Ɛfɛsikalu 2:2 - Ala Ya Salatikan Kula Kitabu

² ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Ɛfɛsikalu 2:2 Iomraidhean Croise

Matiyu 11:19

Mɔɔnivin Tanin fana vɛ na. A yi dɔnni kɛla k'i min. Wo le y'a kɛla, ai y'a fɔla ko nooma ni gbɛtɔ le a le. Ko a yi niisɔɔnminabalu ni julumbutɔlu le kɛla a tɔva le. Wo bɛ n'a kɛ, mɔɔ min yi taamana Ala ya hangilimaya lɔ, wo tii kɛkolu kɛtɔ a jiyala ko a yi siya bɛlɛ le kɔkan.»

Matiyu 13:22

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ do dunuɲakolu hamin ni nafolo ladiyaɲɛ yi donna ai josokun nɔ ka Ala kumakan lɔgbalin, a do tɛ sawatila ai ma.

Matiyu 13:38

Sɛnɛ yi dunuɲa le le. Malosi ɲuma, wo yi mɔɔlu le le minu fɛ yi Ala ya masaya la. Bin yonnu yi Soitana ya mɔɔlu le le.

Malɛkɛ 4:19

kɛɛ do dunuɲakolu le hamin ni nafolo ladiyaɲɛ ani fen kaijakaijalu lɔɔ yi donna ai josokun nɔ ka Ala kumakan lɔgbalin, a do tɛ sawatila ai ma.

Luka 16:8

«A kuntii ka ko wo mɛn mingɛ, a ka nafolo kunnasiiba telenbali wo matanu ka bɛn aa jateeya ma. Kamasɔlɔn dunuɲa min mɔɔlu i ɲɔɔ minala jateeya bolo le ma ka timin Ala ya mɔɔlu la, minu yi kɛnɛya lɔ.

Luka 22:31

Wo kɔ, Isa vɛɛ: «Simɔn, Simɔn, i tolomalɔ. Soitana vɛ see madali ài lɔsumanko lɔ, iwo malo ni a fofo wotɛ yi bɔla teme.

Yohana 12:31

Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Yohana 13:2

Isa ni a kɔbiladennu tɛɛ wulala dɔnna, k'a talan Soitana tɛɛ v'a janva miliya don Simɔn denkɛ Judasi Isekaliyɔti josokun nɔ.

Yohana 13:27

Judasi ka bulu mina mingɛ, Soitana ka don a josokun nɔ telemanin. Isa do vɛɛ a yɛ: «I yi min kɛko lɔ, i yi wo kɛ telemanin.»

Yohana 14:30

Ǹ tɛnala mɛnna kumala ài fɛ, kamasɔlɔn dunuɲa kuntii yi nala. See foi tɛ a yɛ ǹ kan,

Yohana 15:19

Ni do ài tɛɛ kɛ dunuɲa ta le, a tɛɛ ài kanule iwo a ta. Kɛɛ ài tɛ dunuɲa ta le, kamasɔlɔn ǹ n'ài tala k'ài bɔ a bolo. Wo le n'a kɛla, àiya ko gbeyanin dunuɲa yɛ.

Yohana 16:11

Ai do filinin ka bɛn kititɛɛko ma, kamasɔlɔn dunuɲa kuntii ya kiti vɛ ban tɛɛla.

Yohana 7:7

Ài tɛ se gbeyala dunuɲa yɛ, kɛɛ ǹe do gbeyayine a yɛ, kamasɔlɔn ǹ'i seleya dila ka bɛn a ma ko a kɛkolu kɛwonyanin.

Yohana 8:23

Isa do k'ai javi, a vɛɛ: «Ài sɔlɔnnin duukolo kɔkan jan ne, kɛɛ ǹe do bɔnin san ne ma. Dunuɲa ta le ài le, kɛɛ dunuɲa ta tɛ ǹe le.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Kɛkolu 19:35

A laban nɔ, so sɛvɛlikɛba ka se ai masawalila. A do vɛɛ ai yɛ: «Ɛfɛsikalu, bɛ k'a lɔn ko Ɛfɛsi so le joomoso ba Aatemesi ya bon lamalaba le, ani a sawula min jiinin ka bɔ sangbolo lɔ, kɛlɛ?

Kɛkolu 5:3

Kɛɛ Piyɛli vɛɛ a yɛ: «Ananiya, a yi di vɛ i na diɲala Soitana yi don i josokun nɔ, haan fɔɔ i na faɲa fɔla Nii Sɛnɛyanin yɛ, ka wɔli fan kelen ladalo i jɛlɛ yɛ?

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

1 Kolɛntikalu 5:10

Kɛɛ ǹ kan tɛɛ tɛ dunuɲamɔɔlu ma minu yi kanu kɛla, ani natabayakolu, ani gbanayakolu, ani joosɔkolu. Ni wo le tɛɛ, fɔ ài tɛɛ bɔ dunuɲa min nɔ.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Ɛfɛsikalu 1:21

A ka a lasii fangatii yenbalilu ni kuntiilu ni seetiilu ni masalu bɛ kunna poon. A do tɔɔ buɲanin vɛ tɔɔ bɛ le minu yi fɔla dunuɲa jan ani kiyama.

Ɛfɛsikalu 2:11

Àilu minu sɔlɔnnin siboloma gbɛlɛ falikolo lɔ, ài tɛɛ teme sɔ, ài kà ɲina wo lɔ. Jahudiyalu tɛɛ a fɔla ài ma ko kɛnɛkɛbalilu, k'a talan wolu makɛnɛkɛnin ai falikolo le ma dein.

Ɛfɛsikalu 2:13

Kɛɛ komi ài yi Masa Tɔɔmasenin Isa ya kafonɲɔɔya lɔ butu, wo lɔ, àilu minu majaannin tɛɛ Ala la sɔ, ài ma vɛ sulunya a la ka bɛn Masa Tɔɔmasenin jeli bɔnko le ma.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Ɛfɛsikalu 5:6

Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

Ɛfɛsikalu 5:8

Kamasɔlɔn waate lɔ, àilu tɛɛ divi le lɔ, kɛɛ tandainɔ ài yi mɔ Tii ya kɛnɛya le lɔ gbesekele. Wo le y'a ma, ài yi taama iwo kɛnɛyalɔ dennu.

Ɛfɛsikalu 6:12

Kamasɔlɔn maa kɛlɛ tɛ adamadennu kanma, kɛɛ a yi kuntiilu ni seetiilu le kanma, ani fanga yi minu bolo dunuɲa divi min nɔ, ani fangatii yenbali minu siinin sangbolo dingilalu lɔ koyonkɛ kanma.

Kɔlɔsikalu 1:21

Waate lɔ, ài majaanyine tɛɛ Ala la k'ài kɛ a juulu le ka bɛn ài miliyalu ma ani ài kɛko yonnu.

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

Janguba 1:7

Mɔɔ suu wo kà a mili ko a yi fen sɔlɔnne mɔ Tii la,

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

1 Piyɛli 1:14

Àilu den koloninnu, ài kà taama ka bɛn ài niikanuko yonnu ma ài tɛɛ minu lɔ àiya kolɔnbaliya waate lɔ,

1 Piyɛli 4:3

Tuɲa le, ài na waate min kɛla Alalɔnbalilu ladiyanankolu la kɔlɔman ne, wo vɛ je bɔ, iwo ài tɛɛ malobaliyakolu kɛla teme, ani niikanuko yonnu, ani gbɛtɔya, ani dannatimin tolonnu, ani joo kɔsɔninnu sɔko.

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

1 Yohana 5:4

Kamasɔlɔn mɔɔ minu vɛ sɔlɔn kula kɛ Ala bolo, wolu bɛ vɛ see sɔlɔn dunuɲa ma. Maa see sɔlɔnko dunuɲa ma, wo le maa limaniya le.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 16:17

A laban nɔ, mɛlɛka wolowulanna ka a ta tasa bɔn fɔɲɛ lɔ, ado kumakan ba dɔ ka bɔ masayasiifen na lɔhɔlɔmabonba kɔnɔ, a vɛɛ: «A da vɛ fa.»

Ko Lankɛnɛmayanin 20:2

A do ka jijala mina, min taanin kɛla sa kɔlɔkɔlɔ ba le, ai y'a fɔla min ma ko Jebulusa, niwotɛ Soitana. Mɛlɛka do ka a sili sanji waa kelen kɔlɔ.