Ɛfɛsikalu 5:6 - Ala Ya Salatikan Kula Kitabu

⁶ Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

Ɛfɛsikalu 5:6 Iomraidhean Croise

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 24:4

Isa k'ai javi, a vɛɛ: «Ài y'ài jando ài jɛlɛ lɔ fɔsa mɔɔ suu suu kana ài lafili.

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Malɛkɛ 13:5

Isa do vɛɛ ai yɛ: «Ài y'ài jando ài jɛlɛ lɔ, fɔsa mɔɔ mɔɔ kana ài lafili.

Lɔmukalu 1:18

Ala tonin haijɛnɛ ka aa mɔnɛya jiya ka bɛn adamadennu ya julumbu ni koyon bɛ ma, minu yi tuɲa doonna aiya koyonkɛ sabu la.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Kɔlɔsikalu 2:4

Ǹ'i min fɔla ài yɛ yi ne fɔsa mɔɔ mɔɔ kana ài majuwaya kuma madiyaninnu le.

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.

Kɔlɔsikalu 3:6

Ko wolu le do kɛtɔ a kɛla, Ala ya mɔnɛya natɔ a kumakan labatobalilu kanma.

2 Tɛsalonikakalu 2:3

Ài kà diɲa mɔɔ foi y'ài manɛɛ boloɲa suu suu ma, kamasɔlɔn wo lon tɛnala sena haan fɔɔ mɔɔ siyama vɛ mulutula Ala kanma bene, ani seliya tiɲaba la vɛ nkɛnɛmayala, min kɛtɔ halakila Ala bolo.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

Hebululu 3:19

Wo lɔ saa, mɔ v'a ɲaye ko ai ma se donna duu wo lɔ ka nɔningɛ sɔlɔn ka bɛn aiya limaniyabaliya le ma.

1 Piyɛli 2:8

A sɛvɛnin kɔtunun, ko: «Wo le kɛnin ai sen tuu kawakulun ne, ani kawa min y'ai labenna.» Ai sen tuunin kamasɔlɔn ai yi kolobaliya kɛla Ala kumakan na, iwo a latɛɛnin ai ma teme.

1 Yohana 4:1

Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.