Ɛfɛsikalu 4:5 - Ala Ya Salatikan Kula Kitabu

⁵ Mɔ Tii kelen ne yi je, limaniya siya kelen yi mɔ bolo ka taa min ma, ado mɔ bɛ makonin ji kɔlɔ tɔɔ kelen wo le le.

Ɛfɛsikalu 4:5 Iomraidhean Croise

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Kɛkolu 10:36

Àilu gbu k'a lɔn ko Ala ka Samakan Kein lase Bani Isilankalu ma, k'a fɔ ko josolajii yi sɔlɔnna Masa Tɔɔmasenin Isa le fɛ, min yi mɔɔ bɛ Tii le.

Kɛkolu 2:36

«Bani Isilankalu bɛ y'a lɔn bɛlɛbɛlɛ kɛ ko Isa min gbaannin tɛɛ kɔlɔman ma ài bolo, Ala v'a kɛ mɔ Tii le ani Masa Tɔɔmasenin.»

Lɔmukalu 3:30

Komi Ala yi kelen ne le, wo lɔ, a kɛtɔ Jahudiyalu jatela telenmande le limaniya le fɛ, ani siboloma gbɛlɛ mɔɔlu fana.

1 Kolɛntikalu 1:13

A yi di wo lɔ? Jalasa Masa Tɔɔmasenin lɔtalayine? Jalasa ai na ǹe Pɔli le gbaanna kɔlɔman ma àiya ko lɔ? Niwotɛ, ài makonin ji kɔlɔ ǹe Pɔli le tɔɔ lɔ?

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 12:13

Kamasɔlɔn mɔ bɛ makonin Nii Sɛnɛyanin kelen ne bolo ka mɔ kɛ falikolo kelen ne. Wo le y'a ma, i ka kɛ Jahudiya le o, i ka kɛ siboloma gbɛlɛ le o, i ka kɛ jɔn ne o, i ka kɛ mɔɔ lafɛlɛnin ne o, mɔ bɛ laminnin Nii Sɛnɛyanin kelen ne le.

1 Kolɛntikalu 12:5

Baale suu siyama yi je fana, kɛɛ wo bɛ yi kɛla mɔ Tii kelen ne yɛ.

1 Kolɛntikalu 8:6

kɛɛ mɔ ta fannɔ, Ala kelenpesa le yi je, mɔ Fa min na fen bɛ danna, ado m'i mɔ nii la ale le yɛ. Tii kelenpesa le yi je fana, min taanin kɛla Masa Tɔɔmasenin Isa le, fen bɛ ladannin ka bɛn min ma, ado m'i mɔ nii la ale le sabu la.

2 Kolɛntikalu 11:4

Kamasɔlɔn ni mɔɔ dɔ ka na ài fɛlɔ ka Isa suu gbɛlɛ ya ko kawanili kɛ ani samakan kein suu gbɛlɛ, mɔ ma min kawanili kɛ ài yɛ, ado ni wo tii ka Nii Sɛnɛyanin suu gbɛlɛ ya ko fɔ, ài ma min sɔlɔn kɔlɔkɔlɔ le, a kɛ diyayine ài y'ài bolo sii wo tii kumakan kɔlɔ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Ɛfɛsikalu 4:13

Wo do kɛtɔ tola i lɔ haan fɔɔ mɔ bɛ vɛ bɛnna a lɔ ka bɛn limaniya ma, ani ka bɛn Ala Denkɛ ya lɔnni ma, ka mɔ kɛ kɛmɔbalu le, ka se Masa Tɔɔmasenin gbu dafaɲa jate ma.

Filipikalu 2:11

Ado ai bɛ kɛtɔ ai lɔla a la k'a fɔ ko Masa Tɔɔmasenin Isa le yi Tii le, fɔsa magbiliyali yi kɛ mɔ Fa Ala yɛ.

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Tite 1:4

Ǹ'i min sɛvɛla ile Tite le ma, ǹ denkɛ bɛlɛbɛlɛ ka bɛn mɔ dɛɛn ma limaniya kelen na. Mɔ Fa Ala ni mɔ Lakisiba Masa Tɔɔmasenin Isa ya nɛɛma yi kɛ i yɛ, k'i josolajii.

Hebululu 13:7

Ài y'ài hangili to àiya ɲamɔɔ kɔlɔlu lɔ, minu na Ala kumakan lasena ài ma. Ài y'ài mili aiya dunuɲalɔtɛɛ labanɲa ma, ka bila ai kɔsiya kan limaniya lɔ.

Hebululu 6:6

ado wo bɛ n'a kɛ, ai k'ai kɔsei ai kɛko kɔlɔlu ma ka limaniya siya bila. Mɔɔ suu wolu la tɛ se seikɔla limaniya siya kɔkan kɔtunun, kamasɔlɔn ai yi Ala Denkɛ le gbaanna kɔlɔman ma kɔtunun, k'a lamaloya bala lɔ.

Janguba 2:18

Kɛɛ ni dɔ k'a fɔ ko: «Ile limaniyayine, ǹe do yi kɛko ɲumalu le kɛla,» wo vɛ kɛla, ǹ kɛtɔ wo tii javila, ǹ ko: «Iya limaniya jiya vɛ ǹ na ka bɔ i kɛko ɲumalu kɔ, ǹe do kɛtɔ ǹa limaniya jiyala i la ka bɛn ǹ kɛko ɲumalu le ma.»

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

Jude 1:20

Kɛɛ àilu, ǹ diyananmɔɔlu koni, ài limaniyanin kuma sɛnɛyanin minu ma, ài y'ài ɲɔɔ lasawati wolu le, ka kɛ Ala dalila Nii Sɛnɛyanin sabu la.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.