Ɛfɛsikalu 2:3 - Ala Ya Salatikan Kula Kitabu

³ Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Ɛfɛsikalu 2:3 Iomraidhean Croise

Malɛkɛ 4:19

kɛɛ do dunuɲakolu le hamin ni nafolo ladiyaɲɛ ani fen kaijakaijalu lɔɔ yi donna ai josokun nɔ ka Ala kumakan lɔgbalin, a do tɛ sawatila ai ma.

Yohana 1:13

Ai ma kɛ Ala den ne iwo adamadennu yi den sɔlɔnna teme. Ai do ma sɔlɔn ka bɛn mɔɔlu sawo ma, mafɔ Ala sawo.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Kɛkolu 14:16

Waate dɔlu vɛ timin, Ala ka siboloma bɛ to je, ai bɛ ka taa ai ta siya kɔkan.

Lɔmukalu 1:24

Wo le n'a kɛla, Ala k'ai bila ai jɛlɛ ma ko ai y'ai kɔnɔlɔko kɔsɔnin suu bɛ dɔ kɛ, ai do vɛ malobaliyakolu kɛla i ɲɔɔ falikololu la.

Lɔmukalu 11:30

Waate lɔ, àilu siboloma gbɛlɛ mɔɔlu tɛɛ kolobaliya le kɛla Ala la. Kɛɛ tandainɔ yi ne, àilu vɛ Ala ya henandeya sɔlɔn ka bɛn Jahudiyalu ya kolobaliya ma.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 2:14

Siboloma gbɛlɛ mɔɔ minu ma Nabi Musa ya seliya sɔlɔn, ni wolu dɔlu ka kɛ seliya latelenna ai jɛlɛ yɛ, wo y'a jiya le la ko seliya wo y'ai josokun ne lɔ, hali ni seliya wo ma kɛ ai bolo.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 5:9

Wo lɔ saa, komi mɔ vɛ jate telenmande le butu Isa jeli bɔnko fɛ, a lagbɛyine feu ko a kɛtɔ mɔ lakisila ka mɔ bɔ Ala ya mɔnɛya kɔlɔ.

Lɔmukalu 6:12

Ài do kà diɲa julumbu yi fanga sɔlɔn ài falikolo sata ma, ka to ài falikolo niikanukolu kɛla.

Lɔmukalu 7:18

Ǹ k'a lɔn kokein lasawatinin tɛ ǹ nɔ, ǹ falikolo lɔ koni. Kamasɔlɔn kokeinkɛ lɔɔ yi ǹ na, kɛɛ wo kɛko see tɛ ǹ yɛ.

Lɔmukalu 9:22

Wo boloɲa kelen ma, a lɔɔ tɛɛ Ala la ka aa mɔnɛya jiya, ani ka aa seetiiya lankɛnɛmaya. Kɛɛ a mɔnɛnin mɔɔ minu kanma, minu lɔbɛnnin tɛɛ halakiko lɔ, a na wolu ya ko minala a ma sawali boloma.

1 Kolɛntikalu 4:7

Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Galatiyakalu 3:22

Kɛɛ a sɛvɛnin kitabu kɔnɔ ko dunuɲa bɛ yi julumbu ya fanga le kɔlɔ. Wo le y'a ma, Ala na ko min lahedi tala, wo yi dile limaniyamɔɔlu ma ka bɛn aiya limaniya ma Masa Tɔɔmasenin Isa ma.

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Kɔlɔsikalu 1:21

Waate lɔ, ài majaanyine tɛɛ Ala la k'ài kɛ a juulu le ka bɛn ài miliyalu ma ani ài kɛko yonnu.

1 Tɛsalonikakalu 4:13

Mɔ badenmalu, mɔ t'a fɛ le ài yi to divi lɔ ka bɛn mɔɔ saninnu ya ko ma, alako ài josoma kana kasi iwo jeisiibalilu.

1 Tɛsalonikakalu 5:6

Wo le y'a ma, mɔ kà sunɔɔ iwo dɔlu y'a kɛla teme. Ài m'i to mɔ ɲana, ka mɔ jɛlɛ lɔmina.

1 Timote 6:9

Kɛɛ a lɔɔ yi mɔɔ minu la ka nafolotiiya kɛ, wolu ma yi nɛɛla ka ben nata kolon suu bɛ le ma, minu yi mɔɔlu minala iwo sɔɔ ka tiɲali ni halaki lana ai ma.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

1 Piyɛli 1:14

Àilu den koloninnu, ài kà taama ka bɛn ài niikanuko yonnu ma ài tɛɛ minu lɔ àiya kolɔnbaliya waate lɔ,

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

1 Yohana 2:16

Kamasɔlɔn ko min bɛ yi dunuɲa kɔnɔ: falikolo niikanukolu o, ɲakulanindeyakolu o, ani fentiiya waso, wo dɔ pa tɛ bɔla mɔ Fa fɛ, dunuɲa ta le wo bɛ le.

1 Yohana 2:8

Wo bɛ n'a kɛ, ǹ'i jamali kula le sɛvɛla ài ma, Isa taamaɲa ni ài taamaɲa yi min jiyala k'a fɔ ko tuɲa le, kamasɔlɔn divi tununtɔle, ado kɛnɛya bɛlɛbɛlɛ vɛ bɔ butu.