Kɛkolu 13:16 - Ala Ya Salatikan Kula Kitabu

¹⁶ Wo lɔ, Pɔli v'i lɔla k'a bolo jate, a vɛɛ: «Bani Isilankalu ni Alaɲasiyanɲɛmɔɔlu bɛ, ài y'ài tolomalɔ.

Kɛkolu 13:16 Iomraidhean Croise

Matiyu 11:15

Tolo yi mɔɔ min kun, wo tii y'a tolomalɔ kuma min ma.

Luka 1:22

Zakaliya bɔnin kɛnɛma, a ma se kumala ai yɛ. Ai do k'a lɔn wo le lɔ ko, ko dɔ vɛ jiya a la lɔhɔlɔma dingila lɔ. Zakaliya do ka to boboya lɔ, a v'a bolo jatesiila ai yɛ.

Luka 1:50

A aa henandeya jiyala a ɲasiyanɲɛbalu le la ani wolu bɔzɔnnu.

Luka 23:40

Kɛɛ a tɔ kelen ka dɔ wo makuma, a vɛɛ: «I tɛ siyanna Ala ɲa? I m'a lɔn mɔ bɛ yi kolatɔn kelen ne kɔlɔ?

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:35

Siboloma bɛ lɔ, ni mɔɔ minu ka siyan Ala ɲa ka kotelenninu kɛ, a a bolo siila wolu bɛ le kɔlɔ.

Kɛkolu 12:17

Kɛɛ Piyɛli k'a bolo jate ai yɛ fɔsa ai yi jeden, ka ban k'a ɲafɔ ai yɛ mɔ Tii na a labɔla kaso la teme. A do vɛɛ: «Ài yi wo bɛ lase Janguba ni mɔ badenma tɔlu ma.» Wo kɔ, a ka bɔ je ka taa dingila gbɛlɛ lɔ.

Kɛkolu 13:26

«M̀ badenmalu, Ibulahima bɔzɔnnu ni Alaɲasiyanɲɛmɔɔlu bɛ, Ala na kisiko kuma min lanala ǹu le ma.

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 19:33

Komi Jahudiyalu tɛɛ vɛ Alɛzandele lalɔ jama ɲakɔlɔ, wo lɔ, a dɔlu tɛɛ ai milila ko ale le nɔ yi. Alɛzandele do v'a bolo jatela ko jama yi jeden fɔsa a a kumanɔbɔ ai yɛ.

Kɛkolu 2:14

Wo lɔ, Piyɛli lɔnin ka to a keladenɲɔɔ mɔɔ tan ni kelen (11) dafɛ, a k'a kan labɔ k'a fɔ jama yɛ, a vɛɛ: «Àilu ǹ Jahudiyaɲɔɔlu ani Jelusalɛmukalu bɛ, ài y'ài tolomalɔ ǹ kumakan na ka ko min lɔn.

Kɛkolu 2:22

Piyɛli vɛɛ kɔtunun: «Àilu Bani Isilankalu, ài y'ài tolomalɔ ǹ kumakan na. Isa Nazalɛtika tɛɛ mɔɔ le le, min tɛɛ kawanankolu ni ko makawaninnu ni tɔɔmaselu kɛla ài tɛma Ala ya seetiiya lɔ k'a lagbɛ ài yɛ ko Ala na diɲala ale le ma, iwo àilu gbu k'a lɔn teme.

Kɛkolu 21:40

A diɲanin wo ma, Pɔli k'i lɔ bon sɛnɛɛ la k'a bolo jate mɔɔlu yɛ. Ai ka jeden tue mingɛ, Pɔli ka kuma damina ai yɛ Hebulukan nɔ.

Kɛkolu 22:22

Jama ka to ai tolomalɔla Pɔli la haan fɔɔ a ka siboloma gbɛlɛ mɔɔlu ya ko fɔ. Wo fɔ a bolo, ai bɛ vɛ gbanɔla, ai vɛɛ: «Kɛ́ min yi bɔ dunuɲa! A man kan ka to a nii la!»

Kɛkolu 3:12

Piyɛli ka jama ye mingɛ, a vɛɛ ai yɛ: «Bani Isilankalu, mindɛ kɛnin ài yi kawakoyala ka bɛn ko min ma, k'ai ɲa kaa mɔ lɔ ka kɛ iwo mɔ fanga le na kɛ́ min lataamana, niwotɛ maa Alaɲasiyanɲɛ?

Ko Lankɛnɛmayanin 2:11

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, saya filana tɛnala sena wo tii ma.›

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›

Ko Lankɛnɛmayanin 2:29

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ.›

Ko Lankɛnɛmayanin 2:7

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ niimaya kɔlɔmanden dila wo tii ma, a a dɔn, niimaya kɔlɔman min yi Ala ya kunnadiyaso la.›