Ɛfɛsikalu 2:16 - Ala Ya Salatikan Kula Kitabu

¹⁶ Aa saya fɛ kɔlɔman ma, a ka siboloma fila ni Ala wotɛbɛn, k'ai kɛ falikolo kelen ne, ka lagbeyaɲɛ ban ai wotɛ.

Ɛfɛsikalu 2:16 Iomraidhean Croise

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Lɔmukalu 8:7

Kamasɔlɔn mɔɔ min nii lanin a falikolo ladiyanankolu kɔkan, wo tii v'i lɔ Ala ɲa, kamasɔlɔn a m'a kolo Ala ya seliya yɛ, a do tɛ se wo la feu.

1 Kolɛntikalu 10:17

Komi bulukala kelen ne, hali ni mɔ walanin ka kɛ, falikolo kelen ne mɔ le butu, kamasɔlɔn mɔ bɛ dɛnnin bulukala kelen wo le la.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 2:15

a ka Jahudiyalu ya seliya ni aa jamali ni kolatɛɛninnu bɛ laben, fɔsa aa kafonɲɔɔya lɔ, siboloma fila yi kɛ mɔɔ kula kelen ne, ka josolajii don ai tɛma.

Ɛfɛsikalu 3:6

Wo gbonoko le min ne: Ka bɛn Samakan Kein ma, Ala yi balayi minu ladalola aa mɔɔlu yɛ, Jahudiyalu ni siboloma gbɛlɛ mɔɔlu kɛtɔ wolu sɔlɔnna kelen ne, k'ai kɛ falikolo kelen ɲɔɔma le, ani k'ai dɛn lahedi la Masa Tɔɔmasenin Isa ya kafonɲɔɔya lɔ.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Kɔlɔsikalu 2:14

Kamasɔlɔn jalaki sɛvɛ min ladannin tɛɛ mɔ kanma ka bɛn maa seliya tiɲako ma, Ala ka wo bɛ laben k'a bɔ je, ka sɛvɛ wo gbaan Masa Tɔɔmasenin gbaankɔlɔman ma.

Kɔlɔsikalu 3:15

Masa Tɔɔmasenin ya josolajii yi sawati ài josokun nɔ, kamasɔlɔn Ala n'ài kilila wo le kanma, k'ài kɛ falikolo kelen ne, ado ài yi kɛ koɲumalɔnba le.