Kɛkolu 15:2 - Ala Ya Salatikan Kula Kitabu

² Wo lɔ, sɔsɔyali ba ka don kalanmɔɔ wolu ani Pɔli ni Baanabasi wotɛ. Wo le k'a kɛ, limaniyajama ka Pɔli ni Baanabasi ta, ani ai lɔ mɔɔ dɔlu, k'ai bɛ lataa Jelusalɛmu fɔsa ai yi ko min lase keladennu ni ɲamɔɔlu ma.

Kɛkolu 15:2 Iomraidhean Croise

Kɛkolu 10:23

Wo kɛ, Piyɛli k'ai ladon bon na k'ai jiya. Wo dusagbɛlon, Piyɛli k'i wuli ka bila ai kɔ ka taa, ado Jopa limaniyamɔɔ dɔlu ka taa a fɛ.

Kɛkolu 11:12

Ado Nii Sɛnɛyanin k'a fɔ ǹ yɛ ko ǹ kà sika, ǹ'i taa ai fɛ. Ài ɲa yi mɔ badenma wɔɔlɔ minu la yi ne, wolu ka taa ǹ fɛ, ado mɔ ka don Kɔɔnɛli ya bon na.

Kɛkolu 11:30

Ai do ka wo kɛ, ka madɛmɛlifen wo don Baanabasi ni Sawuli bolo, ko ai yi taa a le limaniyajama ɲamɔɔlu fɛ.

Kɛkolu 15:25

Wo le n'a kɛla, mɔ bɛ na bɛnna a ma ko ka mɔɔ dɔlu ta k'ai bila mɔ diyananmɔɔ Baanabasi ni Pɔli fɛ k'ai lataa ài ma.

Kɛkolu 15:27

Wo le n'a kɛla, mɔ na Judasi ni Silasi lataala ai ma, minu dalakan kɛtɔ ko minu lagbɛla ài yɛ.

Kɛkolu 15:4

Ai ka se mingɛ Jelusalɛmu, limaniyajama ni keladennu ni ɲamɔɔlu k'ai bolo sii ai kɔlɔ. Pɔli nu do ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ.

Kɛkolu 16:4

Wo kɛ, Pɔli nu vɛ timintiminna solu wotɛ, ai vɛ dandɛɛli kɛla limaniyamɔɔlu yɛ ka bɛn ko wolu latelenko ma, minu latɛɛnin keladennu ni ɲamɔɔlu bolo Jelusalɛmu.

Kɛkolu 21:18

Wo kɛnɛbɔlon, ǹu ni Pɔli ka taa bɔ Janguba ma, ado ɲamɔɔlu bɛ ladɛnnin tɛɛ je.

1 Kolɛntikalu 1:1

Ǹe Pɔli, min kilinin ka kɛ Masa Tɔɔmasenin Isa ya keladen ne ka bɛn Ala sawo ma, ani mɔ badenma Sositɛnɛ, ǹu mɔɔ fila le yi lɛtɛlɛ min sɛvɛla.

2 Kolɛntikalu 11:5

Kɛɛ keladen jɛlɛmatɔɔba wolu koni, ǹ ta miliya lɔ, wolu foi fisayanin tɛ ǹ ne.

Galatiyakalu 2:5

Kɛɛ mɔ ma mɔ tolomalɔ ai la hali dɔni ne, fɔsa tuɲa ka bɛn Samakan Kein ma, wo yi to a nɔ lɔ ài yɛ.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.