Kɛkolu 1:4 - Ala Ya Salatikan Kula Kitabu

⁴ A ka to ai fɛ ka jamali di ai ma, a vɛɛ: «Ài kà bɔ Jelusalɛmu, mafɔ ka ǹ Fa ya lahedi mafako makɔnɔ, ǹ na min ya ko fɔla ài yɛ.

Kɛkolu 1:4 Iomraidhean Croise

Matiyu 10:20

Kamasɔlɔn ài kumakannu tɛnala kɛla ài jɛlɛkanu ta le, mafɔ ài Fa Ala Nii Sɛnɛyanin kumakan.

Luka 11:13

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Luka 12:12

Kamasɔlɔn ài ka kan ka min fɔ, Nii Sɛnɛyanin ne kɛtɔ wo jiyala ài la wo waate kelen nɔ.»

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Yohana 14:16

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein,

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 20:22

Wo fɔ, a k'a dafɔɲɛ kɛ ai kan k'a fɔ ai yɛ, a vɛɛ: «Ài yi Nii Sɛnɛyanin sɔlɔn.

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Kɛkolu 10:41

Kɛɛ mɔɔ bɛ m'a ye, mafɔ Ala na ǹu minu tala ka mɔ kɛ sele le, ǹu minu na dɔnni kɛla ani k'i min a fɛ a lawuli kɔ ka bɔ saya lɔ.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.