Kɛkolu 18:7 - Ala Ya Salatikan Kula Kitabu

⁷ Wo lɔ, Pɔli ka bɔ je ka taa kɛ́ dɔ ya bon na, min tɔɔ tɛɛ ko Titiyɔ Jusitusi. Siboloma gbɛlɛ le tɛɛ a le min tɛɛ siyanna Ala ɲa. Ado aa bon tɛɛ Aladalibon dafɛ.

Kɛkolu 18:7 Iomraidhean Croise

Yohana 9:31

Mɔ k'a lɔn Ala tɛ julumbutɔ ya madailikan minala, kɛɛ mɔɔ mɔɔ vɛ Ala buɲala k'a sawo kɛ, a yi wo tii ya madailikan ne minala.

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 13:42

Pɔli ni Baanabasi bɔtɔla Aladalibon na, mɔɔlu vɛ ai madiyala ko ai yi na Nɔningɛlon natɔ k'a dɔ la kalan wo kɔkan.

Kɛkolu 13:43

Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 13:50

Kɛɛ Jahudiyalu ka kɛ́ tɔɔlamalu lɔsun so kɔnɔ, ani Alaɲasiyanɲɛ mosolu minu dalayanin. Wo lɔ, ai ka Pɔli ni Baanabasi jangata ka ban k'ai gbɛn aiya koovi lɔ.

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Kɛkolu 17:4

Jahudiya dɔlu ka la kuma wo la, ani Gɛlɛkika Alaɲasiyanɲɛmɔɔ siyama, ani moso tɔɔlama jilika. Ai bɛ k'ai lɔ Pɔli ni Silasi fɛ.

Kɔlɔsikalu 4:11

Josuwa, ai y'a fɔla min ma ko Jusitusi, wo fana y'ài fola. Ka bɔ jannɔ Jahudiyalu tɛma, kɛ́ minu kelen ne yi m̀ baaledenɲɔɔlu le Ala ya masaya lasenko lɔ. Ai do vɛ ǹ sɛmɛdon bubale.