Kɛkolu 1:10 - Ala Ya Salatikan Kula Kitabu

¹⁰ Ai ɲa lɔnin ka to Isa lɔ, a jɛlɛtɔla sangbolo lɔ, kɛ́ fila ka bɔ gbɛ la telemanin k'i lɔ ai dafɛ, faani gbɛ vɛ ai kanna.

Kɛkolu 1:10 Iomraidhean Croise

Matiyu 17:2

Ai ka to je, Isa kɛɲa ka jɛlɛma ai ɲana. A ɲakɔlɔla ka mɛnɛn gbesekele iwo tele, ado aa faanilu ka gbɛ pepe iwo kɛnɛya.

Matiyu 28:3

A ɲakɔlɔla tɛɛ mɛnɛnna gbesekele iwo sanmɛnɛn, ado aa faani gbɛnin tɛɛ pepe iwo sanmabɛlɛni.

Malɛkɛ 16:5

Ai ka don mingɛ kawawoo kabulu lɔ, ai ka kavelen dɔ siinin ye ai bolokini fannɔ, pipɔ gbɛ v'a kanna. Ai do ka siyan bubale.

Luka 24:4

Ai ka to wo kɔnɔlɔfili lɔ, telemanin kɛ́ fila ka bɔ gbɛ la k'i lɔ ai dafɛ, faani gbɛ pepe vɛ ai kanna.

Yohana 20:12

A do ka mɛlɛka fila siinin ye Isa fuleni laya lɔ, faani gbɛ pepe tɛɛ ai kanna, kelen tɛɛ a kun laya lɔ, dɔ tɛɛ a sen laya lɔ.

Kɛkolu 10:3

Lon dɔ, wuladala lɛlɛ sawa waate, Ala ka ko dɔ lajɛlɛ Kɔɔnɛli ɲa ma. A do ka Ala ya mɛlɛka dontɔla ye bon na k'a fɔ a yɛ, a vɛɛ: «Kɔɔnɛli!»

Kɛkolu 10:30

Kɔɔnɛli do vɛɛ a yɛ: «A vɛ tele naani bɔ, waate suu min nɔ, ǹ tɛɛ Ala dalila ǹa bon na wuladala lɛlɛ sawa waate. Ado kɛ́ dɔ k'i lɔ ǹ ɲakɔlɔ telemanin, faani gbɛ pepe v'a kanna.

Ko Lankɛnɛmayanin 3:4

Kɛɛ wo bɛ n'a kɛ, mɔɔ dɔlu i fɛlɔ Salidɛsi je minu ma aiya faanilu lakɔsɔ. Wolu le kɛtɔ taamana ǹ fɛ, faani gbɛ vɛ ai kanna, kamasɔlɔn ailu ni wo le kaannin.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.