Kɛkolu 15:9 - Ala Ya Salatikan Kula Kitabu

⁹ Wo ma, Ala ma lafisayali kɛ ǹu ni ailu wotɛ, kamasɔlɔn a n'ai josokun lasɛnɛyala ka bɛn aiya limaniya le ma.

Kɛkolu 15:9 Iomraidhean Croise

Kɛkolu 10:15

Kumakan ka bɔ a siɲa filana lɔ k'a fɔ a yɛ, a vɛɛ: «Ala na fen min lasɛnɛyala, i kà a fɔ wo ma ko fen kɔsɔnin.»

Kɛkolu 10:28

A do vɛɛ ai yɛ: «Àilu gbu k'a lɔn a ladaannin tɛ ǹu Jahudiyalu ma k'i madon siboloma gbɛlɛ mɔɔlu la, kumatɛ ka taa bɔ ai ma. Kɛɛ Ala v'a jiya ǹ na ko ǹ kà a fɔ mɔɔ suu suu ma mɔɔ sɛnɛyabali, niwotɛ mɔɔ kɔsɔnin.

Kɛkolu 10:34

Wo lɔ, Piyɛli vɛ kumala, a vɛɛ: «Tuɲa le, m̀'ɛ a ɲaye butu ko Ala tɛ lafisayali kɛla.

Kɛkolu 11:12

Ado Nii Sɛnɛyanin k'a fɔ ǹ yɛ ko ǹ kà sika, ǹ'i taa ai fɛ. Ài ɲa yi mɔ badenma wɔɔlɔ minu la yi ne, wolu ka taa ǹ fɛ, ado mɔ ka don Kɔɔnɛli ya bon na.

Kɛkolu 14:1

Pɔli ni Baanabasi senin Ikoniyɔmu so kɔnɔ, ai ka don Jahudiyalu ya Aladalibon na. Ai ka to kumala boloɲa dɔ ma, Jahudiya ni Gɛlɛkika siyama ka limaniya.

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Lɔmukalu 3:22

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je,

Lɔmukalu 3:9

A yi di vɛ? Jalasa ǹu Jahudiyalu fisayanin ka timin dɔ mɔɔlu la? Wo tɛ dɛ! M̀'ɛ ban a lagbɛla ko Jahudiyalu ni siboloma gbɛlɛ mɔɔlu bɛ yi julumbu ya fanga le kɔlɔ.

Lɔmukalu 9:24

Hali ǹu minu kilinin Ala bolo, mɔ bɛ kilinin tɛ ka bɔ Jahudiyalu tɛma dein, mafɔ siboloma gbɛlɛ mɔɔlu fana.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 7:18

Ni Ala ka kɛ́ dɔ kili k'a talan wo tii makɛnɛkɛnin, wo tii yi to boloɲa wo ma. Ni Ala ka kɛ́ dɔ kili k'a talan wo tii makɛnɛkɛnin tɛ, wo tii kà diɲa kɛnɛkɛko ma.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Ɛfɛsikalu 3:6

Wo gbonoko le min ne: Ka bɛn Samakan Kein ma, Ala yi balayi minu ladalola aa mɔɔlu yɛ, Jahudiyalu ni siboloma gbɛlɛ mɔɔlu kɛtɔ wolu sɔlɔnna kelen ne, k'ai kɛ falikolo kelen ɲɔɔma le, ani k'ai dɛn lahedi la Masa Tɔɔmasenin Isa ya kafonɲɔɔya lɔ.

Kɔlɔsikalu 3:11

Wo le y'a ma, wotɛbɔli tɛ butu Gɛlɛkika ni Jahudiyalu wotɛ, niwotɛ mɔɔ makɛnɛkɛnin ani mɔɔ makɛnɛkɛbalilu, niwotɛ tuukɔlɔmɔɔ ni siboloma ɲamakabalilu, niwotɛ jɔn ani hɔlɔlu, wo foi tɛ jatela. Min yi jatela, wo le Masa Tɔɔmasenin ne dein, a do yi bɛ le josokun nɔ.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.