Kɛkolu 10:2 - Ala Ya Salatikan Kula Kitabu

² Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:2 Iomraidhean Croise

Matiyu 25:17

Kɛmɛ fila (200) tii fana k'a kɛ boloɲa kelen wo le ma, ka kɛmɛ fila (200) gbɛlɛ sɔlɔn a tɔnɔ le.

Luka 18:1

Wo kɔ, Isa ka sana dɔ la a kɔbiladennu yɛ, k'a jiya ko ai ka kan ka Ala dali waate bɛ. Ai do jei kà tɛɛ ka wo boloka.

Luka 2:25

Wo waate lɔ, kɛmɔba dɔ tɛɛ Jelusalɛmu, min tɔɔ tɛɛ ko Simiyɔn. Mɔɔ telennin ni Alaɲasiyanɲɛmɔɔ le tɛɛ a le, min tɛɛ Bani Isilankalu masawali waate makɔnɔna Ala bolo. Ado Nii Sɛnɛyanin tɛɛ a kɔkan.

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 10:31

A vɛɛ: ‹Kɔɔnɛli, Ala v'iya madailikan mɛn, k'a hangili to iya koɲuma kɛninnu lɔ fandannilu yɛ.

Kɛkolu 10:35

Siboloma bɛ lɔ, ni mɔɔ minu ka siyan Ala ɲa ka kotelenninu kɛ, a a bolo siila wolu bɛ le kɔlɔ.

Kɛkolu 10:4

A do k'i ɲa kaa mɛlɛka lɔ siyan boloma k'a javi, a vɛɛ: «Ǹ Kuntii, mindɛ le?» Mɛlɛka do vɛɛ a yɛ: «Iya Aladali ni iya koɲuma kɛninnu fandannilu yɛ, wolu vɛ jɛlɛ Ala ɲakɔlɔ iwo hangilitonɔ salaka.

Kɛkolu 10:7

Mɛlɛka ka ban kumala a yɛ ka taa feeya, Kɔɔnɛli ka aa bonnabɔiden fila kili ani aa sɔdasikɛ dɔ min tɛɛ Alaɲasiyanɲɛmɔɔ ni a madɛmɛnba le.

Kɛkolu 11:14

A kɛtɔ samakan lasena i ma, ile ni iya bonnamɔɔlu kisitɔ min fɛ.›

Kɛkolu 13:16

Wo lɔ, Pɔli v'i lɔla k'a bolo jate, a vɛɛ: «Bani Isilankalu ni Alaɲasiyanɲɛmɔɔlu bɛ, ài y'ài tolomalɔ.

Kɛkolu 13:26

«M̀ badenmalu, Ibulahima bɔzɔnnu ni Alaɲasiyanɲɛmɔɔlu bɛ, Ala na kisiko kuma min lanala ǹu le ma.

Kɛkolu 13:50

Kɛɛ Jahudiyalu ka kɛ́ tɔɔlamalu lɔsun so kɔnɔ, ani Alaɲasiyanɲɛ mosolu minu dalayanin. Wo lɔ, ai ka Pɔli ni Baanabasi jangata ka ban k'ai gbɛn aiya koovi lɔ.

Kɛkolu 18:8

Aladalibon wo ɲamɔɔ Kilisipusi ni aa bonnamɔɔlu bɛ ka limaniya mɔ Tii ma. Kolɛntika siyama fana ka Pɔli kumakan mɛn, ka limaniya, ka ban ka makoli sɔlɔn.

Kɛkolu 2:5

Wo k'a talan, Jahudiya siyama jiyanin tɛɛ Jelusalɛmu, minu tɛɛ Alaɲasiyanɲɛmɔɔlu le ka bɔ dunuɲa jamana bɛ lɔ.

Kɛkolu 22:12

«Wo k'a talan, Alaɲasiyanɲɛmɔɔ dɔ tɛɛ Damase, min tɔɔ tɛɛ ko Ananiya. A tɛɛ Nabi Musa ya seliya latelenna, ado je Jahudiyalu bɛ tɛɛ a buɲala.

Kɛkolu 8:2

Ado Alaɲasiyanɲɛmɔɔ dɔlu ka Etiyɛn sudoon ka sayakasi kɛ bubale aa ko lɔ.

Kɛkolu 9:11

Mɔ Tii vɛɛ a yɛ: «I wuli, i yi taa siya dɔ la, ai y'a fɔla min ma ko Siya Telennin. I yi taa Judasi ya bon na, ka Taleseka kɛ́ dɔ maɲininga a la, min tɔɔ yi ko Sawuli. A yi Ala dalila yi ne.

Kɛkolu 9:31

Wo lɔ, limaniyajama minu tɛɛ Jude, ani Galile ni Samaliya, wolu ka waate dɔ kɛ josolajii lɔ, ai vɛ sawatila. Ai ka to taamana mɔ Tii ɲasiyanɲɛ lɔ, Nii Sɛnɛyanin tɛɛ ai sɛmɛdonna, ani k'ai lasiyaya.

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Kɔlɔsikalu 4:2

Ài y'ài lɔgbeleya Aladaliko ma kudein, ka to ài ɲana, ka kɛ balika bɔla Ala yɛ.

1 Tɛsalonikakalu 5:17

Ài kà Aladali boloka.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Ko Lankɛnɛmayanin 15:4

Mɔ Tii, jene tɛ siyanna i ɲa ani k'i ban i tɔɔ buɲako ma? Kamasɔlɔn ile kelenpesa le sɛnɛyanin. Sibolomalu bɛ kɛtɔ nala i ma k'i bato, kamasɔlɔn iya kotelenninu la vɛ nkɛnɛmaya.»