Ɛfɛsikalu 3:1 - Ala Ya Salatikan Kula Kitabu

¹ Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Ɛfɛsikalu 3:1 Iomraidhean Croise

Luka 21:12

«Kɛɛ jani ko wo bɛ yi kɛ, mɔɔlu kɛtɔ ài minala k'ài jangata, ani k'ài don Aladalibon ɲamɔɔlu bolo, ani k'ài bila kaso la. Ài do lalɔtɔ jamanatiilu ni masakɛlu ɲakɔlɔ ka bɛn ǹa ko ma.

Kɛkolu 21:33

Sɔdasi kuntiiba ka na ka Pɔli mina, ka jamali di ko ai yi Pɔli sili jɔlɔkɔ fila le. Wo kɛ, a ka jama maɲininga, a vɛɛ: «Kɛ́ min yi jene le? A na mindɛ kɛla?»

Kɛkolu 23:18

Wo fɔ a bolo, sɔdasi kuntii ka taa kavelen ne aa kuntiiba fɛlɔ k'a fɔ a yɛ, a vɛɛ: «Kasoden min tɔɔ yi ko Pɔli, wo na ǹ kilila ka ǹ dali ko ǹ'i na kavelen min ne i fɛlɔ, kamasɔlɔn kuma dɔ y'a fɛ k'a fɔ i yɛ.»

Kɛkolu 26:29

Pɔli do vɛɛ a yɛ: «A ka kɛ waate kulunni le o, a ka kɛ waate jaan ne o, ǹ'i Ala dalila ile ni ǹ lamɛnbalu bɛ yɛ bi ka bɛn wo ma, fɔsa ài yi kɛ ǹ ɲɔɔzii le. Kɛɛ jɔlɔkɔ kà bila ài la.»

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

2 Kolɛntikalu 1:6

Ni gbalo vɛ la mɔ kɔkan, wo kɛnin ài masawaliko ni àiya kisiko le lɔ. Ado ni mɔ ma vɛ sawali, wo kɛnin ài masawaliko le lɔ, ni ài ka maa tɔlɔya suu mina ài ma sawali boloma.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 11:23

Jalasa ai y'a fɔla ai jɛlɛ ma ko Masa Tɔɔmasenin ya bɔiden? Ǹe vɛ wo le ka timin ai la feu! Ǹe do yi kumala iwo fatɔ. M̀'ɛ baale ka timin ai la. M̀'ɛ kasolabila kɛ ka timin ai la. Ai vɛ m̀ gbasi gbusan na ka timin ai la. Saya ma vɛ sulunya ǹ na siɲa siyama le.

Galatiyakalu 5:11

M̀ badenmalu, ni a ka talan ǹ'i mɔɔlu kawanila hali bi ko ai y'ai makɛnɛkɛ, mindɛ lɔ ǹ'i jangata masɔlɔnna bene? Ni wo le, ǹ'i kawanili min na ka bɛn Masa Tɔɔmasenin gbaanko ma kɔlɔman ma, wo tɛɛ tɛnala kɛla mɔɔ foi kunnɔtɛɛko sabu le.

Galatiyakalu 5:2

Ài y'ài tolomalɔ! Ǹe Pɔli y'a fɔla ài yɛ, ni ài ka diɲa ài makɛnɛkɛko ma, wo vɛ kɛla, Masa Tɔɔmasenin na min kɛla ài yɛ, wo tɛnala ài nafala feu.

Galatiyakalu 5:24

Mɔɔ minu yi Masa Tɔɔmasenin Isa ta le, wolu vɛ ai falikolo gbaan kɔlɔman ma, wo ni a niikanukolu ani a natalu.

Ɛfɛsikalu 3:11

Wo bɛ ka kɛ ka bɛn aa habadan kolatɛɛnin ne ma, a na min mafala mɔ Tii Masa Tɔɔmasenin Isa fɛ.

Ɛfɛsikalu 3:13

Wo lɔ, ǹ'ài madiyala, ài falilɔ kà teeya ka bɛn ǹa tɔlɔyalu ma, ǹ'i minu masɔlɔnna àiya ko lɔ, kamasɔlɔn wolu le kɛtɔ kɛla magbiliyali le ài yɛ.

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 6:20

ǹe min kɛnin keladen ne ka bɛn wo ma, hali ǹ silinin ka kɛ jɔlɔkɔ la yi ne. Wo lɔ, ài yi Ala dali ǹ yɛ, fɔsa ǹ'i se ka wo lase josolagbeleya boloma iwo ǹ ka kan k'a kɛ teme.

Filipikalu 1:7

Ado ǹ jo le a lɔ ka m̀ mili tan ka bɛn ài ma, kamasɔlɔn àiya ko gbaanyine ǹ josokun na. Kamasɔlɔn àilu le ǹ lankan ne Ala ya nɛɛma lɔ, m̀'ɛ kɛla kaso la, niwotɛ m̀'ɛ ǹ lɔla Samakan Kein kɔ kɔlɔ k'a lasawati.

Kɔlɔsikalu 1:24

Wo lɔ saa, ǹ kɔnɔlɔdiyayine ka bɛn ǹa tɔlɔyalu ma àiya ko lɔ, kamasɔlɔn Masa Tɔɔmasenin ya tɔlɔya tɔ min tonin, ǹ'i wo le dafala ǹ falikolo lɔ limaniyajama yɛ, min kɛnin a falikolo le.

Kɔlɔsikalu 4:18

Ǹe Pɔli gbu le yi folikan minu sɛvɛla m̀ bolo le. Ài kà ɲina k'a fɔ ko ǹ silinin jɔlɔkɔ le. Ala ya nɛɛma yi kɛ ài yɛ.

Kɔlɔsikalu 4:3

Ài yi Ala dali ǹu fana yɛ, fɔsa Ala yi da laka mɔ yɛ a kumakan lasenko lɔ ka bɛn Masa Tɔɔmasenin ya gbonoko ma. Ǹe do yi kaso le la yi ne ka bɛn wo ma.

2 Timote 1:16

Mɔ Tii yi hena Onesifɔli ya bonnamɔɔlu la, kamasɔlɔn a vɛ ǹ sɛmɛdon siɲa siyama le. A do ma maloya ǹa ko lɔ, hali ǹ silinin ka kɛ jɔlɔkɔ la yi ne.

2 Timote 1:8

Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

Filemɔn 1:1

Ǹe Pɔli, min yi kasoden ne ka bɛn Masa Tɔɔmasenin Isa ya ko ma, ani mɔ badenma Timote, ǹu mɔɔ fila le yi sɛvɛli min lataala mɔ diyanan baalekɛɲɔɔ Filemɔn ma,

Filemɔn 1:23

Ǹ kasodenɲɔɔ Ɛpafalasi y'i fola, min yi ǹ fɛ jan Masa Tɔɔmasenin Isa ya ko lɔ.

Filemɔn 1:9

kɛɛ a diyayine ǹ yɛ ǹ'i madiya kanundeya boloma, ǹe Pɔli min yi kɛmɔba le ani kasoden butu ka bɛn Masa Tɔɔmasenin Isa ya ko ma.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.