Kɛkolu 1:11 - Ala Ya Salatikan Kula Kitabu

¹¹ Wolu vɛɛ ai yɛ: «Galilekalu, mindɛ lɔ ài lɔnin jan, ài ɲa vɛ sangbolo lɔ? Isa min kɔlɔtanin ài tɛma ka jɛlɛ sangbolo lɔ, a do kɛtɔ seikɔla wo boloɲa kelen ne ma, iwo ài n'a jɛlɛtɔla yena teme sangbolo lɔ.»

Kɛkolu 1:11 Iomraidhean Croise

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 24:30

Wo vɛ kɛla, Mɔɔnivin Tanin ya tɔɔmase kɛtɔ bɔla gbɛ la sangbolo lɔ. Ado dunuɲa siboloma bɛ kɛtɔ ai josomakasila, ai vɛ Mɔɔnivin Tanin natɔla yena sanbiliya lɔ seetiiya ni magbiliyali ba boloma.

Matiyu 25:31

«Mɔɔnivin Tanin vɛ nala aa magbiliyali lɔ lon min na, mɛlɛka bɛ vɛ a fɛ, a siitɔ aa masayasiifen nɔɔlɔnin nɔ.

Malɛkɛ 13:26

Wo vɛ kɛla, mɔɔlu kɛtɔ Mɔɔnivin Tanin natɔla yena sanbiliya lɔ seetiiya makawanin ni magbiliyali boloma.

Malɛkɛ 14:70

A do k'i ban a ma kɔtunun. A lɔ ma mɛn, Piyɛli dafɛmɔɔlu k'a fɔ a yɛ, ai vɛɛ: «Tuɲa le, ile fana yi mɔɔ wolu dɔ le le, kamasɔlɔn Galileka le i le.»

Malɛkɛ 16:19

Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.

Luka 21:27

Wo waate lɔ, ai kɛtɔ Mɔɔnivin Tanin natɔla yena sanbiliya lɔ, seetiiya ni magbiliyali ba boloma.

Luka 24:5

Mosolu ka siyan bubale, k'ai ten bilin duu ma. Kɛ́ fila wolu k'a fɔ ai yɛ, ai vɛɛ: «Mindɛ lɔ ài yi niima ɲininna fulenilu tɛma?

Yohana 14:3

M̀'ɛ taala ài siiya lɔbɛnna, ǹ seikɔtɔ ka na ài ta ka taa ài le, fɔsa ǹ'i tɛɛminja, àilu fana yi kɛ woja.

Kɛkolu 1:2

haan fɔɔ a kɔlɔtanin waate min nɔ ka taa haijɛnɛ. Jani a kɔlɔ tɛɛ ta, a ka jamalilu di aa keladen tanilu ma Nii Sɛnɛyanin ya see lɔ.

Kɛkolu 1:22

ka damina a mako waate ma Yaya bolo, haan fɔɔ a kɔlɔ ka ta mɔ tɛma lon min na. Wo tii yi kɛ sele dɔ le mɔ fɛ ka bɛn mɔ Tii Isa lawuliko ma ka bɔ saya lɔ.»

Kɛkolu 1:9

Isa wɔlinin wo fɔla, a kɔlɔ ka ta ai ɲana ka jɛlɛ sangbolo lɔ, ado sanbiliya ka a latunun ai ma.

Kɛkolu 13:31

A do k'a jɛlɛ jiya a taamaɲɔɔlu la tele siyama kɔlɔ, minu ka taa a fɛ Jelusalɛmu ka bɔ Galile. Wolu le do kɛnin a selelu le maa mɔɔlu tɛma yi ne.

Kɛkolu 2:7

Ai ka kawakoya fɔɔ k'ai kɔnɔlɔfili, ai do vɛɛ i ɲɔɔ yɛ: «Mɔɔ minu yi kumala yi ne, ai bɛ yi Galileka le le, kɛlɛ?

Kɛkolu 3:12

Piyɛli ka jama ye mingɛ, a vɛɛ ai yɛ: «Bani Isilankalu, mindɛ kɛnin ài yi kawakoyala ka bɛn ko min ma, k'ai ɲa kaa mɔ lɔ ka kɛ iwo mɔ fanga le na kɛ́ min lataamana, niwotɛ maa Alaɲasiyanɲɛ?

Kɛkolu 3:21

Kɛɛ fɔ a yi to haijɛnɛ bene, haan fɔɔ fen bɛ ma vɛ falinna ka kɛ a kula le waate min nɔ, iwo Ala ya lɔhɔlɔma kelalu tɛɛ min fɔla teme ka ta waate jaan ma.

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

1 Tɛsalonikakalu 4:16

Kamasɔlɔn wo lon na, jamalikan ba dɔ kɛtɔ bɔla, ani mɛlɛka kuntiiba kan, ani Ala ya buulufɛkan, ado mɔ Tii Isa gbu kɛtɔ jiila ka bɔ sangbolo lɔ. Wo vɛ kɛla, mɔɔ minu sanin Masa Tɔɔmasenin ya kafonɲɔɔya lɔ, wolu le kɛtɔ ai wulila kunfɔlɔ le.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!