Kɛkolu 19:8 - Ala Ya Salatikan Kula Kitabu

⁸ Kalo sawa kɔlɔ, Pɔli tɛɛ taala Aladalibon na ka kuma mɔɔlu fɛ josolagbeleya boloma, k'i lɔja k'ai lakunfa Ala ya masaya ma.

Kɛkolu 19:8 Iomraidhean Croise

Kɛkolu 1:3

Aa tɔlɔya kɔ, a ɲɛnɛma ka bɔ gbɛ la ai ɲana boloɲa siyama ma, ani k'a jɛlɛ jiya ai la tele binaani (40) kɔlɔ, ka kuma ka bɛn Ala ya masaya ma.

Kɛkolu 13:14

Ai bɔnin Pɛlɛga, ai ka se Antiyɔsi so kɔnɔ, min yi Pisidi koovi lɔ. Nɔningɛlon senin, ai ka don Aladalibon na k'i sii.

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 17:17

A do tɛɛ taala Aladalibon na je ka kuma Jahudiyalu yɛ, ani siboloma gbɛlɛ minu tɛɛ siyanna Ala ɲa. Lon bɛ, a tɛɛ taala bala lɔ fana ka kuma mɔɔlu yɛ minu tɛɛ kɛla je.

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 18:26

A ka kuma damina Aladalibon na josolagbeleya boloma. Pisila ni a kɛ́ Akuila k'a lamɛn mingɛ, ai ka taa a le ai fɛlɔ ka Ala ya siya ɲafɔ a yɛ k'a lagbɛ.

Kɛkolu 18:4

Ado Nɔningɛlon bɛ, Pɔli tɛɛ taala Aladalibon na ka kuma Jahudiyalu ni Gɛlɛkikalu yɛ, a v'i lɔjala k'ai lakunfa.

Kɛkolu 19:10

A do ka to wo la san fila kɔlɔ, haan fɔɔ Esiya duulen bɛ ka mɔ Tii kumakan mɛn, Jahudiya ni Gɛlɛkika bɛ.

Kɛkolu 19:7

Kɛ́ wolu bɛ lakafonnin tɛɛ mɔɔ tan ni fila (12) jate le le.

Kɛkolu 19:9

Kɛɛ a dɔlu kunnɔ ka gbeleya ka to limaniyabaliya lɔ, ka kuma yon fɔ Isa ya siya ma jama ɲakɔlɔ. Wo lɔ, Pɔli ka bɔ ai fɛ, ka taa Isa kɔbiladennu le Tilanusi ya kalankɛbon na, ka to ai kalanna je lon bɛ.

Kɛkolu 20:31

Wo le y'a ma, ài yi to ài ɲana, k'ài hangili to a lɔ ko san sawa kɔlɔ, su ni tele, m̀ ma ǹ nɔningɛ ài kelenkelenna bɛ lalila, ǹ ɲaji vɛ ǹ ɲa kɔlɔ.

Kɛkolu 28:23

Lon min jiyanin tɛɛ ai bolo, ai siyama ka na Pɔli jiyabon na wo lon na. Ka damina sɔɔma ka sii wula la, a ka Ala ya masaya ko ɲafɔ ai yɛ k'a senko kɛ k'ai lakunfa ka bɛn Isa ya ko ma, a vɛ kolu jiyala ai la ka bɔ Nabi Musa ya Taulati ni kela dɔgbɛlɛlu ya kitabulu kɔnɔ.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.