ba ni tɔlɔya ni kasi le lɔ, ka bɛn Jahudiyalu ya janvakolu ma.

Kɛkolu 20:2

A do ka fan wolu lɔtimin ka je limaniyamɔɔlu sɛmɛdon lailikan siyama le, ka ban ka se Gɛlɛki jamana lɔ

Kɛkolu 21:3

Mɔ masulunyanin kɔɔtɛmaduu dɔ la, min tɔɔ yi ko Sipele, mɔ ka timin a la bolokini fannɔ. Wo kɔ, mɔ ka se Siliya koovi lɔ k'i lɔ Tili so kɔnɔ, kulunkɔnɔ donilu la tɛɛ ka kan ka jii tɛɛminja.

Kɛkolu 25:3

ko a ai madɛmɛn ka Pɔli lana Jelusalɛmu. Wo k'a talan, ai tɛɛ vɛ janva lasii a ma ko ai yi ben a kan siya la k'a faa.

2 Kolɛntikalu 1:15

Komi ǹ layine tɛɛ wo la kosɛvɛ, ǹ tɛɛ a fɛ ka taa bɔ ài ma kunfɔlɔ le, fɔsa ài yi duwawu sɔlɔn siɲa fila le.

2 Kolɛntikalu 11:26

M̀'ɛ waate siyama kɛ taamana masuwakolu dakɔlɔ ka bɛn kɔɔtɛɛko ma, ani benkannikɛbalu, ani ǹ jɛlɛkanu mɔɔlu, ani siboloma gbɛlɛ mɔɔlu. Ǹ tɛɛ masuwakolu le dakɔlɔ solu kɔnɔ, ani tuu kɔlɔ, ani kɔɔji kɔkan, ani ka bɛn faɲafɔ badenmalu ma.

2 Kolɛntikalu 7:5

Kamasɔlɔn ka ta mɔ senin vɛ Masaduwani, mɔ ma laha ba bene, mafɔ mɔ na gbalo le sɔlɔnna fan bɛ lɔ. Mɔɔlu tɛɛ mɔ sɔsɔla, ado siyan tɛɛ mɔ josokun nɔ.

Galatiyakalu 1:21

Wo kɔ, ǹ ka taa Siliya ni Silisiya koovilu lɔ.