Ɛfɛsikalu 3:7 - Ala Ya Salatikan Kula Kitabu

⁷ M̀'ɛ kɛ Samakan Kein min ya bɔiden ne ka bɛn Ala ya nɛɛma ma, min dinin m̀ ma aa foniseleya baale fɛ.

Ɛfɛsikalu 3:7 Iomraidhean Croise

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 12:3

Ka bɛn Ala ya nɛɛma ma min dinin m̀ ma, ǹ'a fɔla ài kelenkelenna bɛ yɛ, ǹ ko, ài k'ài jɛlɛ jate mɔɔ le ài tɛ min ne. Mafɔ, ài yi mili ài jɛlɛ ma hangilimaya boloma ka bɛn limaniya jate ma min dinin ài ma Ala bolo.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

1 Kolɛntikalu 3:5

Apolosi yi jene le? Pɔli yi jene le? Bɔiden ne mɔ le, minu kɛnin sabu le ài limaniyanin. Mɔ Tii na ke minu dila ǹu mɔɔ fila ma, m'i wo le la yi ne.

2 Kolɛntikalu 3:6

Ale le na see dila mɔ ma ka mɔ kɛ bɔidennu le aa salatikan kula ya ko lɔ. Salatikan kula wo ma bɔ seliya sɛvɛnin nɔ, mafɔ Nii Sɛnɛyanin. Kamasɔlɔn seliya sɛvɛnin yi saya le lasena mɔɔlu ma, kɛɛ Nii Sɛnɛyanin yi niimaya le dila.

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

Galatiyakalu 2:8

Kamasɔlɔn Ala min na Piyɛli kɛla keladen ne Jahudiyalu tɛma, ale Ala kelen ne na ǹe fana kɛla keladen ne siboloma gbɛlɛ mɔɔlu tɛma.

Ɛfɛsikalu 1:19

Ala yi ài lalɔnni aa foniseleya makawanin na, a yi min labaalela ǹu limaniyamɔɔlu yɛ. Foniseleya min la yi baalela mɔ lɔ,

Ɛfɛsikalu 3:2

Ǹ lanin a la ài v'a mɛn Ala na baale min kalifala ǹ na teme aa nɛɛma lɔ ka bɛn ài ma.

Ɛfɛsikalu 3:20

Tanuli yi Ala yɛ, a see yi min yɛ ka ko bɛ kɛ mɔ yɛ ka timin maa daili ni mɔ miliya bɛ la, ka bɛn aa foniseleya ma min yi baalela mɔ lɔ.

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Ɛfɛsikalu 4:16

Aa kuntiiya lɔ, falikolo fan bɛ la yi dɛnna k'ai tuun i ɲɔɔ na a tuunɲa bɛ le. Wo lɔ, falikolo fan kelenkelenna bɛ vɛ kɛla a ta baale kɛla a ɲa ma, falikolo lakunnin la yi sawatile kanundeya boloma.

Kɔlɔsikalu 1:29

Wo ma yi ne, ǹ'i baalela, m'ɛ sɛɛ kɛla ka bɛn Masa Tɔɔmasenin ya fanga bɛ ma, a yi min labaalela ǹ nɔ bɛlɛbɛlɛ kɛ.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.