Ɛfɛsikalu 4:12 - Ala Ya Salatikan Kula Kitabu

¹² A na wo kɛla fɔsa a yi mumininnu lɔbɛn Ala ya baaleko lɔ ani ka limaniyajama lasawati, min taanin kɛla Masa Tɔɔmasenin falikolo le.

Ɛfɛsikalu 4:12 Iomraidhean Croise

Luka 22:32

Kɛɛ m̀'ɛ Ala dali i yɛ, fɔsa iya limaniya kana koli. Ni ile do ka seikɔ m̀ ma, i i badenmalu sɛmɛdon.»

Kɛkolu 1:17

A tɛɛ mɔ dɔ le le. A fɛ tɛɛ baale min na.»

Kɛkolu 1:25

Wo yi keladenya baale kɛ mɔ fɛ, kamasɔlɔn Judasi vɛ baale min bila ka taa dingila dɔ lɔ, min bɛnnin a ma.»

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 9:31

Wo lɔ, limaniyajama minu tɛɛ Jude, ani Galile ni Samaliya, wolu ka waate dɔ kɛ josolajii lɔ, ai vɛ sawatila. Ai ka to taamana mɔ Tii ɲasiyanɲɛ lɔ, Nii Sɛnɛyanin tɛɛ ai sɛmɛdonna, ani k'ai lasiyaya.

Lɔmukalu 12:5

Wo boloɲa kelen ma, hali ǹu limaniyamɔɔlu walanin ka kɛ, mɔ bɛ yi falikolo kelen ne le Masa Tɔɔmasenin ya kafonɲɔɔya lɔ, ado mɔ kelenkelenna bɛ fasanin i ɲɔɔ ma falikolo kelen ne lɔ.

Lɔmukalu 12:7

Ni a dɔ ta ka kɛ madɛmɛli le, wo tii yi mɔɔlu madɛmɛn. Ni min ta ka kɛ kalan ne, wo tii yi mɔɔlu kalan.

Lɔmukalu 14:19

Wo le y'a ma, ko minu yi nala josolajii ni ɲɔɔ lasawati le, ài m'i wolu le ɲinin.

Lɔmukalu 15:14

M̀ badenmalu, ǹe gbu layine a la ko àiya ɲumaya dafayine, ani àiya lɔnni walayine, ani a see y'ài yɛ k'i ɲɔɔ lali.

Lɔmukalu 15:2

Fɔ mɔ kelenkelenna bɛ y'a siiɲɔɔ ladiyanankolu kɛ a nafako kanma k'a lasawati limaniya lɔ.

Lɔmukalu 15:29

M̀'ɛ nala ài ma, ǹ k'a lɔn ko ǹ kɛtɔ nala Masa Tɔɔmasenin ya duwawu dafanin ne lɔ.

1 Kolɛntikalu 12:27

Masa Tɔɔmasenin falikolo le ài le, ado ài kelenkelenna bɛ y'a fan dɔ le le.

1 Kolɛntikalu 12:7

Nii Sɛnɛyanin ne yi see dila mɔɔ kelenkelenna bɛ ma, bɛ mako laɲiako lɔ.

1 Kolɛntikalu 14:12

A yi ten ne àilu fana ta fannɔ. Komi ài nii lanin Nii Sɛnɛyanin ya senkolu le kɔkan, wo lɔ, ài y'ài lɔja ka wolu labaale ka bɛn limaniyajama lasawatiko ma.

1 Kolɛntikalu 14:14

Kamasɔlɔn ni ǹ ka Ala dali kan gbɛlɛ lɔ, ǹ'i wo kɛla ǹ josokun ne le, kɛɛ ǹ hangili tɛ foi ɲayena.

1 Kolɛntikalu 14:26

M̀ badenmalu, ài ka kan k'a kɛ di wo lɔ? Ni ài vɛ ladɛn kɛla waate min nɔ, ni mɔɔ dɔ y'a fɛ ka baiti la, a a la. Ni kalan y'a dɔgbɛlɛ fɛ, a yi mɔɔlu kalan. Ni ko lankɛnɛmayanin dɔ ka kɛ a dɔgbɛlɛ fɛ ka bɔ Ala fɛ, wo tii y'a fɔ. Ni dɔ y'a fɛ ka kuma kan gbɛlɛ lɔ, a yi kuma. Ni a see yi mɔɔ dɔ yɛ ka kan gbɛlɛ wo latimin, a a latimin. Kɛɛ ko bɛ yi kɛ ka bɛn limaniyajama lasawatiko le ma.

2 Kolɛntikalu 12:19

Tumadɔ ài y'ài milila ko m'i mɔ lɔjala waate min bɛ lɔ ka mɔ kumanɔbɔ ài yɛ. Wo tɛ dɛ! Tuɲa le, mɔ na kuma min bɛ fɔla Ala gbu ɲakɔlɔ, iwo mɔɔ minu yi Masa Tɔɔmasenin ya kafonɲɔɔya lɔ. Mɔ diyananmɔɔlu, m'i ko bɛ kɛla yi ne ka bɛn ài lasawatiko le ma limaniya lɔ.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

2 Kolɛntikalu 13:9

Ni fanga ma kɛ mɔ la waate min nɔ, k'a talan ài fanga walanin, m'i sawale wo lɔ. Mɔ do yi Ala dalila fɔsa àiya ko bɛ yi dafa.

2 Kolɛntikalu 3:8

Ni seliya nɔɔlɔ ka kɛ ten, Nii Sɛnɛyanin ya baale nɔɔlɔ do? Wo nɔɔlɔ tɛnala buɲala ka timin dɔ wo la?

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

2 Kolɛntikalu 5:18

Wo bɛ bɔnin Ala le lɔ. A na mɔ ni ale gbu wotɛbɛnna Masa Tɔɔmasenin ne sabu la, ka wotɛbɛn baale kalifa mɔ la.

2 Kolɛntikalu 6:3

Mɔ t'a fɛ m'i kɛ mɔɔ dɔ kunnɔtɛɛko sabu le, alako fɛɛ suu suu kana ye maa baale la.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Ɛfɛsikalu 1:23

a falikolo koni, aa ko bɛ dafanin min nɔ, k'a talan ale gbu yi ko bɛ dafala boloɲa bɛ ma.

Ɛfɛsikalu 4:16

Aa kuntiiya lɔ, falikolo fan bɛ la yi dɛnna k'ai tuun i ɲɔɔ na a tuunɲa bɛ le. Wo lɔ, falikolo fan kelenkelenna bɛ vɛ kɛla a ta baale kɛla a ɲa ma, falikolo lakunnin la yi sawatile kanundeya boloma.

Ɛfɛsikalu 4:29

Ado ài kà diɲa kuma kɛwonnu yi bɔ ài da, mafɔ kuma minu yi se mɔɔlu lasawatila ani k'ai mako laɲia boloɲa dɔ ma, fɔsa ài lamɛnbalu yi nafa sɔlɔn.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Kɔlɔsikalu 1:24

Wo lɔ saa, ǹ kɔnɔlɔdiyayine ka bɛn ǹa tɔlɔyalu ma àiya ko lɔ, kamasɔlɔn Masa Tɔɔmasenin ya tɔlɔya tɔ min tonin, ǹ'i wo le dafala ǹ falikolo lɔ limaniyajama yɛ, min kɛnin a falikolo le.

Kɔlɔsikalu 1:28

Wo lɔ, m'i Masa Tɔɔmasenin ya ko lasena mɔɔ bɛ ma, k'ai lali, ani k'ai kalan hangilimaya bɛ la, fɔsa m'i mɔɔ kelenkelenna bɛ dafanin lalɔ Ala ɲakɔlɔ Masa Tɔɔmasenin ya kafonɲɔɔya lɔ.

Kɔlɔsikalu 4:17

Ài y'a fɔ Alisipi yɛ, ài vɛɛ: «Mɔ Tii na baale min dila i ma, fɔ yi wo kɛ k'a dafa.»

1 Timote 1:12

Ǹ'i balika bɔla mɔ Tii Masa Tɔɔmasenin Isa yɛ, ale min na ǹ sɛmɛdonna, kamasɔlɔn a vɛ ǹ jate lanande le ka m̀ bila aa bɔidenya la.

2 Timote 4:11

Luka kelenpesa le yi ǹ fɛ butu. I vɛ kɛla nala, i yi na Malɛkɛ le, kamasɔlɔn nafa y'a la bubale ǹa baaleko lɔ.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

Hebululu 13:17

Ài y'ài ɲamɔɔlu kumakan labato k'ài fanmajii ai yɛ, kamasɔlɔn ai y'ai jandola ài nunakili lɔ, ai do kɛtɔ wo le dandɛɛli kɛla Ala yɛ. Wo le y'a ma, ài yi diɲa ɲamɔɔlu yi baale min kɛ sawa boloma. Ni ai do niila ka fin wo lɔ, wo tɛnala ài wunafala.

Hebululu 6:1

Wo le y'a ma, ài m'i taa ɲafɛ ka timin kalan kunfɔlɔlu la ka bɛn Masa Tɔɔmasenin ma, fɔsa m'i kɛ mɔɔ dafanin ne. Mɔ do man kan ka maa limaniya jusii kɔtunun, iwo mɔ ka kan ka mɔ dajoo mafalin teme ka bɔ mɔ kɛkolu ma, minu yi saya lasena mɔ ma, ka limaniya Ala ma,