Kɛkolu 1:8 - Ala Ya Salatikan Kula Kitabu

⁸ Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 1:8 Iomraidhean Croise

Matiyu 24:14

Samakan Kein min ka bɛn haijɛnɛ masaya ma, wo lasentɔ dunuɲa fan bɛ lɔ ka kɛ seleya le siboloma bɛ yɛ. Wo vɛ kɛla, dunuɲa laban yi sene vɛ.

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Malɛkɛ 16:15

A do vɛɛ ai yɛ: «Ài yi taa dunuɲa fan bɛ lɔ ka Samakan Kein lase mɔɔ bɛ ma.

Luka 1:35

Mɛlɛka do k'a javi, a vɛɛ: «Nii Sɛnɛyanin jiitɔ i kan, ani Masa Taala ya seetiiya bilintɔ i kunna. Wo le y'a ma, i kɛtɔ lɔhɔlɔma den min sɔlɔnna, mɔɔlu kɛtɔ a fɔla a ma ko Ala Denkɛ.

Luka 10:19

Ài tolomalɔ, m̀'ɛ seetiiya di ài ma ka taama salu ni wanzosalu kɔkan, ani ka see sɔlɔn ài juu Soitana ni a fanga bɛ ma. Koyon foi tɛnala ài masɔlɔnna.

Luka 24:29

Kɛɛ ai k'a fɔ a yɛ k'a magbeleya, ai vɛɛ: «I jaani, i yi si mɔ fɛlɔ. Tele ma vɛ jii. Su kotɔle.» Wo kɛ, Isa ka don bon na ai fɛ ko a yi si je.

Yohana 15:27

Àilu gbu kɛtɔ m̀ masele le, kamasɔlɔn ài vɛ to ǹ fɛ ka ta a damina ma.»

Kɛkolu 1:22

ka damina a mako waate ma Yaya bolo, haan fɔɔ a kɔlɔ ka ta mɔ tɛma lon min na. Wo tii yi kɛ sele dɔ le mɔ fɛ ka bɛn mɔ Tii Isa lawuliko ma ka bɔ saya lɔ.»

Kɛkolu 1:5

Kamasɔlɔn Yaya tɛɛ mɔɔlu makola ji le le, kɛɛ tele dana vɛ timinna, ài makotɔ Nii Sɛnɛyanin ne le.»

Kɛkolu 13:31

A do k'a jɛlɛ jiya a taamaɲɔɔlu la tele siyama kɔlɔ, minu ka taa a fɛ Jelusalɛmu ka bɔ Galile. Wolu le do kɛnin a selelu le maa mɔɔlu tɛma yi ne.

Kɛkolu 2:32

«Ala na Isa wo le lawulila ka bɔ saya lɔ. Ǹu gbu yi min sele le.

Kɛkolu 22:15

I kɛtɔ kɛla aa sele le mɔɔ bɛ yɛ ka bɛn i na min yena, ani i na min mɛnna.

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

Kɛkolu 4:33

Keladennu ka to seleya dila seetiiya ba boloma k'a fɔ mɔɔlu yɛ ko mɔ Tii Isa v'i wuli ka bɔ saya lɔ. Ado Ala ya nɛɛma tɛɛ limaniyamɔɔlu bɛ kɔkan kosɛvɛ.

Kɛkolu 5:32

M'i ko minu sele le le, ani Nii Sɛnɛyanin fana, Ala na min dila a kumakan labatobalu ma.»

Kɛkolu 6:8

Ala ya nɛɛma ni foniseleya ka to Etiyɛn kɔkan, a tɛɛ kawananko balu ni tɔɔmaselu kɛla mɔɔlu tɛma.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

Lɔmukalu 15:19

ani kawananko ni tɔɔmaselu, ani Nii Sɛnɛyanin ya foniseleya. Wo boloɲa ma, ka damina Jelusalɛmu ma ka taa sii Ilailikun koovi la, m̀'ɛ ǹa baale dafa ka Masa Tɔɔmasenin ya Samakan Kein lase fan wo bɛ lɔ.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.