Ɛfɛsikalu 2:8 - Ala Ya Salatikan Kula Kitabu

⁸ Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Ɛfɛsikalu 2:8 Iomraidhean Croise

Matiyu 16:17

Isa do vɛɛ a yɛ: «Yunusa denkɛ Simɔn, i yi duwawuden ne le, kamasɔlɔn i na min fɔla, mɔɔ ma wo lankɛnɛmaya i yɛ, mafɔ ǹ Fa min yi haijɛnɛ.

Matiyu 20:9

Mɔɔ minu ka na baalekɛya lɔ wulala, wolu ka na ka wɔligbɛ gbana kelen kelen ne sɔlɔn.

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Luka 7:50

Ado Isa vɛɛ moso yɛ: «Iya limaniya v'i lakisi. Taa hɛlɛ lɔ.»

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:35

Isa do vɛɛ ai yɛ: «Ǹe le niimaya bulu le. Ni mɔɔ mɔɔ si ka na m̀ ma, kɔɔn tɛnala wo tii minala butu. Ni mɔɔ mɔɔ do ka limaniya m̀ ma, minkɛlɔɔ tɛnala wo tii minala butu.

Yohana 6:37

Ǹ Fa vɛ mɔɔ minu dila m̀ ma, wolu bɛ natɔle m̀ ma. Ni mɔɔ mɔɔ do ka na m̀ ma, ǹ tɛnala wo tii gbɛnna feu.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 6:44

Mɔɔ suu suu tɛ se nala m̀ ma, ni ǹ Fa min na ǹ kelayala, ni ale ma wo tii masama k'a lana m̀ ma. Ǹe do kɛtɔ wo tii lawulila ka bɔ saya lɔ dunuɲa laban lon.

Yohana 6:65

Isa k'a fɔ kɔtunun, a vɛɛ: «Wo le n'a kɛla, ǹ n'a fɔla ài yɛ, ǹ ko, mɔɔ suu suu tɛ se nala m̀ ma, ni ǹ Fa ma wo see di a ma.»

Kɛkolu 13:39

Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Kɛkolu 15:11

Mɔ limaniyanin teme k'a fɔ ko mɔ kisinin ka bɛn mɔ Tii Isa ya nɛɛma le ma, wolu fana kisinin ten ne.»

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Kɛkolu 16:31

Pɔli ni Silasi k'a javi, ai vɛɛ: «I yi limaniya mɔ Tii Isa ma. Wo vɛ kɛla, i yi kisile, ile ni iya bonnamɔɔlu bɛ.»

Lɔmukalu 10:14

Kɛɛ ai kɛtɔ a tɔɔ kilila di vɛ, ni ai ma limaniya a ma? Ai kɛtɔ limaniyala a ma di vɛ, ni ai ma aa ko mɛn? Ai do kɛtɔ aa ko mɛnna di vɛ, ni mɔɔ ma ai kawani?

Lɔmukalu 10:17

Wo le y'a ma, mɔɔ yi limaniya sɔlɔnna tolomalɔ le fɛ, mɔɔ do yi min mɛnna, wo yi bɔla Masa Tɔɔmasenin kumakan ne lɔ.

Lɔmukalu 4:16

Wo le y'a ma, lahedi wo jusiinin limaniya le kɔkan, fɔsa Ibulahima bɔzɔnnu bɛ yi la a la ko ai y'a sɔlɔnne ka bɛn Ala ya nɛɛma ma. A tɛ seliya latelenbalu ta le dein, mafɔ a yi mɔɔlu le ta le minu limaniyanin Ala ma iwo Ibulahima n'a kɛla teme, min yi mɔ bɛ bema le.

Lɔmukalu 4:5

Kɛɛ ni mɔɔ min m'a bolomala a kɛkolu ma, mafɔ ka limaniya Ala ma min yi Alaɲasiyanɲɛbali jatela telenmande le, wo tii ma ya limaniya yi jatela telenmandeya le le Ala bolo.

Lɔmukalu 9:16

Wo lɔ saa, Ala ya mɔɔtako jusiinin tɛ adamadennu sawonanko kɔkan, niwotɛ ai kɛkolu, mafɔ Ala ya henandeya.

Galatiyakalu 3:14

A na mɔ kunmakala fɔsa Nabi Ibulahima balaka yi la siboloma gbɛlɛ mɔɔlu kɔkan Masa Tɔɔmasenin Isa sabu la, ani ǹu gbu yi Nii Sɛnɛyanin sɔlɔn limaniya fɛ, min lahedi tanin Ala bolo.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Ɛfɛsikalu 1:19

Ala yi ài lalɔnni aa foniseleya makawanin na, a yi min labaalela ǹu limaniyamɔɔlu yɛ. Foniseleya min la yi baalela mɔ lɔ,

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

Kɔlɔsikalu 2:12

Àilu ni Masa Tɔɔmasenin le sudoonnin kelen ne ka bɛn àiya makoli ma, ado àilu ni ale la ka wuli kelen ne fana ka bɛn àiya limaniya ma Ala ya foniseleya ma, min n'a lawulila ka bɔ saya lɔ.

2 Tɛsalonikakalu 1:9

Aiya kolatɔn kɛtɔ halaki banbali le le, k'ai mataa mɔ Tii la ani aa seetiiya makawanin.

Hebululu 6:4

Ài m'i mindɛ fɔ ka bɛn mɔɔ suu wolu ma minu v'ai kɔsei ai kɛko kɔlɔlu ma kɔtunun? Mɔɔ minu vɛ bɔ divi lɔ, ka Ala ya sɔli diyaya lɔn, k'ai ta nii sɔlɔn Nii Sɛnɛyanin lɔ,

1 Piyɛli 1:5

àilu minu lakananin Ala ya foniseleya lɔ ka bɛn àiya limaniya ma, fɔsa ài yi kisili sɔlɔn min la kɛtɔ nkɛnɛmayala dunuɲa laban waate.