Ɛfɛsikalu 2:12 - Ala Ya Salatikan Kula Kitabu

¹² Wo waate lɔ, àilu ni Masa Tɔɔmasenin wotɛ falanyine tɛɛ. Lona le tɛɛ ài le, minu fɛ tɛɛ tɛ Bani Isilankalu la. Ala na ko minu lahedi tala aa mɔɔlu yɛ aa salatikannu lɔ, ài sen tɛɛ tɛ wo dɔ lɔ. Ài tɛɛ ten ne dunuɲa, jeisii foi tɛɛ tɛ ài la, ado Ala tɛɛ tɛ ài fɛ.

Ɛfɛsikalu 2:12 Iomraidhean Croise

Luka 1:72

Wo boloɲa le ma, a aa henandeya jiyala mɔ bemanu la, k'a hangili to aa lɔhɔlɔma salatikan nɔ,

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Yohana 15:5

«Ǹe le lɛzɛnju le, àilu le do y'a bolo le. Ni mɔɔ min kafonnin ka to ǹ kan ani ǹe fana kafonnin ka to a kan, wo tii le kɛtɔ a denna kosɛvɛ, kamasɔlɔn ni ǹe tɛ ài fɛ, ài tɛ se foi kɛla.

Yohana 4:22

Àilu Samaliyakalu m'a lɔn ài yi min batola. Kɛɛ ǹu yi min batola, mɔ ka wo lɔn kamasɔlɔn kisiko ma yi sɔlɔnna ǹu Jahudiyalu le fɛ.

Kɛkolu 2:39

A na wo le lahedi tala àilu ni ài dennu yɛ, ani mɔɔ minu yi dingila majaannu lɔ, mɔ Tii Ala kɛtɔ minu bɛ kilila ka na a ma.»

Kɛkolu 28:20

Wo le n'a kɛla, ǹ n'ài kilila ka kuma ài fɛ, kamasɔlɔn ǹ silinin jɔlɔkɔ min na ka bɛn Bani Isilankalu jeisii le ma.»

Kɛkolu 3:25

Ala na ko ko jiyala kelalu la, ani a na salatikan min tala ài bemanu yɛ, ài ta le wo bɛ le. A n'a fɔla Nabi Ibulahima yɛ, a vɛɛ: ‹Dunuɲa kabila bɛ kɛtɔ balaka sɔlɔnna i bɔzɔnnu le fɛ.›

Lɔmukalu 9:8

Wo kɔlɔ le ko den minu sɔlɔnnin adamadenya sabu la, wolu tɛ jatela Ala den ne. Kɛɛ minu do sɔlɔnnin ka bɛn Ala ya lahedi ma, wolu le jatela a den bɛlɛbɛlɛ le.

Galatiyakalu 4:8

Waate lɔ, ài tɛɛ Alalɔnbaliya lɔ mingɛ, ài tɛɛ jɔnya lɔ tii dɔlu bolo, minu tɛ tii bɛlɛbɛlɛlu le.

Ɛfɛsikalu 2:19

Wo lɔ saa, àilu siboloma gbɛlɛ mɔɔlu tɛ lona ni kɔɔkanmɔɔ le butu, mafɔ ài vɛ kɛ duulen ne mumininnu fɛ, ani Ala ya bon dongolu.

Ɛfɛsikalu 4:18

Aiya koɲaye lɔdiviyine, k'ai majaan Ala ya niimaya la, ka bɛn aiya kolɔnbaliya ni aiya josokunja ma.

Kɔlɔsikalu 1:21

Waate lɔ, ài majaanyine tɛɛ Ala la k'ài kɛ a juulu le ka bɛn ài miliyalu ma ani ài kɛko yonnu.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

1 Tɛsalonikakalu 4:13

Mɔ badenmalu, mɔ t'a fɛ le ài yi to divi lɔ ka bɛn mɔɔ saninnu ya ko ma, alako ài josoma kana kasi iwo jeisiibalilu.

1 Tɛsalonikakalu 4:5

Ài do kà bila ài falikolo niikanukolu kɔ, iwo Alalɔnbalilu y'a kɛla teme.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Timote 1:1

Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn mɔ Lakisiba Ala ya jamali ma, ani Masa Tɔɔmasenin Isa min yi mɔ jeisii le.

Hebululu 11:34

ka taa jamanninu lasa, ka kisi siyamifan ma, ka fanga sɔlɔn aiya fangandanya lɔ, ka kɛ kɛlɛkuluba falilu le, ani ka jamana gbɛlɛ kɛlɛkɛjamalu gbɛn.

Hebululu 6:18

Ka bɛn ko fila minu ma, minu ma tɛ se falinna feu, Ala do tɛ se faɲa fɔla minu lɔ, ko wolu le sabu la, ǹu minu kun kalifanin a la, mɔ sɛmɛ vɛ don kosɛvɛ, ka mɔ bolo kɛ jeisii la kpekpe, min lamalanin mɔ ɲa.

Hebululu 8:6

Kɛɛ tandainɔ, salakalase baale vɛ di Isa ma min kɔlɔtanin ka timin dɔ wolu ta la, kamasɔlɔn ale le mɔɔwotɛlɔbɛnba le salatikan kula min nɔ, wo kɔlɔtayine ka timin a kunfɔlɔ ta la, a do jusiinin lahedi fisayaninnu le kɔkan.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 1:3

Tanuli yi Ala yɛ, min yi mɔ Tii Masa Tɔɔmasenin Isa Fa le! Ka bɛn aa henandeya ba ma, mɔ vɛ sɔlɔn kula kɛ ka jeisii ɲɛnɛma sɔlɔn Masa Tɔɔmasenin Isa lawuliko sabu la ka bɔ saya lɔ.

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.