Ɛfɛsikalu 3:4 - Ala Ya Salatikan Kula Kitabu

⁴ Ni ài ka wo kalan, ǹ na lɔnni min sɔlɔnna ka bɛn Masa Tɔɔmasenin ya gbonoko ma, ài yi wo ɲayene.

Ɛfɛsikalu 3:4 Iomraidhean Croise

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Luka 8:10

Wo lɔ, Isa vɛɛ ai yɛ: «Ala ya masaya gbonolu lɔnni vɛ di ài ma, kɛɛ ko bɛ yi fɔla dɔlu yɛ sana le lɔ. Wo le n'a kɛla, ‹Ai y'ai ɲa kaana, kɛɛ ai tɛ foi yena. Ai y'ai tolomalɔla, kɛɛ ai tɛ foi ɲayena.› »

Lɔmukalu 11:25

M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

1 Kolɛntikalu 4:1

Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la.

2 Kolɛntikalu 11:6

Hali ni wolu dalɔdiyanin ka kɛ ka timin ǹ na, ǹa lɔnni dɛsɛnin tɛ. Mɔ do vɛ wo lagbɛ ài yɛ boloɲa suu bɛ ma ko bɛ lɔ.

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

Ɛfɛsikalu 3:3

A na aa gbonoko lankɛnɛmayala ǹ yɛ, iwo ǹ n'a sɛvɛla ài ma teme kuma lɔsulunya boloma.

Ɛfɛsikalu 3:9

Ado Dannimasa Ala tɛɛ vɛ jatesiili min doon ka ta waate jaan timinninu ma, ko ǹ'i gbonoko wo lankɛnɛmaya bɛ yɛ,

Ɛfɛsikalu 5:32

Gbonoko ba le min ne, kɛɛ ǹ'i kumala ka bɛn Masa Tɔɔmasenin ni aa limaniyajama le ma.

Ɛfɛsikalu 6:19

Ài yi Ala dali ǹe fana yɛ, fɔsa m̀'ɛ m̀ wulila kuma kɛko lɔ, Ala yi kuma don ǹ da fɔsa ǹ'i Samakan Kein gbonoko lase josolagbeleya boloma,

Kɔlɔsikalu 1:26

Wo do kɛnin Ala ya gbonoko le le, a tɛɛ vɛ min doon mɔɔ timinninu ma waate jaan kɔlɔ, kɛɛ tandainɔ a vɛ wo lankɛnɛmaya aa mumininnu yɛ.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

Kɔlɔsikalu 4:3

Ài yi Ala dali ǹu fana yɛ, fɔsa Ala yi da laka mɔ yɛ a kumakan lasenko lɔ ka bɛn Masa Tɔɔmasenin ya gbonoko ma. Ǹe do yi kaso le la yi ne ka bɛn wo ma.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 3:9

Gbono ko min lankɛnɛmayanin ka bɛn limaniya ma, ai y'ai bolo kɛ wo la ai joso sɛnɛyanin ne.