Ɛfɛsikalu 4:11 - Ala Ya Salatikan Kula Kitabu

¹¹ Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

Ɛfɛsikalu 4:11 Iomraidhean Croise

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Kɛkolu 13:1

Wo k'a talan kela ni kalanmɔɔ dɔlu tɛɛ limaniyajama tɛma Antiyɔsi so kɔnɔ. Wo dɔlu le ne: Baanabasi, Simiyɔn (ai tɛɛ a fɔla min ma ko Falafin), Lusiyusi ka bɔ Silɛni, Manayen (min ni jamanakunnasiiba Helodi ka buɲa i ɲɔɔ fɛ), ani Sawuli.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 21:8

Wo kɛnɛbɔlon, mɔ ka bɔ je ka taa se Sezale so ma, ka mɔ jiya Filipe ya bon na, min tɛɛ Samakan Kein lasenba le. Jelusalɛmu limaniyamɔɔlu ka kɛ́ wolowulan minu ta k'ai kɛ keladennu madɛmɛnba le, Filipe tɛɛ wolu dɔ le le.

Lɔmukalu 12:7

Ni a dɔ ta ka kɛ madɛmɛli le, wo tii yi mɔɔlu madɛmɛn. Ni min ta ka kɛ kalan ne, wo tii yi mɔɔlu kalan.

1 Kolɛntikalu 12:4

Senko suu siyama yi dila mɔɔlu ma, kɛɛ wo bɛ yi bɔla Nii Sɛnɛyanin kelen ne lɔ.

Ɛfɛsikalu 2:20

Ala k'ài lɔ k'ài kɛ bon ne min jusiinin keladennu ni kelalu kɔkan, ado Masa Tɔɔmasenin Isa gbu le yi bon wo tungun kawakulun ne.

Ɛfɛsikalu 3:5

Wo do la ma nkɛnɛmaya adamaden timinninu yɛ, iwo a la vɛ lankɛnɛmaya teme butu aa lɔhɔlɔma keladennu ni kelalu yɛ Nii Sɛnɛyanin sabu la.

Ɛfɛsikalu 4:8

A sɛvɛnin tan ne kitabu kɔnɔ, ko: «A jɛlɛnin sanfɛ ka taa kɛlɛkɔlɔden siyama le, ka sɔlifennu di adamadennu ma.»

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

Hebululu 5:12

Ài tɛɛ ka kan ka kɛ kalanmɔɔlu le butu waate min nɔ, kɛɛ hali bi ài mako yi kalanmɔɔ la, min y'ài kalan Ala ya kojiyanin kunfɔlɔlu la kɔtunun. Ài mako yi sinji le la, dɔnnifen lɔjanin tɛ!

Jude 1:17

Kɛɛ àilu, ǹ diyananmɔɔlu koni, ài y'ài hangili to kelayakumalu lɔ, minu fɔnin kɔlɔman ne mɔ Tii Masa Tɔɔmasenin Isa ya keladennu bolo.

Ko Lankɛnɛmayanin 18:20

Wo lɔ, àilu haijɛnɛdennu ni mumininnu ni keladennu ni kelalu, ài yi sawa ka bɛn a labenko ma, kamasɔlɔn Ala vɛ aa kiti tɛɛ ka bɛn koyonnu ma, a na minu kɛla ài la.»

Ko Lankɛnɛmayanin 21:14

Jiin min tɛɛ so laminin nɔ, wo lɔnin tɛɛ jiin jusii kawa tan ni fila le kɔkan, Saa Bolan ya keladen mɔɔ tan ni fila tɔɔlu sɛvɛnin tɛɛ minu ma.