Ɛfɛsikalu 4:4 - Ala Ya Salatikan Kula Kitabu

⁴ Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Ɛfɛsikalu 4:4 Iomraidhean Croise

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Kɛkolu 15:11

Mɔ limaniyanin teme k'a fɔ ko mɔ kisinin ka bɛn mɔ Tii Isa ya nɛɛma le ma, wolu fana kisinin ten ne.»

Lɔmukalu 11:29

Kamasɔlɔn ni Ala ka mɔɔ min sɔ, a tɛ aa sɔli wo minala wo tii ma la. Ni a do ka mɔɔ kili ko dɔ kanma, a tɛ wo bɔla a ma feu.

1 Kolɛntikalu 10:17

Komi bulukala kelen ne, hali ni mɔ walanin ka kɛ, falikolo kelen ne mɔ le butu, kamasɔlɔn mɔ bɛ dɛnnin bulukala kelen wo le la.

1 Kolɛntikalu 12:20

Wo ma yi ne, fan siyama le yi falikolo ma, kɛɛ falikolo kelen ne.

2 Kolɛntikalu 11:4

Kamasɔlɔn ni mɔɔ dɔ ka na ài fɛlɔ ka Isa suu gbɛlɛ ya ko kawanili kɛ ani samakan kein suu gbɛlɛ, mɔ ma min kawanili kɛ ài yɛ, ado ni wo tii ka Nii Sɛnɛyanin suu gbɛlɛ ya ko fɔ, ài ma min sɔlɔn kɔlɔkɔlɔ le, a kɛ diyayine ài y'ài bolo sii wo tii kumakan kɔlɔ.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:16

Aa saya fɛ kɔlɔman ma, a ka siboloma fila ni Ala wotɛbɛn, k'ai kɛ falikolo kelen ne, ka lagbeyaɲɛ ban ai wotɛ.

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

Ɛfɛsikalu 2:22

Isa ya kafonɲɔɔya lɔ, Ala y'àilu fana tuuntuunna bon wo la ten ne, ka kɛ a jɛlɛkanu makɛya le Nii Sɛnɛyanin sabu la.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 5:30

Kamasɔlɔn mɔ kelenkelenna bɛ y'a falikolo fan dɔ le le.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

Kɔlɔsikalu 3:15

Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Timote 1:1

Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn mɔ Lakisiba Ala ya jamali ma, ani Masa Tɔɔmasenin Isa min yi mɔ jeisii le.

Tite 1:2

fɔsa niimaya banbali jeisii yi kɛ ai bolo, tuɲande Ala na min lahedi tala jani dunuɲa tɛɛ dan.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Tite 3:7

fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.