Kɛkolu 13:10 - Ala Ya Salatikan Kula Kitabu

¹⁰ k'a fɔ a yɛ, a vɛɛ: «Ile Soitana den, ile min joso lafanin namala ni koyon suu bɛ la, ile kotelennin lɔtiɲaba, i tɛnala i nɔningɛla mɔ Tii ya siya telenninu lɔkulukulula?

Kɛkolu 13:10 Iomraidhean Croise

Matiyu 13:38

Sɛnɛ yi dunuɲa le le. Malosi ɲuma, wo yi mɔɔlu le le minu fɛ yi Ala ya masaya la. Bin yonnu yi Soitana ya mɔɔlu le le.

Matiyu 15:19

Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali.

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 3:7

Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Luka 11:39

Mɔ Kuntii do vɛɛ a yɛ: «Àilu Falisilu yi jiyafɛ ni tasa kɔkala mako yi la kobɛn, ka àilu gbu kɔnɔlɔ nɔɔnin to natabaya ni koyon na.

Luka 11:52

Gbalo yi àilu seliya kalanmɔɔlu yɛ! Kamasɔlɔn ài vɛ lɔnni koɲii ta k'a bila ài kun. Àilu gbu tɛ donna a lɔ, ài do yi je donbalu dansiila ai donko lɔ.»

Yohana 1:23

Wo lɔ, Yaya k'ai javi Nabi Ezayi ya kuma le le, a vɛɛ: «Mɔɔ min yi gbanɔla fuwa lɔ ko: ‹Ài yi siya latelen mɔ Tii yɛ!› Ǹe le wo tii le.»

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Kɛkolu 20:30

Tuɲa le, a dɔlu kɛtɔ ai wulila àilu gbu tɛma ka tuɲa jɛlɛma, fɔsa ai yi Isa kɔbiladennu masama ka wolu bila ai kɔ.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

Galatiyakalu 1:7

A tɛ k'a fɔ ko Samakan Kein dɔgbɛlɛ le yi je, kɛɛ mɔɔ dɔlu y'ài tɛma minu y'ài hangili ɲaamina k'ai lɔja ka Masa Tɔɔmasenin ya Samakan Kein mafalin.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

2 Piyɛli 2:15

Ai vɛ siya ɲuma bila k'ai jɛlɛ lafili. Ai do vɛ Beyɔli denkɛ Balaamu ya siya ta, telenbaliya sala sɔlɔnko diyanin tɛɛ min yɛ.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.