Kɛkolu 12:10 - Ala Ya Salatikan Kula Kitabu

¹⁰ Ai ka timin lakanaliba kulu kunfɔlɔ la, ka timin a filana la, ka se nɛɛ koon ba ma, min da yi kala ka don so kɔnɔ. Da ba wo la ka ka a jɛlɛ ma ai ɲa. Wo kɛ, ai ka bɔ ka siya dɔ taama damina, ado mɛlɛka ka bɔ Piyɛli fɛ telemanin.

Kɛkolu 12:10 Iomraidhean Croise

Yohana 20:19

Wo lon kelen wula fɛ, min tɛɛ Lailon ne, Isa kɔbiladennu k'ai ladɛn bon dɔ la ka dalu sɔɔ, kamasɔlɔn ai tɛɛ siyanna Jahudiya kuntiilu ɲa. Wo kɛ, Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Yohana 20:26

Lɔɔtɛ kelen timinnin kɔ, Isa kɔbiladennu ladɛnnin ka to bon na kɔtunun, ado Tomasi fana tɛɛ je. Hali dalu sɔɔnin tɛɛ, kɛɛ Isa ka na k'i lɔ ai tɛma k'a fɔ ai yɛ, a vɛɛ: «Hɛlɛ yi kɛ ài yɛ.»

Kɛkolu 12:4

Piyɛli mina kɔ, a k'a bila kaso la k'a kalifa sɔdasi kulu naani la lakanali boloma, sɔdasi naani tɛɛ min kelenkelenna lɔ. A tɛɛ Helodi kɔnɔ ko Timinkunna Selilon vɛ timinna, a yi Piyɛli ya kiti tɛɛ jama bɛ ɲakɔlɔ.

Kɛkolu 16:26

Telemanin, duukolo ka jaajaa gbiligbili ka kasobon lamaamaa. Wo kɛ, da bɛ la ka ka, ani nɛɛ jɔlɔkɔlu ka bɔ kasodennu bɛ la.

Kɛkolu 5:19

Kɛɛ su lɔ, mɔ Tii ya mɛlɛka dɔ ka kasobon da laka k'ai labɔ je. A do vɛɛ ai yɛ:

Ko Lankɛnɛmayanin 3:7

«A sɛvɛ k'a lataa limaniyajama ya mɛlɛka ma min yi Filadɛfiya so kɔnɔ, i vɛɛ: ‹A ye, min sɛnɛyanin, min yi tuɲande le, Masakɛ Dawuda ya koɲii yi min bolo, min vɛ da lakala, mɔɔ foi tɛ se a datuunna, ani min vɛ da latuunna, mɔɔ foi tɛ se a lakala, wo kan ne min ne: