Kɛkolu 1:16 - Ala Ya Salatikan Kula Kitabu

¹⁶ A do vɛɛ ai yɛ: «M̀ badenmalu, fɔ kitabu kɔnɔ kuma ma tɛɛ fa, Nii Sɛnɛyanin ka Nabi Dawuda lɔ min fɔla ka bɛn Judasi ma, min na kɛla Isa minabalu ɲabila le.

Kɛkolu 1:16 Iomraidhean Croise

Matiyu 26:14

Wo kɔ, Isa ya keladen mɔɔ tan ni fila (12) dɔ, min tɔɔ tɛɛ Judasi Isekaliyɔti, wo ka taa salakalase kuntiibalu fɛlɔ.

Matiyu 26:47

Isa ka to kumala, Judasi ka se je, min tɛɛ aa keladen mɔɔ tan ni fila (12) dɔ le. Jama ba tɛɛ a kɔ siyamifan ni kɔlɔmankulunnu le. Ai kelayanin tɛɛ salakalase kuntiibalu ni kɛmɔbalu le bolo.

Matiyu 26:54

Kɛɛ wo vɛ kɛla, kitabu kɔnɔ kuma minu y'a jiyala ko a ka kan ka kɛ ten, wolu ma tɛɛ se fala di?»

Matiyu 26:56

Kɛɛ min bɛ kɛnin fɔsa kelalu na minu sɛvɛla kitabulu kɔnɔ, wolu ma yi fa teme.» Isa kɔbiladennu bɛ ka bɔli ka ale kelen to.

Malɛkɛ 12:36

Dawuda gbu ka kuma Nii Sɛnɛyanin sabu la, a vɛɛ: ‹Mɔ Tii n'a fɔla ǹ Tii yɛ, a vɛɛ: «Na i sii m̀ bolokini fannɔ, haan fɔɔ m̀'ɛ banna i juulu lala i sen kɔlɔ.» ›

Malɛkɛ 14:43

Isa ka to kumala, Judasi min tɛɛ aa keladen mɔɔ tan ni fila (12) dɔ le, wo ka se je telemanin. Jama tɛɛ a kɔ siyamifan ni kɔlɔmankulunnu le. Ai kelayanin tɛɛ salakalase kuntiibalu ni seliya kalanmɔɔlu ni kɛmɔbalu le bolo.

Luka 22:47

Isa ka to kumala, jama k'i kun labɔ ai ma. Judasi, min tɛɛ aa keladen mɔɔ tan ni fila (12) dɔ le, wo le tɛɛ jama ɲa. A do v'i madonna Isa la k'a sumu a tama lɔ.

Yohana 10:35

Ala na a kumakan lasena mɔɔ minu ma, a n'a fɔla wolu ma ko tiilu, ado min sɛvɛnin kitabu kɔnɔ, wo ma tɛ se falinna.

Yohana 13:18

«Ǹ kan tɛ ài bɛ ma dɛ! Ǹ na mɔɔ minu tala, ǹ ka wolu lɔn. Kɛɛ min sɛvɛnin kitabu kɔnɔ, fɔ wo ma yi fa, ko: ‹Ǹe ni mɔɔ min na dɔnni kɛla tasa kelen nɔ, wo v'a jɛlɛ kɛ ǹ juu le.›

Yohana 17:12

Ǹ tɛɛ ai fɛ waate min nɔ, ǹ tɛɛ ai lakanala i tɔɔ ya seetiiya le lɔ, i na tɔɔ kelen min dila m̀ ma. Ǹ n'ai kunmafɛlɛnna, ado ai suu suu ma tunun, mafɔ halakiko latɛɛnin tɛɛ mɔɔ min ma, fɔsa kitabu kɔnɔ kuma ma yi fa teme.

Yohana 19:36

Kamasɔlɔn ko minu kɛyine fɔsa kitabu kɔnɔ kuma ma yi fa teme, ko: «Hali a kolo kelen lɔ tɛnala kalila.»

Kɛkolu 1:20

Piyɛli k'a fɔ kɔtunun, a vɛɛ: «A sɛvɛnin Zabuli kɔnɔ, ko: ‹Aa bon lakolon yi to, mɔɔ suu suu kà sii a kɔnɔ.› A sɛvɛnin fana, ko: ‹Mɔɔ gbɛlɛ yi baale kɛ a nɔ lɔ.›

Kɛkolu 13:15

Mɔɔ dɔ vɛ Nabi Musa ya Taulati fan dɔ kalanna, ka kelalu ya kitabu fan dɔ fana kalan. Kalan wo bannin, Aladalibon ɲamɔɔlu ka kela lataa Pɔli ni Baanabasi ma, ai vɛɛ: «Mɔ badenmalu, ni kuma ka kɛ ài bolo k'a fɔ jama sɛmɛdonko lɔ, ài yi wo fɔ.»

Kɛkolu 13:38

Wo lɔ saa, m̀ badenmalu, ài y'a lɔn ko julumbu lɔkotoko la yi sena ài ma Isa le sabu la.

Kɛkolu 15:13

Pɔli ni Baanabasi wɔlinin kumala, Janguba ka kuma ta, a vɛɛ: «M̀ badenmalu, ài y'ài tolomalɔ ǹ na.

Kɛkolu 15:7

Ai mɛnnin sɔsɔyalila, Piyɛli k'i wuli wo lɔ k'a fɔ ai yɛ, a vɛɛ: «M̀ badenmalu, àilu gbu k'a lɔn ko kolu damina lɔ, Ala na ǹ tala ài tɛma Samakan Kein lasenko lɔ siboloma gbɛlɛ mɔɔlu yɛ, fɔsa ai yi wo mɛn ka limaniya.

Kɛkolu 2:23

Kɛɛ ka bɛn Ala ya latɛɛ ni lɔnni ma, ài k'a mina k'a don koyonkɛbalu bolo, fɔsa ài y'a gbaan kɔlɔman ma ka faa.

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Kɛkolu 22:1

A vɛɛ: «M̀ badenmalu ni ǹ fanu, ài y'ài tolomalɔ ǹ na butu, ǹ'i ǹ kumanɔbɔ ài yɛ.»

Kɛkolu 23:1

Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.»

Kɛkolu 23:6

Pɔli k'a ye ko kititɛɛjama falannin tɛɛ a ma, a dɔlu tɛɛ Sadusi le, a dɔlu tɛɛ Falisi le. Wo lɔ, Pɔli k'a kan labɔ k'a fɔ kititɛɛjama yɛ, a vɛɛ: «M̀ badenmalu, Falisi le ǹ ne. Ǹ fa fana yi Falisi le le. Kiti bilanin ǹ na bi kamasɔlɔn ǹ jei siinin fulenilu lawuliko le la.»

Kɛkolu 28:17

Tele sawa timin kɔ, Pɔli ka Jahudiya ɲamɔɔlu kili. Ai ka na k'ai ladɛn mingɛ, a vɛɛ ai yɛ: «M̀ badenmalu, m̀ ma koyon kɛ maa mɔɔlu la, niwotɛ ka mɔ bemanu ya laanalu mafɔ. Wo bɛ n'a kɛ, ai ka m̀ mina Jelusalɛmu ka ǹ don Lɔmukalu bolo.

Kɛkolu 28:25

Ai ma bɛn kan kelen ma. Ai bɔtɔla, Pɔli ka kuma kelen fɔ ai yɛ, a vɛɛ: «Nii Sɛnɛyanin ka kuma min fɔ ài bemanu yɛ Nabi Ezayi bolo, wo yi tuɲa le le, ko:

Kɛkolu 7:2

Etiyɛn vɛɛ: «M̀ badenmalu ni ǹ fanu, ài y'ài tolomalɔ ǹ na. Ka talan mɔ bema Ibulahima tɛɛ m'i sii ba bene Halan duu kɔnɔ, Nɔɔlɔtii Ala k'a jɛlɛ jiya a la Mesopotami jamana lɔ.

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

2 Piyɛli 1:21

Kamasɔlɔn kelayakuma foi ma bɔ adamaden sawo lɔ feu, mafɔ mɔɔlu ka Ala kumakannu fɔ iwo Nii Sɛnɛyanin k'ai lɔ a la teme.

2 Piyɛli 2:21

A tɛɛ bɛnne ai ma ni ai tɛɛ ma telenmandeya siya lɔn feu, jani ai tɛɛ a lɔn ka ban k'ai kɔdon jamali sɛnɛyanin na min dinin ai ma.